Genesis 32:7 - Tagbanwa

⁷ Pagkagneg ni Jacob, miniꞌlam kanya nga banar. Nalibeg nga banar i pikir ya. Binwat ya, dinwa ya nga bagiꞌ i kanya ngayting mga kaꞌibaan, pati mga ayep ya ngayti.

Genesis 32:7 Iomraidhean Croise

Genesis 32:11

Kayti pagꞌangutun ku nga iribri mu naga aku kat alima it sulsug ku nga si Esau. Magregen akung banar ka barang pagkita namen, pangimatayen ya na kaming muꞌsa, mga babay ngayni, pati mga anak nira.

Genesis 32:3

Bawnga napikir ni Jacob, magayen in may pauꞌnaen ya duꞌut akaꞌ ya ngayti nga si Esau nga duꞌut rugar nga Seir, nga esang ngaran it iting rugar, Edom.

Genesis 32:8

Binwat yay atkayti isaꞌun in pagꞌabut na Esau, sulungun sira nga lagi, kapalagyu nagay sang gurupu ngayti.

Genesis 33:1

Paglawag ni Jacob duꞌun it uꞌnaan, nalawag ya na i bulyug na Esau ngayti, magꞌaat kat epat ngayting gatus i kaꞌibaan ni Esau. Aypaꞌ binwat ni Jacob ngayti, kanya-kanyang anak duꞌut kanyang inaꞌ.

Genesis 35:3

Ka magpapanaw tami siꞌ nga paꞌugad duꞌun it Betel. Pagꞌabut ta duꞌun, magbuwat aku it papangantengan it ipagsamba duꞌun it Ampuꞌang Diyus. Ka tagnaꞌ ngayting dakulay kakuriꞌan ku, piyagnegan ya i panalangin ku. Baw yay matuud, kanya naga ngaytu i magtatarima it aken kat paꞌari-aring rugar nga piyanawan ku.”

Exodo 14:10

Naꞌubu-ubus i iꞌlam it mga Israelita ngayti, pagkalawag nira it mamagꞌaꞌabut ngayti nga mga taga Egipto. Nakapangabang sira duꞌun it AMPUꞌANG DIYUS.

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Mateo 8:26

Pagmukrat ni Jesus, maat yat kanira, “Unu nay magkaiꞌlaman mi nga atnakayan, it aku naga i iba mi? Talagang dekeyeꞌ i pamayaꞌ baw pagsarig mit aken.” Nagbangun na kanya baw biyugrakan yay deres nga yemengyeng na, baw kat lapnaw, lumantap na. Unupat limnantap nat atna.

Juan 16:33

Isiyugid kut imyuytu isaꞌun may kaꞌimbengan it nakem mi kat pakilagpit mit aken. Talagang may kakuriꞌan mi naga yan, mintras situ kamu pat banwa ngaytu. Temed paksegen mi i nakem mi ka aku ngaytu, diyaꞌeg ku nay magsasakep situt sinirungat langit.”

Mga Binwat 14:22

Duꞌut kada rugar ngayti, pagpaksegen nira i nakem it mga magpamayaꞌ baw ipagbenge-bengel nirat kanira nga, sana, teꞌteꞌan i pamayaꞌ nirat Ampuꞌan maski pakuriꞌan. “Ka simpri,” maat nira, “kaꞌilangan, dakel i malabayan ta nga kakuriꞌan parabir mabut tami duꞌun it kaꞌadiꞌan it Ampuꞌang Diyus nga duꞌun it langit.”

2 Corinto 1:4

Talagang daꞌtami pagpabaya-bayaꞌan ya kat mga kakuriꞌan tami, in daꞌga pagpasagyaen yay nakem tami, isaꞌun magkapasagya tami gasiꞌ it in siyu nga may kakuriꞌan. Ka in unuy ipagkasagya it nakem nga ipagbegay it Ampuꞌang Diyus it aten, iyan nagay ipagpasagya tami it nakem it mga maꞌiba ta nga magkakuriꞌan.

2 Timoteo 3:12

Baw ta, yay matuud, in siyu-siyuy magꞌireg mangaꞌgenan it mataldeng kat panleteg it Ampuꞌang Diyus ka pakilagpit kanyat ki Cristo Jesus, talagang maglabay kanya gasiꞌ it pakuriꞌ it masigkataw.