Biblia Todo Logo
Bìoball air-loidhne

- Sanasan -




Genesis 22:12 - Tagbanwa

12 Maat i inaat it kanya, “Ega na imatayen muy waꞌwaꞌ ngayan. Ega buwatan mu kanya it maski unu nga pakuriꞌ. Talagang natantuwan ku nga kamatuudan i iꞌlam mu nga paggalang mut aken nga Ampuꞌang Diyus. Sabap maski pagmaꞌa-maꞌalen mu nang anak ka paeꞌesa-esa, temed ega nangbit it nakem mu nga iꞌimet it aken.”

Faic an caibideil Dèan lethbhreac




Genesis 22:12
42 Iomraidhean Croise  

“Binwat ku bay atkaytu,” tubag ni Abraham, “ka tanud ku, mga taw situ, daꞌgay iꞌlam nga paggalang nirat Ampuꞌang Diyus. Aypaꞌ ka magregen akut barang imatayen aku isaꞌun lamang maꞌagaw i asawa ku ngaytu.


Pagpatingkag ni Abraham it ulu ya, naltegan yay esang tudu nga tupa nga nakasaꞌit i tanduk ya duꞌut sangat kayu-kayu. Iti nay pinsiꞌ ni Abraham nga inanteng, nga ganti it anak ya ngayti.


Magꞌaat i inaat, “Aku nga AMPUꞌANG DIYUS mismu i magsanggup it imu. Kayti nga ega ipiyagꞌimet mut aken i paeꞌesa-esang anak mu, talagang ildawan ku ikaw nga banar.


Maat i inaat it kanya, “Mapanaw ka. Pabayaꞌen muy paeꞌesa-esa ngayang anak mi ni Sara. Eeꞌ baꞌ, si Isaac ngayang pagmaꞌa-maꞌalen mu. Paꞌaduꞌun kamu it rugar ngayting pagpangaranan it Moria, ka imatayen baw antengen mu duꞌun i anak mu ngayan, ka isamba mu na kanya it aken. Buwatan mu kayan, duꞌun it siyagpawan it esang bukid nga iꞌaat ku it imu.”


Buwaten kuytu sabap siyunud it amaꞌ mu nga si Abraham i mga ipiyagꞌaat ku it kanya. Talagang siyunud yay muꞌsang mga taꞌeg baw mga ipiyagꞌurdin ku it kanya.”


Pagꞌikatlu na, maat ni Jose, “May ipabwat ku it imyu. In masanggupan mi gaytu, egnen kamu naga, ka aku ngaytung taw, may iꞌlam kuytu it Ampuꞌang Diyus.


“Aaꞌ,” maat ni Moises it kanira, “ayaw kamut aliꞌ. Sukda-sukdan ya lamang bayan it imyu. Ireg ya lamang nga galangen mi kanya it may iꞌlam isaꞌun ega na muwat kamu it kasalaꞌan.”


Bawnga maat siꞌ ni Jesus it mga alagad ya ngayti, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yay sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.


Baw maski siyu nga magkatanan it pamalay-balay ya, mga sulsug ya, giyaringan baw mga anak ya, u pagngatanan ya, nga sabap lamang it pagsirbi yat aken, talagang tumanggap kanyat sang gatus nga dubli, baw begayan paꞌ it kaꞌgenan nga egay kaskedan.


Aypaꞌ ega itaguꞌ mi i pamayaꞌ mi. Sana masgu nga pirmi i imyu nga tidaw kat panleteg it kadakel, isaꞌun maꞌyag it kanira i magagayen nga buwat mi, baw bantugun nira i Amaꞌ mi nga duꞌun it langit.”


Ka talagang pagrarasan nga banar it Ampuꞌang Diyus i muꞌsang taw situt sinirungat langit. Aypaꞌ ibinggay yay Anak ya nga paeꞌesa-esa, isaꞌun in siyuy mamayaꞌ baw sumarig it kanya, ega kaꞌaduꞌun it kakuriꞌan, in daꞌga mabgayan kanyat kaꞌgenan nga egay kaskedan.


Ta, kat iting timpu, ega nay ipagkagulu it mga magpamayaꞌ duꞌun it muꞌsang mga rugar nga sakep it Judea, Galilea baw duꞌut Samaria. Pagtabangen sirang pirmi it Espiritu Santo, aypaꞌ ka nagmapaꞌgen i pamayaꞌ nira, baw kat pangaꞌgenan nira, paggalangen nira it may iꞌlam i Ampuꞌan. Baw kat tabang it Espiritu Santo, magdudungag-dudungag i kadakel nira.


