Genesis 24:10 - Tagbanwa

¹⁰ Pagkatiwas kayti, ipiyaꞌalistu nat sarig-sarigan ngayti i sang pulung kakamelyowan, nga kamelyo nagat agalen ya ngayting si Abraham. Yanayti i piyapirisiꞌnan nirat muꞌsang iꞌabut nira duꞌut abutun nira ngayti. Iyan ayus nay muꞌsa, napanaw na sira, naꞌaduꞌun nat banwa nga Mesopotamia, duꞌut lansangan it Haran nga pagtataꞌidan it ariꞌ ni Abraham nga si Nacor.

Genesis 24:10 Iomraidhean Croise

Genesis 11:29

Kana Abram, duwa ni Nacor, nagsigpangasawa na. Mangasawa si Abram it kanya, pagpangaranat ki Sarai. Ngaran it ki Nacor nga asawa, si Milca nga esang kamanaken ya, ka amaꞌ ni Milca si Haran. May esa pang anak ni Haran, ngaran ya si Isca, nga sulsug ni Milca.

Genesis 11:31

Ta, miyabut nga nagpaꞌugad si Tare, taban yat nagpaꞌugad i anak ya nga si Abram baw apuꞌ ya nga si Lot, nga yay esang anak ni Haran, pati miyagad ya nga si Sarai nga asawa ngayti ni Abram. Nagliꞌid na sira duꞌut Ur ngayti nga sakep it Caldea ka iyan sana i paꞌugadan nira, banwa nga Canaan. Temed ega naga nakalangbus ka pagkaꞌbut nira duꞌut lansangan nga pagpangaranat Haran, duꞌun nay tiyaꞌidan nira.

Genesis 11:32

Duꞌun nat Haran ngayti i piyatayan ni Tare, magꞌidad na kanyat duwang gatus baw limang taꞌun.

Genesis 24:2

Kaꞌsa, inaat yay sasari-sarigan yat kaꞌlay nga sarig-sarigan ya, nga iti i manigpamaalaꞌ it pamalay-balay baw muꞌsang kusas ya. Maat ya, uyun kat kanira nga kaꞌugaliꞌan, “Ipasirib muy pala-palad it alima mu sinit sirib it paꞌa ku ngayni, ka may ipasumpa ku it imu.

Genesis 24:22

Iyan nakaꞌimun nang muꞌsa i kamelyo ngayti, inukad it sarig-sarigan ngayti duꞌut pirisiꞌen ya, kuwaten ya, sang batu i aritis it urung baw duwa i lansung, ka ibgay ya it babay ngayti. Purus pirmirang bulawan i binwat nga mga iti ngayti.

Genesis 24:53

Bawnga may inukad ya na nga mga pakayan baw mga beken nga rurug it bilug nga bulawan baw pirak i binwat, nga ibinggay yat ki Rebeca. Binggayan ya gasiꞌ si Laban it kanya baw inaꞌ nira ngayti, purus marerga nga bagay i muꞌsa ngayti.

Genesis 27:43

Kayti, Anak, magayen mamayaꞌ ka it aken. Mapanaw ka na kayti, malagyu ka na duꞌut Haran, duꞌut sulsug ku nga si Laban.

Genesis 29:1

Nagdayun siꞌ i panaw ni Jacob seked it nakaꞌbut kanya duꞌun it rugar nga pagtataꞌidan it mga taw nga taga duꞌun it lebatan nga ayun.

Genesis 29:2

Pagpaneyek-seyek ya, may naltegan ya nga esang tabud duꞌut iting rugar. May tulung paenan nga tupa nga mamagpaꞌna duꞌun ka duꞌun kayti i papaꞌimnan it kanira. Dakulang batu i maglelpen duꞌut baꞌbaꞌ it tabud ngayti.

Mga Binwat 2:9

Ka ungaytu, ampang it taga Partia, taga Media, taga Elam. Beken ngaytu, ampang it taga Mesopotamia, taga Judea, taga Capadocia baw beken nga mga rugar nga subuk Ponto, Asia,