Genesis 3:10 - Tagbanwa

¹⁰ Timnubag i lalaki ngayti, maat ya, “Nabatiꞌan ku bayay panaw mu ngayan situt kalulwakan ngaytu. Nagpatataguꞌ aku ka magꞌiꞌlam akut imu ka maglelbas aku.”

Genesis 3:10 Iomraidhean Croise

Genesis 2:25

Purus sira paꞌ maglelbas, babay baw lalaki ngayti, baw ega pay eꞌyaꞌ nira.

Genesis 3:11

Miyampang i AMPUꞌANG DIYUS, maat ya, “Ay siyuy nagꞌaat it imu nga maglelbas ka? Unu, kimnaꞌen ka nat buwat kayu ngayan nga ipiyagꞌaat kut imu nga ega masalyaan mut kumaꞌen?”

Genesis 3:7

Egay beken, pagkakaꞌen nira, subuk sakaling nakasepsep, baw nakatanud na sirat eyaꞌ it mamaglelbas sira. Aypaꞌ binwat nira, namagdamit-damit it daꞌun it kayu nga pagpangaranat igos. Yanayti i tiyampiꞌ nira.

Exodo 20:18

Namagyegyeg it iꞌlam i mga Israelita ngayti, pagkagneg nira it pamsar it duldug ngayti baw tingeg ngaytit taburi, baw pagkalteg it kilat, pati tabuk ngayti duꞌun it bukid. Timnitindeg na lamang sira duꞌut pagtitindegan nira ngayti nga duꞌut ala-alaid.

Exodo 20:19

Baw inupakat nira si Moises, nga maat nira, “Ikaw na i mampang, pagneg kami yan. Ega na Ampuꞌang Diyus ngayan, ka barang matay kami!”

Exodo 3:6

Aku i Ampuꞌang Diyus it mga kiyaꞌapuꞌ-apuꞌan mu nga si Abraham, si Isaac baw si Jacob.” Pagkagneg ni Moises, tiyagnepan ya i rupa ya, ka magꞌiꞌlam kanya lemteg duꞌun it Ampuꞌang Diyus ngayti.

Exodo 32:25

Namuyaan ni Moises nga, mga taw ngayti, talagang pagsariyen na nira it sumbayaꞌ i muꞌsang mararaꞌway nga kaꞌirgan nira, beken it piyalugtan na ngayti ni Aaron, ega piyaar ya, aypaꞌ sudi-sudiyen naytu sira it mga bangsa nga kalaban nira.

1 Juan 3:20

Temed in kat nake-nakem ta pagꞌukumanan tay sadili ta, ka urut ta nga ega naga kamatuudan i raras ta, magayen demdemen ta nga subraꞌ pang mataꞌas it aten i Ampuꞌang Diyus baw magkaꞌrutan yay muꞌsa, pati kat nake-nakem ta ngaytu.

Mga Ipiyalteg 16:15

“Pagneg kamu!” maat it Ampuꞌan nga si Jesu-Cristo. “Talagang manluꞌsut aku kat uras nga ega magkaꞌru-kaꞌrutan mi, nga subung it buwat it mananakaw. Aypaꞌ magkasagya i subuk magsusulag ka pagpaꞌbutun yay agalen ya. Baw ega paglelbasen yay pakayan ya isaꞌun, in mabut na, ega maglelbas baw kaꞌeyaꞌ-eyaꞌ nga sumusmu kanya.”