Genesis 32:4 - Tagbanwa

⁴ Maat ya it piyauꞌna ya ngayti, “Aaten mi i agalen ku nga si Esau, ‘Magpaꞌa-paꞌaat bay tugun it ariꞌ mu nga manigsirbi mu, kaꞌlay ngaytu, duꞌun aku magtataꞌid it ki Amay Laban.

Genesis 32:4 Iomraidhean Croise

Genesis 23:6

“Unuka ega mapakay it ikaw i pagkilalaen namen nga mabantug ka pagꞌildawan it Ampuꞌang Diyus? Miliꞌ ka lamang it ireg mu nga rugar nga lebngan mut asawa mu. Egay maski siyu it amen nga magꞌimet it imu. Ilbeng mu lamang duꞌut amen nga kalelbengan, in ari ireg mu nga lebngan.”

Genesis 25:30

“Aaꞌ,” maat ya, “magetem ku nang banar! Begayan mu akut pagꞌilutuꞌun mu ngayang madarag.” Iti, puꞌun-puꞌun it napangaranan si Esau it ki Edom, nga ireg sugiden, madarag.

Genesis 27:29

Sana iyan beken nga mga bangsa, magsirbi baw manluud sira it imu. Timindeg ka nga agalen it sulsug mu. Eeꞌ baꞌ, talagang manluud it imu i kaꞌanakan it sulsug mu. Makabetang it ega magayen i kumpur magpabetang it imu it ega magayen. Temed iyan mildaw it imu, sira gasiꞌ i ildawan.”

Genesis 27:37

“Unu pay mabwat ku?” maat ni Isaac. “Nakabgay ku nat kanya nga magbaraꞌ kanya nga agalen mu baw mabwat nga manigsirbi ya i muꞌsang kaꞌanak-anakan mu. Magbastanti i magkapatbasan ya nga pagkaꞌnen baw pagbuwateng pagꞌimnun. Ta, ega nay naꞌped, duꞌun nat kanya nga muꞌsa i ampang nga paꞌildaw. Unu pay makabgay ku it imu, Dunguꞌ?”

Genesis 31:41

Atkaytuy kabetangan ku it seledat duwang puluꞌ ngayting taꞌun nga sesled ku asat imu. Sang puluꞌ may epat nga taꞌun i kaꞌlay it pagsirbi ku it duwa ngaytung anak mu nga mga babay. Baw enem nga taꞌun, ipiyasigi ku nga pagꞌeperan kuy mga ayep mu isaꞌun may aken nagang mapisiꞌ nga ayep, nga yanay tangdan ku. Temed ta, pirmi ka nga magꞌugad-ugad it upakat ta, nga panluku mut aken.

Genesis 32:18

aaten mu nga, ‘Taban ku ngaytung mga ayep, si Jacob nga ariꞌ mu nga manigsirbi mu, kanyay tagpuꞌun. Ipagbegay ya it imu nga agalen ya. Asan nayan sira it giyaringan.’”

Genesis 32:5

Kiminseg aku na duꞌun ka dakel nay bakaꞌ, kabayuꞌ nga asno, tupa baw kambing ku, baw dakel naga gasiꞌ i mga uripen ku, babay, lalaki. Pagbaritaꞌan ku naga ikaw ka barang may maparagan ku nga ildaw mu isaꞌun magkagayen ta nagang nagsulsug.’” Ta, yan nay itinggun ni Jacob.

Genesis 33:14

Magayen siguru, agalen ku, magꞌuꞌna-uꞌna kamu nay imyu. Dumasun kami manay amen, keseg-kesegen namen nagayang panaw, kumpur lakad it mangaꞌwaꞌ ngaytu baw mga ramu-ramu ngaytu. Yanayan, yay keseg it panaw namen, seked it maꞌbutan namen naga kamu asat Seir.”

Genesis 33:8

Miningkut siꞌ si Esau. “Ta, yan mga reet-reet ngayat ramu-ramu nga taban it mga taw ngayang nasusmu namen, unu gasiꞌ yan? Unuy pagpatengedan mu kayan?” “Aaꞌ, iyan ngayan,” maat ni Jacob, “yanay seked yat abut ku it imu nga agalen ku, isaꞌun tanggapen mu aku it magayen i nakem.”

Genesis 4:7

In beteꞌ magayen i pagbuwaten mu, daꞌga baꞌ sagyaan ku gasiꞌ ikaw? Temed in ega ireg mu nga muwat it magayen, magꞌindadangep it kasalaꞌan. Sabap kasalaꞌan, subuk ramu-ramu nga magꞌaꞌapaꞌ nga kuturikeb it imu. Talagang pagtiꞌsen ya ikaw. Temed kaꞌilangan paꞌere-eres ka nga indaꞌegen mu kanya.”

Exodo 32:22

Katubag si Aaron, maat ya, “Ayaw ka daꞌat iseg it aken, Agalen ku, ka urut mu nay adat it itung mga taw. Talagang marway sira muwat it karaꞌe-raꞌetan.

Lucas 14:11

Ka yay matuud, iyan mapiyataꞌas-taꞌas, buwaten kanya nga mababaꞌ. Baw iyan mapiyababaꞌ, iyan i buwaten nga mataꞌas.”

1 Pedro 3:6

Subung it ki Sara it tagnaꞌ paꞌ. Masunud kanyang matuud it asawa ya ngayti nga si Abraham, baw panaꞌwag yat kanya, “Agalen ku.” Ta kamu, kabilangan mi, subung nat mga tungtung-inapuꞌ ya basta pagpaꞌresan mi i buwat nga magayen, nga ega pagꞌiꞌlaman mi i barang makuriꞌan kamu sabap it pamayaꞌ mi.