Genesis 4:10 - Tagbanwa

¹⁰ Temed maat it AMPUꞌANG DIYUS it kanya, “Unuka atkayan i binwat mu? Isugid tat imu, iyan duguꞌ it sulsug mu nga timnuruꞌ duꞌun it lugtaꞌ, subuk magꞌesang, nga magpangabang it aken nga belsen ta ikaw.

Genesis 4:10 Iomraidhean Croise

Genesis 18:20

Bawnga inaat it AMPUꞌANG DIYUS si Abraham. Maat ya, “Yay matuud, masaki-sakit na nga pangabang it rugar nga Sodoma baw Gomorra, sabap itsubrang-subraꞌ nay karaꞌe-raꞌetan nga pagbuwaten it mga taw duꞌun.

Genesis 3:13

Siyarunga it AMPUꞌANG DIYUS i babay ngayti bawnga miyampang. Maat ya, “Unuka binwat mu i atkayan?” “Ay, inakalan aku bat dukul ngaytu,” maat i babay ngayti.

Genesis 9:5

Baw yay matuud, in siyuy paturuꞌ it duguꞌ mi, talagang abulun ku kat duguꞌ ya gasiꞌ. In may ramu-ramu nga mimatay it taw, kaꞌilangan imatayen naga kanya.

2 Mga Adiꞌ 9:26

Ka daꞌga baꞌ magꞌaat basaꞌan, ‘Talagang pagleltegan ku katꞌapun i pagꞌimatay it ki Nabat baw mga anak ya,’ maat it AMPUꞌANG DIYUS. ‘Aypaꞌ sikaytu naga nga rugar i sukutan ku it imu.’ Aypaꞌ sigi,” maat ni Jehu, “bitbiten mu na ka iwaꞌsag na sikaytu nga lugtaꞌ uyun duꞌun it inampang ngayti it AMPUꞌANG DIYUS.”

Exodo 3:7

Maat paꞌ it AMPUꞌANG DIYUS it kanya, “Talagang naltegan ku nga subraꞌ na i kakuriꞌan it mga taawan ku duꞌun it Egipto. Nagnegan ku naga i pangabang nira sabap it pakuriꞌ it mga agalen nira. Talagang magkasanguꞌan ku sira.

Isaias 5:7

Bangsa nga Israel i paꞌaaten ngaytu nga kalulwakan nga bulun nga ubas nga ilinwak it AMPUꞌANG DIYUS nga landaw nga gunaan. Mga taga Juda i paꞌaaten nga ega basta-bastang kalulwakan nga pagdiyu-diyuun ya it magayen. Talagang pagꞌeꞌlaten ya i magagayen nga buwaꞌ kat pangaꞌgenan nira, nga kamatuudan nga kataldengan i ipapanaw nira, arit mangingimatay gat masigkataw. Pagꞌiꞌinawaren ya i adat nga purus magayen temed unuka manuꞌan it magpangari-ari panganin-anin it mga pagpakuriꞌan nira.

Mga Binwat 5:3

Temed maat ni Pedro it kanya, “Ananias, unuka siyumbayaꞌ mu i panakem ni Satanas it imu nga ambutan i Espiritu Santo? Tanud mu mataguꞌ i piyagꞌuyunan mi duwa magꞌasawa nga idawaꞌ mi nagay beken.

Mga Binwat 5:9

Maat siꞌ ni Pedro, “Unuka atkayan i piyagꞌuyunan mi, nga sukdanan i Espiritu Santo nga piyapasarum it Ampuꞌan situt bilug ta? Wayan na it salakwatan, namagkaꞌuliꞌ na, i nanlebeng it asawa mu. Kayti, paribasay piyagꞌuyunan mi i ambut ngaytu, makatundug ka nagat asawa mu.”

Hebreo 11:4

Ka panawun it pikir mi i mga taw it tagnaꞌ nga siyagyaan it Ampuꞌang Diyus. Alimbawa si Abel. Sabap it pamayaꞌ ni Abel ngayti it Ampuꞌang Diyus nagbuwat kanya it panalisi nga pasalamat nga ipiyabetang it Ampuꞌang Diyus nga subraꞌ pang magayen it ki Cain nga pasalamat. Aypaꞌ, ipiyamatuud it Ampuꞌang Diyus nga, si Abel ngayti, mataldeng nga taw. Kamatuudan, tiyanggap ya i kanya nga pasalamat. Kayti, maski maat naꞌlay na nga patay si Abel ngayti, dakulay ipagtulduꞌ it aten it pamayaꞌ yat Ampuꞌang Diyus.

Hebreo 12:24

Talagang aten nga piyatpadan, si Jesus, nga kanya i nagpapaꞌgen it Baꞌgu ngaytung Pakiꞌupakat, baw duguꞌ ya nga subuk ipiniꞌtik yat aten. Yay subrang may kapulusan, subraꞌ paꞌ it duguꞌ ngayti ni Abel nga magꞌangut lamang it kablesan.

Santiago 5:4

Ka ungaytu, mga tangdan nga ega ibinggay mi it mga piyakayeg mi duꞌun it mga uma mi, subuk magꞌesang. Magpangabang kuntraꞌ it imyu. Matuud nga magkaꞌbut duꞌun it Ampuꞌang Diyus nga landaw nga gunaan i mga panganin-anin it mga piyabwat mi ngaytu.

Josue 7:19

Pagkaꞌanu kayti inaat ni Josue si Acan ngayti, “Dunguꞌ, kayti kat adapan ka it AMPUꞌANG DIYUS it Israel. Kaꞌilangan isugid mu i kamatuudan. Egay itaguꞌ mu nga maski unu. Unu nga matuud i binwat mu?”

1 Samuel 13:11

Iningkut kanya ni Samuel nga magꞌaat, “Unuka binwat muy atkayan?” Katubag si Saul, maat ya, “Binwat ku na baꞌ ka mga kaꞌibaan ku, magkayaꞌmat nat tumanan it aken. Ka adeꞌdeng na situt amen i mga Filisteo, duꞌun nat Micmas. Beken it aldaw na nga upakat ta nga ibwat, tanud ku daꞌka na mabut.