Genesis 3:8 - Tagbanwa

⁸ Iyan apu-apun na, nabatiꞌan niray AMPUꞌANG DIYUS nga magpanaw-panaw duꞌun it kalulwakan ngayti. Pagkabatiꞌ nira, namagpatataguꞌ na sirang duwa kat panleteg it AMPUꞌANG DIYUS, namagpalingeb na duꞌun it puꞌut kayu.

Genesis 3:8 Iomraidhean Croise

Genesis 18:33

Pagkatupus kayti it iting mga sugi-sugid nira, gimnaring nay AMPUꞌANG DIYUS. Ki Abraham, nagpaꞌuliꞌ na.

Genesis 3:10

Timnubag i lalaki ngayti, maat ya, “Nabatiꞌan ku bayay panaw mu ngayan situt kalulwakan ngaytu. Nagpatataguꞌ aku ka magꞌiꞌlam akut imu ka maglelbas aku.”

Roma 2:15

Ka subuk magsusurat kat nakem nira i mga urdin it Ampuꞌang Diyus. Aypaꞌ magpamatuud talagay nakem nira in magayen u daꞌga i mga pagbuwaten nira.

Hebreo 4:13

Talagang egay magkataguꞌ duꞌun it Ampuꞌang Diyus. Muꞌsang bagay, maꞌyag kat panleteg ya, baw kanya i panubagan tami nga muꞌsa kat muꞌsang mga binwatan ta.

Mga Ipiyalteg 6:15

Namagpatataguꞌ duꞌun it mga kubkub baw duꞌut mga indelangat mga batu nga duꞌut mga bukid i mga adiꞌ situt banwa, mga matataꞌas nga dugut taw, mga pagbayaꞌen it mga sundaluꞌ, mga manggaden, mga taw nga ega babasta-bastaen, talagang muꞌsat taw, egay naꞌped. Pati mga raꞌyat, uripen baw ega uripen, nagpatataguꞌ nga muꞌsa.