Genesis 30:2 - Tagbanwa

² Nakaꞌiseg si Jacob it iting inampang ni Raquel. Maat ya, “Unuka mampang kat atkayan, adimaat Ampuꞌang Diyus aku! Simpri ega aku, in daꞌga Ampuꞌang Diyus i ega magpaꞌanak it imu.”

Genesis 30:2 Iomraidhean Croise

Genesis 16:2

Maat ni Sarai it ki Abram, “Ungaytu, naꞌlay nay pagꞌasawa ta, daꞌku paꞌ nanganak. Subuk pagsabaren it AMPUꞌANG DIYUS nga daꞌku manganak. Kayti ituy ipagpakiꞌupakat kut imu. Magayen siguru, uripen ku ngaytung babay i asa-asawaen mu, ka in manganak kanya, yay ipabetang nga anak ku.” Napakay ni Abram i inaat ngayti ni Sarai.

Genesis 25:21

Ta it ega magpanganak si Rebeca ngayting asawa ya, iyan naꞌlay na, nanalangin si Isaac nga nagpasanguꞌ-sanguꞌ duꞌun it AMPUꞌANG DIYUS. Baw siyambungan it AMPUꞌANG DIYUS i ipiyanalangin ya ngayti. Nagbeteng nga matuud si Rebeca.

Genesis 29:31

Urut it AMPUꞌANG DIYUS nga kurang i pagmaꞌal ni Jacob it ki Lea, aypaꞌ piyapanganak ya nat dumaliꞌ. Ki Raquel ngayti, ega paꞌ.

Genesis 31:36

Ta it atkayti, kulput na si Jacob it pangise-iseg. Maat ya it punyangan ya ngayti, “Unu nay nabwat ku nga kasalaꞌan? Unu nang maraꞌe-raꞌet i binwat kut imu nga piyangungusig mu na aku?

Genesis 50:19

Temed maat ni Jose, “Ayaw kamut iꞌlam nga belsen ku kamu, adimaat Ampuꞌang Diyus aku.

2 Mga Adiꞌ 5:7

Pagkabasa it adiꞌ ngaytit Israel, piyanrarasik yay pakayan ya. Maat ya, “Unu na bayning kabetang i atna kayni, adimaat akuy Ampuꞌang Diyus nga magkabwat yang paꞌlayen u ega i taw, ka kanyay magseskel it ginawa! Unuka piyapaꞌasitu yat aken i taw ngaytung mabangbangen bawnga maat pagayenen kuy sarakiten ya ngaytu? In daꞌga bat pagpapuꞌnan ya it isaꞌun magkapagbunuꞌ kami.”

Exodo 32:19

Magdarapaꞌ sira duꞌut pagbabalay-balayan nira ngayti, magkaltegan ni Moises i binwat ngayti nga ipiyasbung it bakaꞌ baw mga taw ngayting sumayad-sayadan i mamagbayliꞌ. Pagkalteg ya kayti, simnikrab i iseg ya. Egay beken, ipiyagwaꞌsag ya duꞌut riyengkadan it bukid ngayti i mga dapiꞌpis ngayting batu, unupat naremek-remek.

Mateo 5:22

Temed kayti aku na i magꞌaat it imyu, maski desang miseg ka it maꞌiba mu, siguradu nga turubagen mu na duꞌun it Ukuman. Ka basta manregda-regda ka, mapakay nga ukumanan ka it manigsurugiden. Aaten muy iba mu, ‘Magpulpug ka!’ mapakay nga iduꞌun ka it apuy nga ega magpamu-pamugdaw, nga panriga it Ampuꞌang Diyus.

Marcos 3:5

Sinyekan ni Jesus i kadakel ngayti duꞌun it linibut ya. Sang peꞌtek nga nakem ya, magꞌiseg. Sang peꞌtek magkasmek sabap it kadsen it ulu nira. Piyalingdanan yay kimay ngaytit semyek baw inaat ya, “Ibtir muy alima mu.” Ibintir ya nga matuud, langkuy it kimay ya ngayti, gimnayen it gayen banar.

Lucas 1:42

Bawnga miyampang si Elisabet it diyadakulaꞌ ya nga magꞌaat, “Subraꞌ talagay ildaw it Ampuꞌang Diyus it imu, subraꞌ paꞌ it beken nga mga babay. Ildawan ya gasit subraꞌ i kanya nga pagbebtengen mu.

Efeso 4:26

In beteꞌ may maꞌisgan mi, pataꞌliben mi lamang isaꞌun daꞌkamu na maꞌulug kat kasalaꞌan sabap it iseg mi ngayti. Baw ega pagdedemdemen mit maꞌlay, in daꞌga awaꞌen mi na kat nakem mi it ega paꞌ semdep i aldaw.

1 Samuel 1:5

Temed ki Ana ngayti, duwang dubli i kanyang magkatanggap nga bagiꞌ sabap it subrang pagmaꞌalen ni Elcana si Ana ngayti maski ega paꞌ inildawan kanyat AMPUꞌANG DIYUS nga manganak.