Genesis 3:13 - Tagbanwa

¹³ Siyarunga it AMPUꞌANG DIYUS i babay ngayti bawnga miyampang. Maat ya, “Unuka binwat mu i atkayan?” “Ay, inakalan aku bat dukul ngaytu,” maat i babay ngayti.

Genesis 3:13 Iomraidhean Croise

Genesis 12:18

Iyan atnakayti, ipiyatawag it adiꞌ ngayti si Abram. Pagꞌabut ya, maat it adiꞌ ngayti, “Unuka atkaytuy binwat mut aken? Unuka ega isiyugid mut aken nga itu palan, asawa mu i itung babay?

Genesis 44:15

Miyampang si Jose, maat ya, “Unuytuy binwat mi ngaytung atkaytu? Siguru ega magkaꞌrutan mi nga taw nga subuk aken ngaytu, may kiyaꞌrutan nga mamimintuꞌ, aypaꞌ ega nataguꞌ it aken i binwat mi ngaytu.”

Juan 18:35

“Adimaat Judio akuy aken!” maat ni Pilato. “Mga kabanwa mu naga baw mga pagbayaꞌen it mga sasirduti mi, sira bay nagꞌintergaꞌ it imu situt aken. Unu talagay binwat mu?”

Roma 7:11

Sabap subuk giyamit it kasalaꞌan i mga urdin isaꞌun madaya-dayaꞌan aku lamang. Ka tanud ku taw aku nga mataldeng ari palan it, makasalaꞌan aku nga abutun it kamataynen nga egay kaskedang panriga.

2 Corinto 11:3

Magregen aku talaga nga in magꞌuꞌunu inakalan si Eva it dukul nga piyanakman ni Satanas, barang maꞌakalan kamu gasiꞌ i imyu it beken asan. Barang paꞌugad kamu nga ega na tingled duꞌut ki Cristo i pamayaꞌ baw pagsarig mi.

1 Timoteo 2:14

Baw ega si Adan i naꞌakalan ni Satanas, in daꞌga si Eva ngayti. Kanyay uꞌnang nagkasalaꞌan ka nagpasaꞌli it inaat it Ampuꞌang Diyus.

1 Samuel 13:11

Iningkut kanya ni Samuel nga magꞌaat, “Unuka binwat muy atkayan?” Katubag si Saul, maat ya, “Binwat ku na baꞌ ka mga kaꞌibaan ku, magkayaꞌmat nat tumanan it aken. Ka adeꞌdeng na situt amen i mga Filisteo, duꞌun nat Micmas. Beken it aldaw na nga upakat ta nga ibwat, tanud ku daꞌka na mabut.

1 Samuel 15:15

Maat i tubag ni Saul, “Mga rangpasan nira yan duꞌut mga Amalecita, ka buwat it mga taawan ku, pinsiꞌ i kumpur magagayeng mga tupa baw mga bakaꞌ ka buwateng isamba duꞌun it AMPUꞌANG DIYUS mu. Iyan ega nay mapulus, piyangimatay namen na, baw itiyuduꞌ namen naga duꞌun.”