Genesis 39:12 - Tagbanwa

¹² Egay beken, piyuꞌgunan it asawa ngayti ni Potifar si Jose, singkel na i badyu-badyuꞌ ya, sigi nang aat nga, “Sigi na, uliden mu na aku!” Temed binwat ni Jose it atkayti na, limbas ya nay badyuꞌ ya ngayting pagseskelen bawnga miyalagyu nat nanliꞌwan.

Genesis 39:12 Iomraidhean Croise

Genesis 39:10

Aldaw-aldaw, atnakayting-atnakayti i buwat it agalen ngayti ni Jose nga babay it kanya. Temed unu-unuꞌun ya si Jose ngaytit runding it uliden kanya u magꞌiba-iba sira, atgat bengel nga tapilak si Jose.

Genesis 39:11

Ta may esang aldaw nga siminled siꞌ si Jose duꞌut balay ka muwat siꞌ it buwaten ya, baw egay beken nga maꞌiba ya nga taraꞌgen duꞌut balay ngayti.

Genesis 39:13

Pagkamuya it babay ngaytit atkayti i binwat ni Jose, paribasay pagseskelen yay badyuꞌ ngayting limbas, timnaꞌwag-taꞌwag na kanya.

Genesis 39:8

“Aa bilaꞌ,” maat ni Jose, “ayaw kat ampang it atkayan. Iyan agalen ku, ega nay pagpasasawan ya nga maski unu ka ipiyabaalaꞌ ya nat aken i muꞌsa ya.

1 Corinto 15:33

Ega ambutan mi i sadili mi. In pakiꞌiba-ibaan tami i mga taw nga maraꞌe-raꞌet i adat baw kamaliꞌ i pamagpikiren, mabwa-mabway rumanggaꞌ gasiꞌ i aten nga adat baw pagpikiren.

2 Timoteo 2:22

Aypaꞌ iyan i magayen, paꞌalaidan muy mga ega magayeng adat baw bisyuꞌ nga kaꞌiꞌirgan it mga kamamangaꞌwaꞌan. Iyan i magayen nga paꞌresan mu, mataldeng i pangaꞌgenan mu, magmapaꞌgen i pagsarig baw pamayaꞌ mu it Ampuꞌan, kamatuudan i raras mu it masigkataw mu, baw maꞌimbeng i pakiꞌiba-iba mu it kumpur magpasakep it Ampuꞌan, nga magpangaꞌgenan uyun kat kamatuudan.

1 Pedro 2:11

Mga pagmaꞌalen ku, demdemen mi nga bilang mga dumadayuꞌ kamu lamang situt banwa, ka langit i pagpapaꞌbutun mi, nga yanay banwa mi. Aypaꞌ paꞌalaidan mi nay mga maraꞌe-raꞌet nga kaꞌirgan it bilug, ka magꞌindaꞌeg yan it pamayaꞌ mi it Ampuꞌan.

1 Samuel 15:27

Nanalikud na si Samuel ka mapanaw na. Temed piyamgutan ni Saul i sagyaden it pakayan ni Samuel ngayti, unupat narasik nat napeꞌtek nga lagi.