Genesis 32:10 - Tagbanwa

¹⁰ Talagang subuk daꞌna bagay it aken, nga esang timawaꞌ nga taw, i mga ildaw mu ngayni. Ka yay matuud, paggaring ku duꞌun it mga giyaringan ku, rumꞌar it taban ku it dimnipag duꞌun it danum it Jordan ngayti, sungkud ku. Temed kayti, panguliꞌ ku na ngayni, bulyug-bulyug na i mga kaꞌibaan ku nga duwa ngayning gurupu.

Genesis 32:10 Iomraidhean Croise

Genesis 18:27

Takaꞌ ega baꞌ magkatupusan si Abraham it ingkut. Maat ya siꞌ, “Tabing galang it imu, wayni kat sagpaw it ampupuru ku, pangaasen aku na nga mingkut it Ampuꞌang Diyus nga magbebegbeg it muꞌsa.

Genesis 24:12

Egay beken, nanalangin nay sarig-sarigan ngayti. Maat i panalangin ya, “AMPUꞌANG DIYUS it agalen ku nga si Abraham, tabangen mu aku it panaw ku ngayni. Ildawan mu naga i agalen ku nga si Abraham.

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

Genesis 28:15

Talagang ega pablagan ku ikaw. Maski paꞌunu-unu ka, pagtatarimaen ku ikaw nga pirmi. Siguradung paꞌuliꞌen ku ikaw sikaytut itung rugar, ka yay matuud, ega pabaya-bayaꞌan ku ikaw mintras ega natuman i muꞌsa ngaytung ipiyagꞌaat ku it imu.”

Genesis 30:43

Aypaꞌ subraꞌ nga kiminseg na si Jacob ngayti. Dimnakel nay mga ayep ya nga tupa, kambing, kamelyo, kabayuꞌ nga asno, baw dimnakel na gasiꞌ i mga uripen ya, babay, lalaki.

Genesis 31:3

Ta kat iti nga timpu, inaat nat AMPUꞌANG DIYUS si Jacob. Maat ya, “Muliꞌ ka na duꞌun it banwa it mga giyaringan mu baw duꞌun it mga kaduguꞌan mu. Tatarimaen ku naga ikaw.”

Genesis 32:5

Kiminseg aku na duꞌun ka dakel nay bakaꞌ, kabayuꞌ nga asno, tupa baw kambing ku, baw dakel naga gasiꞌ i mga uripen ku, babay, lalaki. Pagbaritaꞌan ku naga ikaw ka barang may maparagan ku nga ildaw mu isaꞌun magkagayen ta nagang nagsulsug.’” Ta, yan nay itinggun ni Jacob.

Genesis 32:7

Pagkagneg ni Jacob, miniꞌlam kanya nga banar. Nalibeg nga banar i pikir ya. Binwat ya, dinwa ya nga bagiꞌ i kanya ngayting mga kaꞌibaan, pati mga ayep ya ngayti.

Isaias 6:5

Kaꞌampang aku, “Unu nay baraꞌan ku kaytu it purus na maraꞌe-raꞌet i magliꞌwan kat baꞌbaꞌ ku, baw pagtataꞌidan ku, kasagpun it mga taw ngaytu nga maraꞌe-raꞌet gasiꞌ i kat baꞌbaꞌ nira. Siguraduytu nga maꞌilang aku naytu sabap makasalaꞌan aku nga nakalteg it AMPUꞌANG DIYUS nga landaw nga gunaan, kanya nga ega basta-bastang Adiꞌ.”

Lucas 17:10

Simpri atkayan naga i imyu. Basta nabwat mi na i kumpur isingkat it imyu it Ampuꞌang Diyus, ega pikiren mi nga subrang ikabantug mi i pagsunud mi ngayan. In daꞌga maat mi yan, ‘Uripen kami lamang baytu. Pagsunudun namen lamang i katengdanan namen.’”

Lucas 5:8

Pagkamuya ni Simon Pedro kayti, nanluud kanya duꞌun it sarungaan ni Jesus. Miyampang nga magꞌaat, “Paꞌalaidan mu na aku, Ampuꞌan, sabap talagang makasalaꞌan aku.”

2 Corinto 12:11

Maꞌaat na nga miyengel-engel aku na kat palandi-landi ku ngaytu, temed subuk kamu naga i nagsigir it aken nga muwat aku it atkayan. Sana kamu i magpanindeg it aken, iyan pagtibabaꞌen aku it beken asan nga magpaliꞌwan nga sira kunuꞌ i mga apustul nga banar nga ega nay kasubraꞌ. Ka ega naga maꞌaat nga tuduꞌ aku kat mga taw ngayan, maski egay sadili ku nga kakayaan nga masarigan.

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”