Genesis 24:12 - Tagbanwa

¹² Egay beken, nanalangin nay sarig-sarigan ngayti. Maat i panalangin ya, “AMPUꞌANG DIYUS it agalen ku nga si Abraham, tabangen mu aku it panaw ku ngayni. Ildawan mu naga i agalen ku nga si Abraham.

Genesis 24:12 Iomraidhean Croise

Genesis 15:1

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Genesis 24:21

Ega magriꞌe-riꞌeng i sarig-sarigan ngayti. Pagpapaꞌyunan ya lamang, nga kat nake-nakem ya, barang iti na ngayting babay i tubag it AMPUꞌANG DIYUS it panalangin ya.

Genesis 24:27

Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”

Genesis 24:42

Ta kagayna, pagꞌabut namen duꞌut saꞌgeben ngayti, nanalangin aku duꞌut AMPUꞌANG DIYUS. Maat i panalangin ku, ‘AMPUꞌANG DIYUS it agalen ku nga si Abraham, ildawan mu aku isaꞌun may baraꞌan it panaw ku ngayni.

Genesis 24:48

Bawnga nanluud aku ka biyantug kuy AMPUꞌANG DIYUS it agalen ku ngayti nga si Abraham, ka biyayaꞌ ya aku seked situt balay mi ngaytu, nga palan balay it mga kaduguꞌan it agalen ku. Kayti, sikaytu ku naparagan i babay nga asawaen it anak ya ngayti.

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 27:10

Pagkalutuꞌ ku, tabanen mu na duꞌun it amaꞌ mu, isaꞌun kakaꞌen na. Maꞌampang ya na kat bilug mu i ampang nga paꞌildaw parabir kanya matay.”

Genesis 27:20

Temed maat ni Isaac, “Unuka atnang dali-daliꞌ mut kaparag, Dunguꞌ?” “Aaꞌ, nakaparag akut dumaliꞌ ka siguru ildaw nat aken it pagsirbiyan mu nga AMPUꞌANG DIYUS.”

Genesis 28:13

Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu.

Genesis 31:42

Magayen lamang talaga nga pagtatarimaen aku it Ampuꞌang Diyus it apuꞌ ku nga si Abraham, iyan Ampuꞌang Diyus nga paggalangen nagat may iꞌlam it amaꞌ ku nga si Isaac. Ka in daꞌga may kanya ngaytu nga magtatarima it aken, siguru piyaliꞌwan mu lamang aku it egay maski unu nga taban. Takaꞌ yay matuud, talagang magkaltegan it Ampuꞌang Diyus i kakuriꞌan ku baw pakariga ku, aypaꞌ siyardaw ya ikaw kat delem.”

Genesis 32:10

Talagang subuk daꞌna bagay it aken, nga esang timawaꞌ nga taw, i mga ildaw mu ngayni. Ka yay matuud, paggaring ku duꞌun it mga giyaringan ku, rumꞌar it taban ku it dimnipag duꞌun it danum it Jordan ngayti, sungkud ku. Temed kayti, panguliꞌ ku na ngayni, bulyug-bulyug na i mga kaꞌibaan ku nga duwa ngayning gurupu.

Genesis 32:9

Bawnga binwat ni Jacob, nanalangin. Maat ya, “AMPUꞌANG DIYUS it apuꞌ ku nga si Abraham baw amaꞌ ku nga si Isaac, magꞌangut akung banar it tabang mu, ka panaw ku ngayni, aat mu nagat aken, nga muliꞌ aku na duꞌun it aken nga banwa baw mga kaduguꞌan ku, ka tatarimaen mu naga aku.

Genesis 43:14

Sana ildawan kamu it Ampuꞌang Diyus nga landaw nga gunaan, isaꞌun masanguꞌan kamu nagat iting taw, nga makaꞌuliꞌ naga situt aken si Simeon baw si Benjamin ngaytu. Takaꞌ in iyan i pabetang-betang ya, nga ikaꞌilang it mga anak ku, isan paꞌ sugiden, kanya nay baalaꞌ.”

1 Mga Adiꞌ 18:36

Desang kabali nang alaid, nga uras na it pagbuwat it ipagsamba duꞌut AMPUꞌANG DIYUS, timnindeg si Elias duꞌut sarungaan it papangantengan ngaytit ipagsamba bawnga nanalangin. Maat ya, “AMPUꞌANG DIYUS ni Abraham, ni Isaac baw ni Jacob, ipatantu mu talaga kayti nga ikaw talagay matuud nga Ampuꞌang Diyus it Israel baw aku ngayni, manigsirbi mu. Binwat kuyni i atkayni ka yay taꞌeg mu it aken.

2 Mga Adiꞌ 2:14

Pagꞌabut ya duꞌun it danum ngaytit Jordan, binwat yay subung it binwat ngayti ni Elias. Rinipdasan ya i danum it gulamen ngayti, dengan it miyampang nga magꞌaat, “Ari nay AMPUꞌANG DIYUS ni Elias?” Nabagiꞌ siꞌ i danum ngayti, pagpepraan siꞌ i duꞌut tengaꞌ. Dimnipag na kanya.

Nehemias 1:11

Aypaꞌ, AMPUꞌANG DIYUS, pagnegan mu sana i panalangin ku, baw panalangin it beken nga mga manigsirbi mu nga magꞌireg na nga banar nga pasakep it imu it may kamatuudan nga galang. Pagꞌangutun ku nga panguꞌnaan mu aku baw panakman mu i adiꞌ nga paꞌintulutan ya aku it kubwaten ku.” Kat iti nga timpu, katengdanan ku, magpamaalaꞌ it pagꞌimnun it adiꞌ.

Nehemias 2:4

“Ta, unuy ireg mu kayti nga buwaten ku?” ingkut it aken it adiꞌ ngayti. Pagkagneg ku, nanalangin aku it kat nakem ku lamang duꞌun it Ampuꞌang Diyus duꞌut langit nga magbebegbeg it muꞌsa. Pagkapanalangin ku,

Exodo 3:15

Aaten mu i mga Israelita nga AMPUꞌANG DIYUS it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.

Exodo 3:6

Aku i Ampuꞌang Diyus it mga kiyaꞌapuꞌ-apuꞌan mu nga si Abraham, si Isaac baw si Jacob.” Pagkagneg ni Moises, tiyagnepan ya i rupa ya, ka magꞌiꞌlam kanya lemteg duꞌun it Ampuꞌang Diyus ngayti.

Mateo 22:32

‘Aku i Ampuꞌang Diyus ni Abraham, ni Isaac baw ni Jacob.’ Simpri ega Ampuꞌang Diyus kanya it taw nga patay, in daꞌga egen. Sikayan maꞌyag nga egen siꞌ na Abraham ngayti, maski miyatay na sira.”

Filipos 4:6

Ega palibegan it pikiran mi i maski unu nga bagay, in daꞌga yay magayen, ipanalangin mi. Angutun mi it may pasalamat duꞌun it Ampuꞌang Diyus i muꞌsa nga pagkaꞌilanganen mi.