Genesis 39:2 - Tagbanwa

² Temed talagang pagtatarimaen nga matuud it AMPUꞌANG DIYUS si Jose ngayti, aypaꞌ nanggayen i kabetangan ya. Ministar kanya duꞌun it balay it agalen ya ngayti nga taga Egipto.

Genesis 39:2 Iomraidhean Croise

Genesis 21:20

Talagang ega nagang matuud piyabaya-bayaꞌan it Ampuꞌang Diyus si Ismael ngayti. Duꞌun nay diyakulaꞌan ya it kapupuyangtan nga rugar nga Paran. Pagdakulaꞌ ya, bantug kanya nga manlulugitem. Gamit ya, panaꞌ.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 26:28

“Aaꞌ,” maat i tubag nira, “natantuwan namen nang matuud nga pagtatarimaen ka nga pirmi it AMPUꞌANG DIYUS. Aypaꞌ napikir namen, magayen in pakiꞌupakat kami. Magayen, kami baw ikaw, may siyumpaan nga upakat.

Genesis 28:15

Talagang ega pablagan ku ikaw. Maski paꞌunu-unu ka, pagtatarimaen ku ikaw nga pirmi. Siguradung paꞌuliꞌen ku ikaw sikaytut itung rugar, ka yay matuud, ega pabaya-bayaꞌan ku ikaw mintras ega natuman i muꞌsa ngaytung ipiyagꞌaat ku it imu.”

Genesis 39:23

Ega na pagpasilabtan it magpamaalaꞌ ngaytit pirisuwan i kumpur nakapakarguꞌ ya nat ki Jose nga buwaten duꞌut pirisuwan ngayti, ka namuyaan ya nga pagtabangen it AMPUꞌANG DIYUS si Jose ngayti kat muꞌsang buwaten ya, ka magmagayen i muꞌsa.

Genesis 39:3

Namuyaan it agalen ya ngayti nga pagtatarimaen it AMPUꞌANG DIYUS si Jose baw, muꞌsang pagbuwaten ya, purus pagtabangen kanya it ildaw it AMPUꞌANG DIYUS, isaꞌun magmagayen.

Isaias 43:2

Maski unu nga magkalabayan mi, ega yan pabaya-bayaꞌan ku kamu. In subuk luyud i mga kakuriꞌan nga magꞌabut it imyu, daꞌkamu yan malmes. U maski subuk dakulang apuy, egay kaꞌunuꞌan mi. Talagang daꞌkamu daꞌgen it maski sang unu na nga kabebeꞌgat it sukdan it imyu.

Mateo 1:23

“Dumarugmatiꞌ i esang umba-umbay paꞌ nga ega paꞌ nakalabay it lalaki. Sumakit nga anak ya, lalaki. Taꞌwagen kanya nga Emmanuel (nga ireg sugiden, kaꞌiba-iba tami na i Ampuꞌang Diyus).”

Mga Binwat 8:31

“Ega bay magkasepsepan ku”, maat i tubag it taga Etiope ngayti. “Barang in may paꞌyag it aken, masepsepan ku.” Aypaꞌ piyasakay ya na si Felipe ngayti.

1 Timoteo 6:1

Iyan talagay magayen it in siyu nga uripen nga magpamayaꞌ nat Ampuꞌang Diyus, paggalangen yat magayen i agalen ya. Ka in daꞌga, simpri ega desang uripen ngaytu i masudi-sudi it beken, in daꞌga pati Ampuꞌang Diyus nga piyamayaꞌ ya. Atkayan i ipagpangadal ta ngaytu, barang masudi-sudi naga.

Josue 1:5

Daꞌka yan daꞌgen it maski siyu mintras egen ka, ka in magꞌuꞌunu tiyarima ku si Moises, atkayan naga i buwaten ku it imu. Talagang daꞌka pabaya-bayaꞌan ku u tananan.

Josue 1:9

Kaꞌilangan dedemdemen mu nga pirmi i kumpur ipiyagsasar ku ngaytut imu nga daꞌka gugumir-gumiren, magpakalalaki kang banar. Daꞌka magmaiꞌlam baw ayaw kat alang-alang, ka aku nga AMPUꞌANG DIYUS mu i magtatarima it imu maski ari aduꞌunan mu.”

1 Samuel 16:18

May esa kat taawan ya nga mangaꞌwaꞌen paꞌ nga nakasugid nga magꞌaat, “Si Jesse nga taga Betlehem, may esa nga anak ya nga talagang magkaꞌrut tumugtug, baw maꞌiseg kanyang taw nga ega lilipi-lipiyen. Makaꞌrut mampang baw kanaꞌkan nga lalaki. Temed subrat muꞌsa, duꞌut kanya nga pirmi i AMPUꞌANG DIYUS.”

1 Samuel 18:14

Baw yay matuud, maski ari-ari pakibunuꞌan na David, magpandaꞌeg sira, sabap it talagang pagtatarimaen kanyang pirmi it AMPUꞌANG DIYUS.

1 Samuel 3:19

Magdakulaꞌ-magdakulaꞌ si Samuel, magsisiging pagtatarimaen kanya it AMPUꞌANG DIYUS. Nagmatuud nga muꞌsa i kumpur isiyugid ni Samuel ngayti nga ipiyasugid it AMPUꞌANG DIYUS it kanya.