Temed ta, kayti, ipiyatantu it Ampuꞌang Diyus i kadakulat raras yat aten it, maski tegeb ta nang tegeb it kasalaꞌan, igiyanti ni Cristo i ginawa ya sabap it aten.


Maski sadili yang Anak, ega ipiyagꞌimet it Ampuꞌang Diyus, in daꞌga ipiyalugut yat ukuman nga kamataynen kat ikagayen tami nga muꞌsa nga mga taw. Ta, it ipiyagbegay-matag yat aten i Anak ya ngaytu, daꞌga baꞌ iꞌatag ya nagat aten i muꞌsang bagay nga ipagkagayen tami?


Temed ega pay sukdan nga miyabut it imyu nga daꞌga paglabayen gasiꞌ it masigkataw mi. Temed magkasiguru mi i tabang it Ampuꞌang Diyus nga ega ipaꞌintulut ya nga sukdanan kamu it subraꞌ na it kaya mi. In daꞌga, pagꞌabut it sukdanan kamu, begayan ya kamu it keseg nga ipagkaꞌindaꞌeg it sukdan ngaytu.


Sabap, basta magbegay ta it masagyang-masagyay nakem it kumpur kaya ta nga ibgay, pagsagyaan na it Ampuꞌang Diyus. Ega maat pagtulusun ya paꞌ nga megay it ega na kaya ta.


Sabap magtetdek kat nakem ni Abraham i pagsarig ya nga maski maat matay na si Isaac, egnen nagat Ampuꞌang Diyus. Baw maski ega naga natabusan ya nga imatayen ka siyabar naga it Ampuꞌang Diyus, kaꞌaat ka talagang subuk nagꞌegen mana si Isaac ngayti.


Ta, kaꞌadiꞌan ya ngaytu, iyan i egay kaꞌawaꞌan. Aypaꞌ, paribasay may kaꞌuyutan tay aten it kaꞌadiꞌan ngaytu, kaꞌilangan seklen tat maꞌingget i ildaw ngaytut Ampuꞌang Diyus it aten, isaꞌun kasirbi tat kanya it pagsirbi nga magkasagyaan ya, pagsirbi nga may iꞌlam nga paggalang it kanya.


Temed barang may kupakibatir, nga magꞌaat, “Iyan beken, pamayaꞌ nga ipiyagꞌildaw it kanya, ega basta-bastang pagsarig yat Ampuꞌan. Iyan beken, ipiyagꞌildaw it kanya, magagayeng pagbuwaten.” Temed tubag ku kayan, “Egay beblagan it kamatuudang pamayaꞌ baw magagayeng pagbuwaten. Ipatantu mut aken nga in magꞌuꞌunu makilalaan ku nga may kamatuudan it pamayaꞌ mu ngayan nga egay pagbuwaten mu nga magpamatuud it kat Ampuꞌan ka na. Aken, mga pagbuwaten ku i magpamatuud it kamatuudan talagay pamayaꞌ ku.”


Bawnga may miyampang nga duꞌun i sinraꞌan, adeꞌdeng duꞌun it araꞌdungan ngaytit adiꞌ. Magꞌaat i inampang, “Bantugun i Ampuꞌang Diyus tami, kamung muꞌsa nga manigsirbi ya, matataꞌas baw mga timawaꞌ, kamu nga may matuud nga iꞌlam nga paggalang mi it kanya.”


Temed maat siꞌ ni Samuel ngayti, “Unuy pikir mu, unuy subrang magkaꞌirgan it AMPUꞌANG DIYUS, iyan pagꞌantengen nga ramu-ramu nga ipagsamba tat kanya u pagsunud tat pagꞌaaten ya? Yay matuud, pagsunud tat kanya, yay subraꞌ paꞌ nga mataꞌas. Magayen nagang buwat i magꞌanteng it tupa pati tabaꞌ ya, nga ipagsamba duꞌun it AMPUꞌANG DIYUS. Temed yay subraꞌ pang magayen nga buwat, magpagneg baw magsunud it pagꞌaaten ya.


Lean sinn:

Sanasan


Sanasan