Genesis 39:6 - Tagbanwa

⁶ Aypaꞌ ipiyabaalaꞌ ya talaga it ki Jose i muꞌsa ya. Ega na magpasilabet kanya. Si Jose nay baalaꞌ. Yamanay kat ulu ya, in unuy magayen ya nga kaꞌnen. Si Jose ngayti, talagang kanaꞌkan nga lalaki.

Genesis 39:6 Iomraidhean Croise

Genesis 29:17

Malabu-labu i pagmata ni Lea it kanya temed, si Raquel, talagang daraga kanya.

Genesis 39:23

Ega na pagpasilabtan it magpamaalaꞌ ngaytit pirisuwan i kumpur nakapakarguꞌ ya nat ki Jose nga buwaten duꞌut pirisuwan ngayti, ka namuyaan ya nga pagtabangen it AMPUꞌANG DIYUS si Jose ngayti kat muꞌsang buwaten ya, ka magmagayen i muꞌsa.

Genesis 39:4

Ta it atkayti, siyagyaan kanya ni Potifar ngayti. Ipiyatindeg ya nga sarig-sarigan ya. Bawnga ipiyaꞌalima ya it ki Jose ngayti i muꞌsa nga kat seled it pamalay-balay ya, pati mga kusas, ipiyabaalaꞌ nat kanya.

Genesis 39:8

“Aa bilaꞌ,” maat ni Jose, “ayaw kat ampang it atkayan. Iyan agalen ku, ega nay pagpasasawan ya nga maski unu ka ipiyabaalaꞌ ya nat aken i muꞌsa ya.

Genesis 43:32

Tiyarakanan it ki Jose, duꞌut sangbat nga lamisaan, esa-esa yat kanya. Mga sulsug ya ngayti, duꞌut sang kalamisaanan. Mga taga Egipto nga kaꞌibaan ya, bulun siray kanira, ka pagliꞌyan nira in maꞌiba nirat kumaꞌen i mga Hebreo.

Lucas 16:10

Ka matuud talaga nga iyan magkasarigan it dekeyeꞌ nga bagay, simpri maski dakulaꞌ nga bagay magkasarigan naga. Temed iyan maski dekeyeꞌ nga bagay ipagpanluku ya, simpri subraꞌ na nga ipanluku ya i dakulaꞌ nga bagay.

Lucas 19:17

‘Magayen!’ maat it agalen ya ngayti. ‘Pagsagyaan kuy binwat mu ngayan. Kayti it namuyaan ku nga magkasarigan ka it maski dekeyeng bagay, papamaalaꞌen ku ikaw it sang puluꞌ nga kalansanganan.’

Mga Binwat 7:20

Kat iting timpu ipiyanganak si Moises nga talagang magaye-gayeng waꞌwaꞌ. Impet kanyat tulung bulan it mga amaꞌ ya.

1 Samuel 16:12

Egay beken, pinsiꞌ i iting anak na Jesse. Kanaꞌkan kanya, magayeng pamimilugan, pasalu-padibwat magayen nga pagletganan. Maat it AMPUꞌANG DIYUS it ki Samuel, “Kanya na i piniliꞌ ku. Paturuꞌan mu na kanya it lana.”

1 Samuel 17:42

Pagleteg ni Goliat, iyan naltegan ya nga si David ngayti, lugmas, egay unu-unu, talagang tinibabaꞌ ya ka waꞌwaꞌ, kanaꞌkan na lamang.