Genesis 3:1 - Tagbanwa

¹ Iyan dukul nga esa gasing giyuna it AMPUꞌANG DIYUS, kanyang adat nga mapiyandaya-dayaꞌ, subraꞌ paꞌ it muꞌsang ramu-ramu nga beken nga giyuna it AMPUꞌANG DIYUS. Miningkut kanya it babay ngayti, nga maat ya, “Unu, matuud nga inaat kamut Ampuꞌang Diyus nga may mga kayu situt kalulwakan ngaytu nga ega salyaen mit kumaꞌen i buwaꞌ nira?”

Genesis 3:1 Iomraidhean Croise

Mateo 10:16

Maat paꞌ ni Jesus, “Ta kayti, pagtaꞌgen ku kamu nga subung kamu it mga tupa kat reet-reet it mga bunglun. Aypaꞌ kaꞌilangan maꞌulu kamu nga subung it mga dukul baw magnek nga subung it mga kalapatiꞌ.

Mateo 4:3

Unupat miyabut nay manigpakursud nga si Satanas. Maat ya, “It Anak ka it Ampuꞌang Diyus, mampang ka lamang ka pabaraꞌen mu nga pangaꞌen i mga batu ngaytu.”

Mateo 4:6

Bawnga inaat ya siꞌ, “In talagang matuud nga Anak ka it Ampuꞌang Diyus, manugpa ka, ka daꞌga baꞌ basaꞌan magsusurat nga magꞌaat, ‘Sekaten it Ampuꞌang Diyus i mga anghil ya nga tarimaen ka. Alugbabayen ka nira isaꞌun aꞌay mu nga masked, ega makataꞌkid it batu.’”

Mateo 4:9

Maat siꞌ ni Satanas ngayti, “Talagang ibgay kuytut imu i muꞌsa ngaytu, basta manluud ka nga sumamba it aken.”

2 Corinto 11:14

Egaytu dapat nga maliluꞌan i panluku nira ngaytu, sabap magpasbung sira naga it pagbayaꞌen nira nga si Satanas. Ka si Satanas ngaytu, maski gimpuꞌun kanya it karaꞌe-raꞌetan, paglukuun yay mga taw isaꞌun ipabetang nira kanya nga esang anghil nga garing duꞌun it kaꞌyagan nga duꞌun it Ampuꞌang Diyus.

2 Corinto 11:3

Magregen aku talaga nga in magꞌuꞌunu inakalan si Eva it dukul nga piyanakman ni Satanas, barang maꞌakalan kamu gasiꞌ i imyu it beken asan. Barang paꞌugad kamu nga ega na tingled duꞌut ki Cristo i pamayaꞌ baw pagsarig mi.

1 Pedro 3:7

Ta kamu na nga mga lalaki, kaꞌilangan istimaren mit kamatuudan i asawa mi. Arigraen mi sirat magayen, nga pagkilalaen mi nga sira, ega makasbung it keseg it lalaki, baw pagkilalaen mi gasiꞌ nga surubung kamu, babay, lalaki, nga ildawan it Ampuꞌang Diyus it kaꞌgenang egay kaskedan. Aypaꞌ ipabetang mi sirat magayen isaꞌun egay seꞌan in magpanalangin kamu.

Mga Ipiyalteg 12:15

Pagkamuya it paꞌaaten ngayting dragon, simnupra kanyat danum nga miyakan-bakan, ka isaꞌun ibelbeg i babay ngayti.

Mga Ipiyalteg 12:9

Egay beken, itindag na i dakulaꞌ ngayting dragon. Ta, dragon ngayti, kanyay nagpabaluy-baluy ngayan nga dukul it tagnaꞌ paꞌ baw garing sikayan, siging pandayaꞌ yat muꞌsang katataawan situt sinirungat langit. Ngaran yang sangbat, Manigbuꞌbug, baw esa gasiꞌ, si Satanas. Itindag na kanya situt banwa pati mga anghil ngayting kimnampiꞌ it kanya.

Mga Ipiyalteg 20:2

Riyusuban yay dragon ngayti ka biyayuk ya, nga seledat sang ribu nga taꞌun ega uꞌba-uꞌbadan. Ta dragon ngayti, kanya i maraꞌe-raꞌet ngayting nagpabaluy-baluy nga dukul it tagnaꞌ paꞌ ka akalan ya si Eva. Ngaran ya, Manigbuꞌbug baw si Satanas.