Genesis 26:3 - Tagbanwa

³ Baw mintras duꞌun ka, ildawan baw tarimaen ku ikaw. Sabap itung mga banwa ngaytu, ibgay ku it imu, nga subliyen it anak-inapuꞌ mu. Talagang tumanen ku i isiyanggup ku it amaꞌ mu nga si Abraham.

Genesis 26:3 Iomraidhean Croise

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 13:15

Sabap kat paꞌari-ari ngaytung ayun nga ipagpalawag kut imu, ibgay kuytung muꞌsa it imu, subliyen it anak-inapuꞌ mu seked it maꞌlay.

Genesis 13:17

Ta, panaw-panawan mu, letganan muy kalayaw baw kaꞌalaid, ka talagang ibgay ku it imu.”

Genesis 15:18

Sikayti ipiyamatuud it AMPUꞌANG DIYUS nga talagang tumanen yay pakiꞌupakat ya ngaytit ki Abram. Maat ya, “Talagang ibgay kut mga tungtung-inapuꞌ mu i itung banwa, garing duꞌut matanug nga danum it banwa nga Egipto mabut duꞌut kadanuman it Eufrates.

Genesis 17:19

Maat i tubag it Ampuꞌang Diyus it ki Abraham, “Eeꞌ, mapakay naga yan. Temed manganak naga si Sara, sumakit yan, lalaki. Pangaranan mut ki Isaac. Muꞌsa ngaytung isiyanggup baw ipiyakiꞌupakat kut imu, gumaring kat itung anak mu seked anak-inapuꞌ ya mana, magtetdek paytu it bilug nira it seked maꞌlay nga banar.

Genesis 17:8

Talagang ibgay kut imu baw mga tungtung-inapuꞌ mu i mga rugar nga pagpanaw-panawan mu, muꞌsa ngaytung banwa nga Canaan, nga piyakakusas nira it seked maꞌlay nga banar. Baw talagang tarimaen ku sira, aku nga Ampuꞌang Diyus nira.”

Genesis 20:1

Ega naꞌlay, nagpaꞌugad siꞌ si Abraham ngayti. Naꞌaduꞌun siꞌ kanya it Negeb. Tiyaꞌidan yang rugar, duꞌun it piyagtengaꞌan it Cades baw Shur. Bawnga ministar kanya duꞌun it Gerar.

Genesis 25:11

Pagpatay ni Abraham, duꞌun sit ki Isaac ngayting anak ni Abraham i ildaw it Ampuꞌang Diyus. Duꞌun i ki Isaac nga tiyaꞌidan it Beer-lahai-roi.

Genesis 26:12

Iting taꞌun, nanguma si Isaac duꞌun. Talagang inildawan kanya it AMPUꞌANG DIYUS, ka dadakulaꞌ nang banar nga magkapatbasan ya.

Genesis 26:14

Sabap maꞌayepen kanya nga banar baw dakulay pamalay-balay ya, aypaꞌ ininggitan na kanyat mga Filisteo.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

Genesis 28:15

Talagang ega pablagan ku ikaw. Maski paꞌunu-unu ka, pagtatarimaen ku ikaw nga pirmi. Siguradung paꞌuliꞌen ku ikaw sikaytut itung rugar, ka yay matuud, ega pabaya-bayaꞌan ku ikaw mintras ega natuman i muꞌsa ngaytung ipiyagꞌaat ku it imu.”

Genesis 31:3

Ta kat iti nga timpu, inaat nat AMPUꞌANG DIYUS si Jacob. Maat ya, “Muliꞌ ka na duꞌun it banwa it mga giyaringan mu baw duꞌun it mga kaduguꞌan mu. Tatarimaen ku naga ikaw.”

Genesis 35:12

Baw itung banwa ngaytu nga isiyanggup ku it apuꞌ mu nga si Abraham baw amaꞌ mu nga si Isaac nga ibgay ku it kanira, ibgay ku nagaytu it imu, subliyen it anak-inapuꞌ mu.”

