Genesis 24:3 - Tagbanwa

³ Ireg ku nga sumumpa ka, nga pagdedngegen it AMPUꞌANG DIYUS, kanya nga magbebegbeg it banwa may langit. Isumpa mu nga ega situt Canaan ngaytung pagtataꞌidan ta kayti i piliꞌan mut asawaen it anak ku nga si Isaac.

Genesis 24:3 Iomraidhean Croise

Genesis 14:19

Miyampang kanya it ampang nga paꞌildaw. Maat ya, “Ildawan ka sana, Abram, it Ampuꞌang Diyus nga Piyakamataꞌas, kanya nga gimnuna it banwa baw langit.

Genesis 14:22

Temed maat i tubag ni Abram it adiꞌ ngaytit Sodoma, “Yay matuud, simnumpa aku duꞌut AMPUꞌANG DIYUS nga Piyakamataꞌas, kanya nga gimnuna it banwa baw langit.

Genesis 24:7

Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku.

Genesis 27:46

Egay beken, naꞌaduꞌun si Rebeca it ki Isaac. Maat ya, “Talagang maraꞌway ku i mga miyagad ta ngaytu nga mga Heteo. Ta kayti in si Jacob ngaytu, kapangasawa gasit mga Heteo ngaytu, nga subung nagat duwa ngaytung mga asawa ni Esau, subuk daꞌku na magkabaraꞌan. Ega nay kapulusan it aken, maski egen aku paꞌ.”

Genesis 28:1

Pagkagneg ni Isaac kayti, piyapaꞌaduꞌun yat kanya si Jacob. Pagꞌabut ni Jacob, miyampang si Isaac, nga maat ya, “Jacob, ayaw kat pangasawa it mga babay situt Canaan.

Genesis 28:8

Sikayti namuyaan ni Esau nga ega pagsagyaan it amaꞌ ya i taga Canaan nga mga babay.

Genesis 47:31

“Ta in atkayan,” maat ni Jacob, “talagang isumpa mu situt aken.” Egay beken, isiyumpa ni Jose duꞌut amaꞌ ya. Bawnga rimnungguk na si Jacob ka nagpasalamat duꞌun it Ampuꞌang Diyus it magrarandig duꞌut irigaꞌan ya.

Genesis 50:25

Pagkaꞌampang ya kayti, ipiyan-gun ya it mga sulsug ya i buwaten nira in matay na kanya. Maat yat kanira, “Isumpa mi situt aken nga in mabut nay timpu nga ildawan kamu nat Ampuꞌang Diyus nga makaꞌuliꞌ kamu na duꞌut Canaan, garing situt itu nga banwa, tabanen mi naga i mga tuꞌlang ku.”

Genesis 6:2

Paribasay mga daraga i mga babay ngayti nga anak it taw, naꞌirgan it mga anak it Ampuꞌang Diyus. Egay beken, siyari nira nat asawa i kanya-kanyang naꞌigut mata.

Genesis 6:4

Kat iti nga timpu, timpu ngayti nga namagpangasawa na i paꞌaaten nga mga anak it Ampuꞌang Diyus it mga paꞌaaten nga mga anak it taw baw namagꞌanak-anak na ngayti, may mga taw na nga lagi nga pagtaꞌwagen it Nefilim. Nagpanaw paꞌ it naꞌlay may iti paꞌ nga mga taw. Baw mga Nefilim ngayti, matanug nga mga mandadaꞌeg nga mga taw.

Esdras 5:11

Yay tubag nirat amen, maat nira, ‘Kami ngaytu, mga manigsirbi it Ampuꞌang Diyus, kanya nga magbebegbeg it muꞌsang langit baw banwa. Talagang pagbuwaten namen siꞌ tu it sumaꞌup i Templo ngaytu nga ipiyabwat nagat mga kagiyaringanan namen it esang mabantug nga adiꞌ it bangsa namen nga Israel it tagnaꞌ paꞌ nga timpu.

Exodo 20:7

Kuydaw mu masalyaan it sumangpit i ngaran ku kat egay kapulusan u galang. Sabap aku nga AMPUꞌANG DIYUS mu, talagang rigaen ku i maski siyu nga sumangpit it ngaran ku it daꞌgay kakapulusan u galang.

Exodo 34:16

Baw gasiꞌ, in pakiꞌamigus kamu na, simpri makaꞌasawa nay mga anak mi nga lalaki it mga babay nira duꞌun. Ta baraꞌan kayan, mataban na sirat pakisamba in magsamba sira it pagbete-beteꞌen nirang mga diyus.”

1 Corinto 7:39

Iyan babay nga may asawa na, ega mauꞌbadan kanya mintras egen pay asawa ya ngayti. Takaꞌ in natay nay asawa ya, subuk nauꞌbadan na. Mapakay na nga paꞌasawa siꞌ it maski siyuy ireg ya, basta gasiꞌ magpamayaꞌ it Ampuꞌan i paꞌasawaen ya.

Deuteronomio 10:20

Ta, siguruun mi nga galangen mi it may iꞌlam i AMPUꞌANG DIYUS mi. Teꞌteꞌan mi kanya, baw kanyang ngaran lamang i sangpiten mi in magsanggup kamu.

Hebreo 6:16

Mga taw, in pagpapaꞌgenen nira i mga pagꞌampangen, magsumpa sira kat ngaran it iyan nga mataꞌas paꞌ it kanira, baw ta, sabap it nanumpa na, duꞌun na i kaꞌbusan it sugi-sugid.

Josue 2:12

Ta kayti, ipagpakiꞌupakat kut imyu nga beteꞌ isanggup mi kat ngaran it AMPUꞌANG DIYUS nga tabangen mi i ameng bilug, subung naga it pagtabang ku ngaytu it imyu, baw begayan mi aku it esang keseg it may piyagꞌupakatan tami ngaytu.

Mga Pagbayaꞌen 14:3

“Unuka duꞌun pay ireg mu nga pangasawaan it mga kadugu-duguꞌan it mga taw ngayting Filisteo nga ega seled kat urdin nga pagturiꞌ? Unu, ega nay mapiliꞌ mu nga asawaen situt aten nga kadugu-duguꞌan u mga kabanwa ta ngaytu?” maat i tubag it mga giyaringan ya ngayti. Katubag si Samson, maat ya, “Basta iti ireg ku nga asawaen.”