Genesis 32:11 - Tagbanwa

¹¹ Kayti pagꞌangutun ku nga iribri mu naga aku kat alima it sulsug ku nga si Esau. Magregen akung banar ka barang pagkita namen, pangimatayen ya na kaming muꞌsa, mga babay ngayni, pati mga anak nira.

Genesis 32:11 Iomraidhean Croise

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

Genesis 27:41

Ta it atkayti, ereꞌeret talagay iseg ni Esau it ki Jacob sabap it nakaꞌaduꞌun it bilug ni Jacob i ampang ngayting paꞌildaw nga magꞌaꞌareg it amaꞌ yat kanya. Kat nake-nakem ya, “Eeꞌ na. Ega na bayan paꞌlayen si Amaꞌ, ka gurang na. Bawnga in ega nay kanya, imatayen ku nayan si Jacob nga sulsug ku!”

Genesis 27:42

Temed nasugid duꞌut ki Rebeca ngayting inaꞌ nira i pagꞌampa-ampangen ngayti ni Esau. Aypaꞌ ipiyapisiꞌ nga lagi ni Rebeca si Jacob. Pagꞌabut duꞌut kanya, maat ya, “Naꞌrutan ku nga pagdidimaten ka ni Esau nga imatayen in ega nay amaꞌ mi.

Genesis 32:3

Bawnga napikir ni Jacob, magayen in may pauꞌnaen ya duꞌut akaꞌ ya ngayti nga si Esau nga duꞌut rugar nga Seir, nga esang ngaran it iting rugar, Edom.

Genesis 32:7

Pagkagneg ni Jacob, miniꞌlam kanya nga banar. Nalibeg nga banar i pikir ya. Binwat ya, dinwa ya nga bagiꞌ i kanya ngayting mga kaꞌibaan, pati mga ayep ya ngayti.

Genesis 33:4

Temed si Esau ngayti, magpapalagyu kanya nga simnusmut ki Jacob. Siyakem ni Esau i ariꞌ ya ngayti bawnga inarkan. Nagsusgaw na sirang duwa.

Daniel 3:17

Yay matuud, in ibuntal kami duꞌun it apuy ngayti, iyan Ampuꞌang Diyus nga pagsirbiyan namen, kanya bay may kakayaan nga makabilwat it amen duꞌun baw rimibri it amen kat alima mu.

Mateo 6:13

Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na, in daꞌga iribri mu kami nga pirmi it ki Satanas. Sabap ikaw i may pagkaꞌadiꞌ baw guna nga egay kasbung, baw kabantugan nga egay katupusan it seked kaꞌnu-kaꞌnu. Kamatuudan tu!’