Genesis 39:2

Temed talagang pagtatarimaen nga matuud it AMPUꞌANG DIYUS si Jose ngayti, aypaꞌ nanggayen i kabetangan ya. Ministar kanya duꞌun it balay it agalen ya ngayti nga taga Egipto.

Genesis 39:21

Temed talagang pagtatarimaen nga pirmi it AMPUꞌANG DIYUS si Jose ngayti, baw sabap it ildaw it AMPUꞌANG DIYUS, magayen nagay pabetang it magpamaalaꞌ it pirisuwan it ki Jose.

Genesis 50:24

Iyan atnakayti i kagurang ni Jose, maat yat mga sulsug ya ngayti, “Siguru daꞌku naytu paꞌlayen situt banwa. Temed maski na, ayaw kamut kasusa ka tarimaen kamu naga it Ampuꞌang Diyus, baw paꞌuliꞌen kamu naga duꞌut banwa nga isiyanggup it Ampuꞌang Diyus it mga apuꞌ ta nga si Abraham baw si Isaac, atnagay amaꞌ ta ngaytu nga si Jacob.”

Exodo 2:24

Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob.

Exodo 3:12

“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”

Exodo 6:4

Nagpakiꞌupakat aku naga it kanira nga uyut i sanggup ku nga ibgay ku it kanira i banwa nga Canaan, iyan banwa nga pagtataꞌidan nira it iting timpu it subung paꞌ sira it dumadayuꞌ duꞌun.

Exodo 6:7

Epe-epetan ku kamu nga mga Israelita, ka taawan ku na kamu. Aku na i Ampuꞌang Diyus mit imyu. Talagang makilalaan mi nga aku i AMPUꞌANG DIYUS, nga nagribri it imyu kat pakuriꞌ it mga taga Egipto.

Exodo 6:8

Tabanen ta kamu duꞌun it banwa nga isiyanggup ku it may sumpa it ki Abraham, ki Isaac baw ki Jacob. Talagang ibgay kuyti it imyu, imyu na nga babanwaan. Aku talaga i AMPUꞌANG DIYUS.’”

Isaias 43:2

Maski unu nga magkalabayan mi, ega yan pabaya-bayaꞌan ku kamu. In subuk luyud i mga kakuriꞌan nga magꞌabut it imyu, daꞌkamu yan malmes. U maski subuk dakulang apuy, egay kaꞌunuꞌan mi. Talagang daꞌkamu daꞌgen it maski sang unu na nga kabebeꞌgat it sukdan it imyu.

Deuteronomio 34:4

Inaat kanyat AMPUꞌANG DIYUS, “Iyan i banwa ngayan nga isiyanggup ku it mga kagiyaringanan mu nga si Abraham, si Isaac baw si Jacob, subliyen it mga tungtung-inapuꞌ nira. Ipiyalteg kuytu it imu temed daꞌka na kaꞌbut duꞌun.”

Filipos 4:9

Kaꞌilangan, buwaten mi nga pirmi i mga bagay nga naꞌrutan mi kat panulduꞌ ku, iyan nagnegan mi nga garing kat baꞌbaꞌ ku baw iyan namuyaan mi kat pangaꞌgenan ku. Baw Ampuꞌang Diyus nga puꞌun it kaꞌimbengan it nakem, kanyay iba mi nga pirmi.

Hebreo 11:9

Kat keseg it pamayaꞌ baw pagsarig ya nanaꞌidan kanya nga subung it dayuꞌan lamang duꞌun it rugar nga iti na i isiyanggup it kanya it Ampuꞌang Diyus. Balay nga pagꞌiꞌistaran ya, magkapuru-purun lamang, atnaga si Isaac baw si Jacob nga timnanggap gasiꞌ it sanggup it Ampuꞌang Diyus nga atkayti naga.

Hebreo 6:17

Ta atkayan naga, iyan simnanggup i Ampuꞌang Diyus it ki Abraham, piyapaꞌgen ya it sumpa. Binwat yay atkaytu ka ireg ya, matantuwan nga banar it mga tumanggap it ipagsanggup ya nga ega magbaꞌgu-baꞌgu i kanyang mga inampang.