Genesis 22:9 - Tagbanwa

⁹ Pagꞌabut nira duꞌun it ipiyagꞌaat ngaytit Ampuꞌang Diyus nga duꞌun nay pagbuwatan, nagbuwat na si Abraham it papangantengan. Pagkaꞌman ya, ipiyagsagpaw yat pagayen-gayen i kayu ngayting taban nira. Bawnga biyayuk ya na si Isaac ka ipiyaliꞌtid na duꞌut sagpaw.

Genesis 22:9 Iomraidhean Croise

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 12:8

Garing duꞌut piyaꞌabutan ya ngayti, nagpaꞌugad naga si Abram duꞌut mamungsuꞌun nga ayun duꞌut lebatan it lansangan it Betel. Duꞌun nay piyamagbala-balayan nira, nga ayun kat sedpan i Betel ngayti baw ayun duꞌut lebatan nira i lansangan it Hai. Nagpatindeg siꞌ kanya duꞌun it papangantengan it ipagsamba ka siyamba yay AMPUꞌANG DIYUS.

Genesis 13:18

Ega naꞌlay piyurun siꞌ ni Abram i balay ya ngayti ka napanaw siꞌ. Duꞌun i piyaꞌabutan yat kakakayuwan ni Mamre nga duꞌut Hebron. Pagꞌabut ya duꞌun, nagbuwat siꞌ it papangantengan it ipagsamba duꞌun it AMPUꞌANG DIYUS.

Genesis 22:10

Singkel na ni Abraham i yuꞌgu-yuꞌgut ya. Pagraiꞌ yat maat imatayen ya nay anak ya ngayti,

Genesis 22:8

Maat i tubag ni Abraham, “Ampuꞌang Diyus nay baalaꞌ. Kanya na i megay it aten.” Seked na kayti i ingkut ni Isaac. Sigi-sigi nang panaw nira.

Genesis 8:20

Bawnga nagbuwat si Noe it papangantengan it ipagsamba duꞌun it AMPUꞌANG DIYUS. Pagkaꞌman ya, minsiꞌ kanya kat mga ramu-ramu baw manu-manuk nga mapakay nagang ipagsamba ka isiyalisi ya duꞌun it AMPUꞌANG DIYUS. Mga iti ngayti nga ipagpasalamat ya, inanteng ya duꞌun it papangantengan ngayti.

1 Mga Adiꞌ 18:33

Pagkakali, ipiyagsagpa-sagpawun ya nay kayu. Inimatay ya na i sang batu ngayti nga tudu, bawnga riyamat ya. Pagkaramat, bawnga isiyagpaw ya na duꞌun it ipiyagsagpa-sagpawun ya ngayti nga kayu. Pagkaꞌman ya, may singkat ya. Maat ya, “Mamisiꞌ kamu it epat nga kabangaꞌan i danum ka ilamaꞌ mi asat isamba ngayan, uyut nay mga kayu ngayan it lamaꞌan mi.” Namayaꞌ i mga singkat ya ngayti.

Mateo 27:2

Bawnga biyayuk nira si Jesus, ka tiyaban nira duꞌun it ki Pilato nga gubirnadur nga Romano.

Marcos 15:1

Magpangyag, nagꞌupa-upakaten nga lagi i mga pagbayaꞌen it sasirduti, mga mataꞌas nga ginuꞌu, mga manigpaꞌyag it urdin baw beken paꞌ nga kumpur kaꞌuyutan it Sanedrin. Ipiyabayuk nira na si Jesus bawnga tiyaban na duꞌun it gubirnadur nga si Pilato.

Mga Binwat 8:32

Ituy naꞌbutan ni Felipe nga pagbasaen it taga Etiope ngayti, isiyurat ngaytu ni Isaias nga magꞌaat, “Mapiyalulus kanya, nga subung it tupa nga pagtabanen na duꞌun it iꞌimatayan ka karniꞌen. Subung kanya gasiꞌ it uꞌuybun it tupa nga egay riꞌe-riꞌeng maski buꞌlugan. Ka kanya, ega nabngaꞌ i baꞌbaꞌ ya it maski sang tagaꞌ nga pamasul.

Galacia 3:13

Temed kayti, ipiyagribri ta na ni Cristo kat panriga it Ampuꞌang Diyus, panriga yat mga ega ngaytu magkasunud it kaꞌustuꞌan i mga urdin. Ka imbis kita, si Cristo ngaytu i riniga it Ampuꞌang Diyus sabap it kasalaꞌan tami, subung nagat magsusurat nga magꞌaat, “Siyu-siyu nga pangimatay it kanya, ipaggantung duꞌun it kayu nga ipagrugsuk, naꞌiguꞌ it isiyumpa it Ampuꞌang Diyus nga panriga.”

Efeso 5:2

Mangaꞌgenan kamu it pirming pagbegbegan it raras mi it maꞌiba mi. Pasbung kamut ki Cristo nga, kat kadakulat raras ya it aten, ipiyagtas yay ginawa ya, nga ipiyasbung yay sadili ya it piyakamabanglu nga panalisi nga pagsagyaan nga banar it Ampuꞌang Diyus.

Hebreo 9:28

Ta, atkayan naga, kaꞌsa lamang gasiꞌ binwat si Cristo nga panalisi, isaꞌun matanggung ya i kasalaꞌan it katataawan. Baw paꞌuliꞌ naga kanya situ, takaꞌ ega na maat isaꞌun tumanggung it kasalaꞌan it taw, in daꞌga mamisiꞌ manat kumpur magpaꞌbut it kanya, ka timpu nat kakumplituwan it karibriyan nira.

Santiago 2:21

Ka panawun it pikiran mi si Abraham nga kiyaꞌapuꞌ-apuꞌan tami. Daꞌga baꞌ ipiyagpabetang kanya nga mataldeng it Ampuꞌang Diyus sabap duꞌun it buwat ya, iyan siyunud yay inaat nga ibgay yat Ampuꞌang Diyus i anak ya nga si Isaac nga buwateng ipagsamba nga antengen duꞌun it papangantengan?

1 Pedro 2:24

Kanya mismu i timnanggung it muꞌsang kasalaꞌan tami, kat nalabayan yang kamataynen ya duꞌun it krus. Binwat yaytu isaꞌun indiꞌan ta na i muꞌsang ipagkasalaꞌan tami, baw mangaꞌgenan na it purus mataldeng nga pagbuwaten. Yay matuud, sabap lamang it ega teꞌe-teꞌeng nga pasakit nga tiyanggap ni Cristo, naꞌubaꞌubat nay mga kasalaꞌan tami.