Genesis 24:11 - Tagbanwa

¹¹ Pagꞌabut it sarig-sarigan ngayti duꞌun it Haran, piyalingkuꞌud ya nay mga kamelyo duꞌut tepad it tabud nga duꞌut liꞌwan it lansangan. Magkaꞌrutan ya nga kada apun, in ababaꞌ nay aldaw magsigꞌabut nay mga babay nga magpanaꞌgeb.

Genesis 24:11 Iomraidhean Croise

Genesis 24:42

Ta kagayna, pagꞌabut namen duꞌut saꞌgeben ngayti, nanalangin aku duꞌut AMPUꞌANG DIYUS. Maat i panalangin ku, ‘AMPUꞌANG DIYUS it agalen ku nga si Abraham, ildawan mu aku isaꞌun may baraꞌan it panaw ku ngayni.

Genesis 29:2

Pagpaneyek-seyek ya, may naltegan ya nga esang tabud duꞌut iting rugar. May tulung paenan nga tupa nga mamagpaꞌna duꞌun ka duꞌun kayti i papaꞌimnan it kanira. Dakulang batu i maglelpen duꞌut baꞌbaꞌ it tabud ngayti.

Exodo 2:15

Pagkabaritaꞌ it adiꞌ ngayti, ireg ya nga ipaꞌimatay si Moises, temed nakapalagyu kanya. Nakaꞌbut i palagyu ya duꞌun it banwa nga pagpangaranat Madian. Pagꞌabut ya duꞌun, miyadung kanya duꞌut tepad it esang tabud.

Exodo 2:16

Ega naꞌlay, miyabut i pitung kababayan nga anak ni Reuel nga esang sasirduti duꞌut Madian ngayti. Mamagpanaꞌgeb sira ka ipaꞌinum nirat mga tupa it amaꞌ nira.

Juan 4:7

May miyabut nga esang babay nga Samaritano ngayti nga magpanaꞌgeb. Inaat kanya ni Jesus, “Paꞌimnun mu daꞌan aku.”