Genesis 39:10 - Tagbanwa

¹⁰ Aldaw-aldaw, atnakayting-atnakayti i buwat it agalen ngayti ni Jose nga babay it kanya. Temed unu-unuꞌun ya si Jose ngaytit runding it uliden kanya u magꞌiba-iba sira, atgat bengel nga tapilak si Jose.

Genesis 39:10 Iomraidhean Croise

Genesis 39:11

Ta may esang aldaw nga siminled siꞌ si Jose duꞌut balay ka muwat siꞌ it buwaten ya, baw egay beken nga maꞌiba ya nga taraꞌgen duꞌut balay ngayti.

Genesis 39:8

“Aa bilaꞌ,” maat ni Jose, “ayaw kat ampang it atkayan. Iyan agalen ku, ega nay pagpasasawan ya nga maski unu ka ipiyabaalaꞌ ya nat aken i muꞌsa ya.

Genesis 39:9

Subung nat nagsubung nay kataꞌas namen. Ega nay ipagꞌimet ya it aken, puyrat imu ngaytu nga asawa ya. Ta unuka buwaten kuy pagleltegan ku nang maraꞌway baw kasalaꞌan na kat Ampuꞌang Diyus?”

1 Corinto 15:33

Ega ambutan mi i sadili mi. In pakiꞌiba-ibaan tami i mga taw nga maraꞌe-raꞌet i adat baw kamaliꞌ i pamagpikiren, mabwa-mabway rumanggaꞌ gasiꞌ i aten nga adat baw pagpikiren.

1 Corinto 6:18

Aypaꞌ paꞌalaidan mi nga pirmi i muꞌsang kalasit pamakun duꞌun it ega asawa mu. Ka itung kasalaꞌan, belag kat muꞌsang kasalaꞌan nga beken nga magkabwat it taw. Sabap kat pamakun ngaytu duꞌun it ega asawa mu, ipagkasalaꞌan mu i bilang sang bagiꞌ it bilug ni Cristo duꞌun it ega bagiꞌ it bilug ya.

1 Tesalonica 5:22

Takaꞌ paꞌalaidan mi talaga i muꞌsang kalasit karaꞌe-raꞌetan.

1 Timoteo 5:14

Aypaꞌ in kat aken lamang, iyan mangaꞌwaꞌen paꞌ ngaytu, in may kupangasawa it kanira, magayen paꞌasawa naga, manganak, baw masikasu it pamalay-balay. Simpri in atkayan, egay masudi-sudi it mga ega namayaꞌ.

2 Timoteo 2:22

Aypaꞌ iyan i magayen, paꞌalaidan muy mga ega magayeng adat baw bisyuꞌ nga kaꞌiꞌirgan it mga kamamangaꞌwaꞌan. Iyan i magayen nga paꞌresan mu, mataldeng i pangaꞌgenan mu, magmapaꞌgen i pagsarig baw pamayaꞌ mu it Ampuꞌan, kamatuudan i raras mu it masigkataw mu, baw maꞌimbeng i pakiꞌiba-iba mu it kumpur magpasakep it Ampuꞌan, nga magpangaꞌgenan uyun kat kamatuudan.

1 Pedro 2:11

Mga pagmaꞌalen ku, demdemen mi nga bilang mga dumadayuꞌ kamu lamang situt banwa, ka langit i pagpapaꞌbutun mi, nga yanay banwa mi. Aypaꞌ paꞌalaidan mi nay mga maraꞌe-raꞌet nga kaꞌirgan it bilug, ka magꞌindaꞌeg yan it pamayaꞌ mi it Ampuꞌan.