Genesis 3:23 - Tagbanwa

²³ Aypaꞌ piyalꞌid nat AMPUꞌANG DIYUS na Adan ngayti duꞌut kalulwakan ngayti nga duꞌut Eden, nga uripen na it pangarigra it lugtaꞌ, nga lugtaꞌ naga i pinsiꞌan it kanya, iyan giyuna kanyat Ampuꞌang Diyus.

Genesis 3:23 Iomraidhean Croise

Genesis 2:5

ega pay magpanubuꞌ nga maski unu nga luwak, sabap ega paꞌ piyaꞌuran it AMPUꞌANG DIYUS i banwa baw ega paꞌ gasiꞌ i taw nga manluwa-luwak situt banwa.

Genesis 2:7

Bawnga garing kat lugtaꞌ binwat it AMPUꞌANG DIYUS i bilug it taw. Pagkaꞌman ya, inyepan yay mga lamun it urung ka binggayan ya it ginawa baw kaꞌgenan. Iyan i puꞌun it ginawa it taw.

Genesis 2:8

Bawnga gimnuna i AMPUꞌANG DIYUS it kalulwakan duꞌut esang rugar nga magayen baw patag, duꞌun it pagpangaranat Eden, nga ayun kat lebatan. Bawnga duꞌun nay tiyabanan yat taw ngayting binwat ya, ka duꞌun nay piyataꞌidan ya.

Genesis 3:19

Tumuruꞌ nay liꞌnget mu in magpakariga ka duꞌut uma isaꞌun may mapisiꞌ mu nga pangaꞌen. Atkayan i kabetangan mu seked it muliꞌ ka na kat lugtaꞌ, ka yay pinsiꞌan it binwat nga ikaw. Ta, it ikaw, lugtaꞌ i binwat, aypaꞌ uliꞌan mu, lugtaꞌ naga.”

Genesis 3:22

Iyan atnakayti, maat siꞌ it AMPUꞌANG DIYUS, “Nakasubung-subung nat aten i taw ngaytu, nga magkaꞌrut nat magayen baw maraꞌe-raꞌet. Ta, it atkayan na, kaꞌilangan palꞌiden na sira isaꞌun ega na kapuꞌpuꞌ baw kumaꞌen it buwat kayu ngayang magpaꞌabwatay it kaꞌgenan, isaꞌun ega na maneꞌteꞌ nga egay kaskedan it kaꞌgenan nira.”

Genesis 3:24

Egay beken, inimugaw na sira. Pagkalꞌid nira, bintangan it AMPUꞌANG DIYUS i ayun duꞌut lebatan it kalulwakan ngayti it pagpangaranat kerubin nga bilang guwardiya, baw may subung it karis nga magdeleg i tarem ya nga magꞌebeg nga pirmi isaꞌun ega na malapasan i dalan nga magꞌaduꞌut kayu ngayting magpaꞌabwatay it kaꞌgenan.

Genesis 4:12

Garing kayti, maski magpaꞌres ka it panguma-uma mu, talagang ega manggayen. Magluꞌug-luꞌug nay baraꞌan mu.”

Genesis 4:2

Pagpanganak nira siꞌ, lalaki naga. Si Abel i ipiyangaran. Pagdakulaꞌ it duwa ngayti, si Abel, manigꞌeper it mga ayep nira. Si Cain, yay kanyang naꞌirgan, manigꞌuma.

Genesis 9:20

Gimnaring it iting timpu, manigꞌuma siꞌ si Noe, baw kanyay uꞌna-uꞌnang nakalwak it luwak nga pagpangaranat ubas.