Genesis 27:8 - Tagbanwa

⁸ Kayti anak, pagnegan mut magayen i iꞌaat kut imu bawnga sunudun mu.

Genesis 27:8 Iomraidhean Croise

Genesis 25:23

Tubag it AMPUꞌANG DIYUS it kanya, maat ya, “Gambar i beteng mu ngayan, nga panggaringan sira it duwang kabangsaan. Garing it pagbebtengen paꞌ sira, daꞌsira nang lagi nagkagayen, mamagkukuntraꞌ na. Magbaraꞌ nga subrang makseg i sangbat manggid nga bangsa. Baw masinakepan it ariꞌ i akaꞌ manggid.”

Genesis 27:13

Temed maat it inaꞌ ya ngayti, “Ayaw kat regen, ka in sumpaan ka, ega yan temdek it bilug mu. Paꞌasitu yan it aken. Ta sigi, sunudun mu lamang aku. Mapanaw ka na, ka mamisiꞌ ka na it paꞌaaten ku ngayan.”

Genesis 27:43

Kayti, Anak, magayen mamayaꞌ ka it aken. Mapanaw ka na kayti, malagyu ka na duꞌut Haran, duꞌut sulsug ku nga si Laban.

Genesis 27:7

Maat ya, ‘Manlugitem ka, bawnga ilutuꞌan mu akut kaꞌiꞌirgan ku ngayang pangilutuꞌ ka kaꞌnen ku. Pagkakaꞌen ku, iꞌampang ku na kat bilug mu i ampang nga paꞌildaw, nga pagdedngegen it AMPUꞌANG DIYUS, parabir aku matay.’

Genesis 27:9

Paꞌaduꞌun ka it mga kambing ta ka misiꞌ ka it duwang batu nga magagaye-gayeng mga uꞌuybun paꞌ. Tabanen mu situt aken ka ilutuꞌan kuy amaꞌ mut kaꞌnen ya, iyan kaꞌiꞌirgan ya ngayang pangilutuꞌ.

Mga Binwat 4:19

Temed pagkagneg na Pedro, tiyubag nira nga magꞌaat, “Ukumanan mi in ari mapakay it Ampuꞌang Diyus. Unu, kanya nga kaꞌirgan i sunudun namen u imyu ngaytu nga kuntraꞌ kat itiyaꞌeg yat amen?

Mga Binwat 5:29

Temed timnubag si Pedro baw mga kaꞌibaan yang mga apustul. Maat nira, “Dapat nga kaꞌirgan it Ampuꞌang Diyus i sunudun namen, ega kaꞌirgan it taw nga kuntraꞌ kat itiyaꞌeg ya ngaytit amen.

Efeso 6:1

Ta kamu nga mga mangaꞌwaꞌ, sumunud kamu it mga giyaringan mi, ka ituy tamaꞌ nga pagbuwaten it mga magpamayaꞌ it Ampuꞌan nga si Jesus.