Genesis 24:1 - Tagbanwa

¹ Gurang nang gurang nga matuud si Abraham. Muꞌsang pangaꞌgenan ya, talagang pagꞌildawan kanya nga pirmi it AMPUꞌANG DIYUS.

Genesis 24:1 Iomraidhean Croise

Genesis 12:2

Ka ituy sanggup ku it imu. Buwaten ku ikaw nga esang dakulaꞌ nga bangsa, baw pagꞌildawan ku ikaw nga pirmi. Buwaten ku nga mabantug i imung ngaran baw buwaten ku ikaw nga panggaringan it maꞌildawan i beken.

Genesis 13:2

Talagang si Abram ngayti, kiminseg na nga taw, ka maꞌayepen na nga banar, mabulawanen na baw mapiraken na.

Genesis 18:11

Lamang atkayti i inampang it sang kataawan ngayti, talagang gurang na na Abraham duwa magꞌasawa. Kamatuudan, ega na pagꞌabutun it adat it mga babay si Sara.

Genesis 21:5

Pagpanganak nirat ki Isaac ngayti, magꞌidad na si Abraham it sang gatus nang taꞌun.

Genesis 24:35

Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun.

Genesis 25:20

Magꞌidad na si Isaac ngaytit epat nga pulung taꞌun, bawnga nagꞌasawa sira ngayti ni Rebeca, nga anak ni Betuel nga esang Arameo nga taga Mesopotamia. Sulsug nga babay ni Laban si Rebeca.

Genesis 26:12

Iting taꞌun, nanguma si Isaac duꞌun. Talagang inildawan kanya it AMPUꞌANG DIYUS, ka dadakulaꞌ nang banar nga magkapatbasan ya.

Mateo 6:33

Aypaꞌ ipadaꞌeg mi nga pirmi kat nakem mi i kamatuudang pagpasakep mi it Ampuꞌang Diyus baw eꞌres nga pagsunud mi it pangaꞌgenang mataldeng nga ipiyagꞌurdin ya. Bawnga iꞌildaw yat imyu i mga bagay ngaytu nga pagkaꞌilanganen mi.

Lucas 1:7

Temed sira ngayti, egay aꞌanak ka si Elisabet, ega magpanganak nga babay seked it gurang na ngayti sira nga duwa.

Galacia 3:9

Aypaꞌ in siyuy magsarig nga matuud it Ampuꞌang Diyus, subung it ki Abraham, kaꞌuyutan nagat ki Abraham nga tumanggap it kumpur isiyanggup it Ampuꞌang Diyus.

Efeso 1:3

Uꞌnang masugid ku, magayen, bantugun tami nga pirmi i Ampuꞌang Diyus, kanya nga Ampuꞌan baw Amaꞌ it Ampuꞌan tami nga si Jesu-Cristo ka, sabap it pakilagpit tami it ki Cristo, inildawan ya na kita it muꞌsa ngaytung ega basta-bastang kagayenan.

1 Timoteo 4:8

Sabagay may kapulusan nagat pagpakseg it bilug. Temed dakulaꞌ paꞌ talagay kapulusan it pagpakseg it pagsunud it kaꞌirgan it Ampuꞌang Diyus. Sabap liꞌwan ya, maꞌaten i isiyanggup nga ega basta-bastang kaꞌgenan mintras situ tami pat denaꞌ baw in duꞌun ta nat langit.