Genesis 4:13 - Tagbanwa

¹³ Maat i tubag ni Cain it AMPUꞌANG DIYUS, “Abaa, dakulaꞌ nang banar i tiksaꞌ mut aken. Subuk ega na makayaan ku.

Genesis 4:13 Iomraidhean Croise

Genesis 4:12

Garing kayti, maski magpaꞌres ka it panguma-uma mu, talagang ega manggayen. Magluꞌug-luꞌug nay baraꞌan mu.”

Genesis 4:14

Ka ungaytu, pagꞌimugawun mu na aku situt lugtaꞌ ngaytung urumaan, baw ega na mapakay nga kat adapan mu paꞌ aku. Magbaraꞌ aku na ngaytung lemelꞌag. Barang bilaꞌ it atkaytu nay kabetangan ku, siyu-siyuy kaparag it aken, imatayen aku na.”

Mga Ipiyalteg 16:11

Diniyampaꞌ nira siꞌ i Ampuꞌang Diyus nga duꞌut langit sabap it paglabayen nira ngayting kakuriꞌan baw pamungad ngayti. Temed maski atkayti nay kabetangan nira, ega ga lamang nagsinguliꞌ baw inindiꞌan niray mga mararaꞌe-raꞌet nga pamagbuwaten nira.

Mga Ipiyalteg 16:21

Bawnga miyuran it talagang dadakulaꞌ na, nga piꞌsang it yilu i magtedag nga mamagtimbang nat agen-agen it limang puluꞌ nga kilu i sang piꞌsang. Unupat pagsariyan nat tedag i mga taw. Aypaꞌ diniyampaꞌ niray Ampuꞌang Diyus sabap it iti ngayti, ka ereꞌeret talaga nga kakuriꞌan.

Mga Ipiyalteg 16:9

Ta unupat inseb nang matuud i katataawan, sabap it talagang subraꞌ na nga kasgaꞌ, aypaꞌ diniyampaꞌ niray Ampuꞌang Diyus nga nagpapanaw it mga kakuriꞌan ngayti. Talagang tinmed nira nga daꞌsira magsinguliꞌ baw mangindiꞌ it mga kasalaꞌan nira baw daꞌsira magbantug it Ampuꞌang Diyus.