Genesis 39:3 - Tagbanwa

³ Namuyaan it agalen ya ngayti nga pagtatarimaen it AMPUꞌANG DIYUS si Jose baw, muꞌsang pagbuwaten ya, purus pagtabangen kanya it ildaw it AMPUꞌANG DIYUS, isaꞌun magmagayen.

Genesis 39:3 Iomraidhean Croise

Genesis 21:20

Talagang ega nagang matuud piyabaya-bayaꞌan it Ampuꞌang Diyus si Ismael ngayti. Duꞌun nay diyakulaꞌan ya it kapupuyangtan nga rugar nga Paran. Pagdakulaꞌ ya, bantug kanya nga manlulugitem. Gamit ya, panaꞌ.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 26:28

“Aaꞌ,” maat i tubag nira, “natantuwan namen nang matuud nga pagtatarimaen ka nga pirmi it AMPUꞌANG DIYUS. Aypaꞌ napikir namen, magayen in pakiꞌupakat kami. Magayen, kami baw ikaw, may siyumpaan nga upakat.

Genesis 30:27

Temed maat i tubag ni Laban it kanya, “In mapakay ka, ireg ku bayan, ayaw ka nat liꞌid situt aken, sabap natantuwan ku duꞌun it may kepetan nga dakulay ildaw it AMPUꞌANG DIYUS it aken sabap lamang it imu.

Genesis 30:30

Pagꞌabut ku situ, dekeyeꞌ pay pagngatanan mi. Kayti ungaytu na, nagdungag na talaga ka itu, ildaw naytut AMPUꞌANG DIYUS it imyu kat kada taꞌeg mut aken. Aypaꞌ kayti, iyan siꞌ i kaꞌilangan nga asikasuun ku, pamalay-balay namen nat amen.”

Genesis 39:2

Temed talagang pagtatarimaen nga matuud it AMPUꞌANG DIYUS si Jose ngayti, aypaꞌ nanggayen i kabetangan ya. Ministar kanya duꞌun it balay it agalen ya ngayti nga taga Egipto.

Genesis 39:21

Temed talagang pagtatarimaen nga pirmi it AMPUꞌANG DIYUS si Jose ngayti, baw sabap it ildaw it AMPUꞌANG DIYUS, magayen nagay pabetang it magpamaalaꞌ it pirisuwan it ki Jose.

Genesis 39:23

Ega na pagpasilabtan it magpamaalaꞌ ngaytit pirisuwan i kumpur nakapakarguꞌ ya nat ki Jose nga buwaten duꞌut pirisuwan ngayti, ka namuyaan ya nga pagtabangen it AMPUꞌANG DIYUS si Jose ngayti kat muꞌsang buwaten ya, ka magmagayen i muꞌsa.

2 Cronica 26:5

Tiyulduꞌan kanya ni Zacarias nga pasakep it Ampuꞌang Diyus it may iꞌlam aypaꞌ, seked it miyatay na si Zacarias ngayti, inres talaga ni Uzias i kamatuudan nga pagsunud ya it Ampuꞌang Diyus. Aypaꞌ ka mintras atkayti i adat ya, nanggayen nga banar i pangaꞌgenan ya kat tabang it AMPUꞌANG DIYUS it kanya.

Nehemias 2:20

Katubag akut kanira, “Pagsisiguruun ku nga, iyan Ampuꞌang Diyus duꞌut langit nga magbebegbeg it muꞌsa, kanya i tumabang it amen nga mga manigsirbi ya. Aypaꞌ, talagang makapatabus namen i buwaten namen ngaytu. Temed kamu, egay lalabeten mi it maski unu nga kusas situt Jerusalem. Ega gasiꞌ i kariꞌgenan mi situt itung siyudad, baw ega maꞌimyu i maski unu situ nga arandeman it imyu it mga kaꞌanakan mi.”

Mateo 5:16

Aypaꞌ ega itaguꞌ mi i pamayaꞌ mi. Sana masgu nga pirmi i imyu nga tidaw kat panleteg it kadakel, isaꞌun maꞌyag it kanira i magagayen nga buwat mi, baw bantugun nira i Amaꞌ mi nga duꞌun it langit.”

1 Corinto 16:2

Kada aldaw it Linggo magayen dumawaꞌ nay kada esa it sang unu-unu na, uyun kat in sang unuy napisiꞌ yang pirak it iyang lingguꞌ. In atkaytu i buwaten, ega na kaꞌilangan paꞌ nga pabgay pagpaꞌasan ku.

Josue 1:9

Kaꞌilangan dedemdemen mu nga pirmi i kumpur ipiyagsasar ku ngaytut imu nga daꞌka gugumir-gumiren, magpakalalaki kang banar. Daꞌka magmaiꞌlam baw ayaw kat alang-alang, ka aku nga AMPUꞌANG DIYUS mu i magtatarima it imu maski ari aduꞌunan mu.”

Mga Ipiyalteg 3:9

Pagnegan mit magayen i iꞌaat kut imyu. Paꞌadapen kut imyu i mga taw ngayan asan nga maꞌambut ka magbete-beteꞌ nga mga taawan ku sira temed yay matuud, sang siraan yan nga magsirbi it ki Satanas. Pasaluduꞌun ku nga manluud sira kat adapan mi. Sikayan maꞌrutan nira nga talagang pagmaꞌalen baw pagrarasan ku kamu.

1 Samuel 18:14

Baw yay matuud, maski ari-ari pakibunuꞌan na David, magpandaꞌeg sira, sabap it talagang pagtatarimaen kanyang pirmi it AMPUꞌANG DIYUS.

1 Samuel 3:19

Magdakulaꞌ-magdakulaꞌ si Samuel, magsisiging pagtatarimaen kanya it AMPUꞌANG DIYUS. Nagmatuud nga muꞌsa i kumpur isiyugid ni Samuel ngayti nga ipiyasugid it AMPUꞌANG DIYUS it kanya.