Genesis 24:4 - Tagbanwa

⁴ In daꞌga, paꞌaduꞌun ka it banwa nga siyakitan ku, duꞌut mga kaduguꞌan ku, ka duꞌun i piliꞌan mut asawaen it anak ku.”

Genesis 24:4 Iomraidhean Croise

Genesis 12:1

Bawnga inaat it AMPUꞌANG DIYUS si Abram nga maat ya, “Limꞌid ka na situt pagtataꞌidan mu ngaytung banwa. Tananan mu nay mga kaduguꞌan mu, baw pamalay-balay it amaꞌ mu, ka paꞌaduꞌun kat banwa nga itulduꞌ ku it imu.

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 24:38

‘In daꞌga,’ maat yat aken, ‘paꞌaduꞌun kat banwa ngaytit mga kaduguꞌan ku nga kaꞌanak-anakan naga ni Amaꞌ. Ka duꞌun nagay tulusan mut asawaen it anak ku ngaytu.’

Genesis 24:5

Katubag i sarig-sarigan ya ngayti, “Ta in beteꞌ mapiliꞌ ku nga babay, magꞌireg kanyat asawaen, temed ega magꞌireg mayaꞌ situ. Magꞌuꞌunu yan? Unu, mapakay nga si Isaac nay paꞌaduꞌun?”

Genesis 28:1

Pagkagneg ni Isaac kayti, piyapaꞌaduꞌun yat kanya si Jacob. Pagꞌabut ni Jacob, miyampang si Isaac, nga maat ya, “Jacob, ayaw kat pangasawa it mga babay situt Canaan.

Genesis 28:2

Magayen, mapanaw ka it dumaliꞌ nga paꞌaduꞌun it Mesopotamia, duꞌun it kaꞌanakan ni Betuel nga amaꞌ it inaꞌ mu, ka yanagay asawaen mu, anak ni Laban nga sulsug it inaꞌ mu nga lalaki.”

Hebreo 11:15

Baw ega lamang banwa ngayti nga giyaringan nira i pagpaꞌiguꞌan nira kaytu, ka in atkayan may timpu paꞌ nga ikapaꞌuliꞌ nira naga duꞌun.

Mga Pagbayaꞌen 14:3

“Unuka duꞌun pay ireg mu nga pangasawaan it mga kadugu-duguꞌan it mga taw ngayting Filisteo nga ega seled kat urdin nga pagturiꞌ? Unu, ega nay mapiliꞌ mu nga asawaen situt aten nga kadugu-duguꞌan u mga kabanwa ta ngaytu?” maat i tubag it mga giyaringan ya ngayti. Katubag si Samson, maat ya, “Basta iti ireg ku nga asawaen.”