Genesis 23:4 - Tagbanwa

⁴ Maat ni Abraham, “Aku ngaytu, namanwa lamang situt imyu. Kayti paꞌalangen mi akut esang rugar nga malbengan kut asawa ku.”

Genesis 23:4 Iomraidhean Croise

Genesis 17:8

Talagang ibgay kut imu baw mga tungtung-inapuꞌ mu i mga rugar nga pagpanaw-panawan mu, muꞌsa ngaytung banwa nga Canaan, nga piyakakusas nira it seked maꞌlay nga banar. Baw talagang tarimaen ku sira, aku nga Ampuꞌang Diyus nira.”

Genesis 23:5

Maat i tubag it mga Heteo ngayti,

Genesis 3:19

Tumuruꞌ nay liꞌnget mu in magpakariga ka duꞌut uma isaꞌun may mapisiꞌ mu nga pangaꞌen. Atkayan i kabetangan mu seked it muliꞌ ka na kat lugtaꞌ, ka yay pinsiꞌan it binwat nga ikaw. Ta, it ikaw, lugtaꞌ i binwat, aypaꞌ uliꞌan mu, lugtaꞌ naga.”

Genesis 47:9

“Aaꞌ,” maat ni Jacob, “sang gatus baw tulung puluꞌ aku nang taꞌun. Ababaꞌ naga i kaꞌgenan ku baw talagang makuriꞌ i nalabayan ku. Kaꞌlay it akeng kaꞌgenan ngaytu, ega naga makatablaꞌ it kaꞌlay it kaꞌgenan it mga piyaꞌlay nga kagiyaringanan ku.”

Genesis 49:30

Kubkub ngayan, duꞌun it rugar nga pagpangaranat Macpela nga adeꞌdeng it lansangan it Mamre nga duꞌun nagat Canaan. Inalang nagayan ni Apuꞌ nga si Abraham duꞌut ki Efron ngayting Heteo ka binwat ya nga sadili ya nga kalelbengan.

Genesis 50:13

Tiyaban nira duꞌut Canaan i miyatay ngayti nga amaꞌ nira ka duꞌun nagay limbengan, it kubkub ngayti nga duꞌut lugtaꞌ nga pagpangaranat Macpela ngayti nga adeꞌdeng it lansangan it Mamre, nga inalang ni Abraham duꞌut ki Efron nga Heteo, ka buwaten nga kalelbengan.

Exodo 2:22

Manganak si Zipora ngayti, lalaki. Pangaranan ni Moises i anak ya ngayti, si Gersom. “Ituy ipangaran ku,” maat ya, “ka dayuꞌan aku lamang situt itung banwa.”

Mga Binwat 7:16

Temed maski duꞌun nat Egipto i piyamagpatayan nira, ega naga duꞌun i limbengan it kanira, in daꞌga, duꞌun nagat Canaan ngayti nga banwa nira. Idiyuꞌun nira nagat paglebngan nirang kubkub duꞌun it Siquem nga inalang ni Abraham duꞌut mga anak ni Hamor.”

Mga Binwat 7:5

Temed, lamang piyapaꞌugad situ si Abraham ngayti, maski sang tapal nga lugtaꞌ, egay ibinggay it Ampuꞌang Diyus it kanya nga sadili ya. Temed, lamang atkayti, isiyanggup it Ampuꞌang Diyus nga talagang ipasadili ya it kanya i banwa ngaytu, nga subliyen it mga tungtung-inapuꞌ ya, lamang ega pay aꞌanak yat iting timpu.

Hebreo 11:9

Kat keseg it pamayaꞌ baw pagsarig ya nanaꞌidan kanya nga subung it dayuꞌan lamang duꞌun it rugar nga iti na i isiyanggup it kanya it Ampuꞌang Diyus. Balay nga pagꞌiꞌistaran ya, magkapuru-purun lamang, atnaga si Isaac baw si Jacob nga timnanggap gasiꞌ it sanggup it Ampuꞌang Diyus nga atkayti naga.

1 Pedro 2:11

Mga pagmaꞌalen ku, demdemen mi nga bilang mga dumadayuꞌ kamu lamang situt banwa, ka langit i pagpapaꞌbutun mi, nga yanay banwa mi. Aypaꞌ paꞌalaidan mi nay mga maraꞌe-raꞌet nga kaꞌirgan it bilug, ka magꞌindaꞌeg yan it pamayaꞌ mi it Ampuꞌan.