Genesis 39:1 - Tagbanwa

¹ Si Jose ngayti nga ipiyaꞌalang it mga sulsug ya duꞌun it mga manigdagang ngayti nga mga Ismaelita, nataban na duꞌun it Egipto. Pagꞌabut siꞌ duꞌun, ipiyaꞌalang siꞌ it piyaꞌalangan ngayti duꞌut ki Potifar, esang taga Egipto nga katimbang it adiꞌ, baw kapitan paꞌ it mga guwardiya ya.

Genesis 39:1 Iomraidhean Croise

Genesis 37:25

Desang mamagkaraꞌnen na sira, may nalawag nira nga bulyug it mga Ismaelita, nga manigdagang nga garing duꞌut Galaad. Dakulang pamiri-pirisiꞌen it mga kamelyo nira, mga pagbuwateng babangluun, balsamo, mga mira, nga muꞌsa ngayti, idagang nira duꞌun it Egipto.

Genesis 37:28

Aypaꞌ egay beken, pagtaꞌlib it mga manigdagang ngayting mga Madianita, nga iyan gasiꞌ i esang panaꞌwag it mga Ismaelita ngayti, inabat nira siꞌ si Jose duꞌut kali ngayti nga inlugan nira ka ipiyaꞌalang na. Ipiyaꞌalang nirat kantidad it duwang puluꞌ kat kanirang pirak. Pagkabayad, piyabayaꞌ nat piyaꞌalangan ngayti si Jose duꞌut Egipto. Temed ki Ruben, ega duꞌun kanya it iting binwat nira, aypaꞌ ka egay uru-urut ya.

Genesis 37:36

Temed si Jose ngayti, pagꞌabut duꞌut Egipto it mga Madianita ngayting piyaꞌalangan, ipiyaꞌalang nira siꞌ. Miyalang it kanya, esang taw nga pagpangaranat ki Potifar, nga esang katimbang it adiꞌ it Egipto ngayti baw kapitan paꞌ it mga guwardiya ya.

Genesis 40:3

aypaꞌ pinirisu ya sira duꞌut balay it kapitan it mga guwardiya, duꞌut iti nagang pirisuwan, pagpipirisuwan ngaytit ki Jose.

Genesis 45:4

“Patpad kamung muꞌsa,” maat siꞌ ni Jose it mga sulsug ya ngayti. Ta, namagpatpad sira. Ipiyasigi na ni Jose i ampang ya. “Aku na ngaytu baytung matuud si Jose nga sulsug mi ngayan, nga ipiyaꞌalang mi it timnaban it aken situt Egipto.

Mga Binwat 7:9

Siguru magkaꞌrutan mi naga i binwat it mga anak ngayti ni Jacob it esang sulsug nira nga si Jose. Paribasay subraꞌ nay inggit nirat ki Jose ngayti, ipiyaꞌalang nira duꞌut namagtaꞌlib nga mga manigdagang bawnga tiyaban kanya duꞌun it Egipto. Temed yay matuud, si Jose ngayti, talagang pagtatarimaen nga pirmi it Ampuꞌang Diyus.