Genesis 22:1 - Tagbanwa

¹ Nagtaꞌlib i mga taꞌun, siyukdanan it Ampuꞌang Diyus si Abraham. Tiyaꞌwagan kanyat Ampuꞌang Diyus, nga magꞌaat, “Abraham!” “Wayni aku, Agalen ku,” maat i tubag ya.

Genesis 22:1 Iomraidhean Croise

Genesis 15:1

Garing sikayti ega naꞌlay, nagpakikita i AMPUꞌANG DIYUS it ki Abram nga bilang pagtagaynepen ya. Nagnegan ni Abram i inaat it Ampuꞌang Diyus, nga magꞌaat, “Ayaw kat iꞌlam, Abram. Talagang tatarimaen ku ikaw nga akuy bilang kalasag mu kat kaꞌiꞌilang. Baw aku ngaytu i magkapisiꞌan mut ega basta-bastang kamanggadan nga ipagtumbas kut imu.”

Genesis 21:11

Nalibeg i pikir ni Abraham pagkagneg ya kayti. Subuk mabeꞌgat nga buwaten ya, sabap si Ismael ngayti, pagmaꞌalen ya naga ka matuud nga idingguꞌ ya.

Genesis 22:11

sakaliꞌ nga nakagneg kanyat taꞌwag nga duꞌun it langit i garing. Anghil it AMPUꞌANG DIYUS i magpataꞌwag it kanya, nga magꞌaat, “Abraham, Abraham!” Maat i tubag ya, “Wayni aku, Agalen ku.”

Genesis 22:7

Ega naꞌlay sirat panaw, miningkut si Isaac it amaꞌ ya. Maat ya, “Amaꞌ!” “Unu?” maat it amaꞌ ya ngayting si Abraham. “Ay Amaꞌ, taban tay apuy baw kayu nga iduꞌput. Ta ariyen i uꞌuybun it tupa nga antengen ta?”

Genesis 37:13

Inaat ni Israel si Jose, “Daꞌga adeꞌdeng nat Siquem i mga sulsug mu nga magꞌeper it mga ayep ta? Ta napikir ku, papanawun ta ikaw nga manundug it kanira.” “Eeꞌ,” maat ni Jose.

Genesis 46:2

Pagdelem, piyakisugi-sugidan kanya it Ampuꞌang Diyus nga subuk tiyagaynep ya. Miyampang, nga magꞌaat, “Jacob, Jacob!” “Wayni aku,” maat i tubag ya.

Exodo 16:4

Aypaꞌ ka maat siꞌ it AMPUꞌANG DIYUS it ki Moises, “Kayti paꞌuranan ta kamu it pangaꞌen nga garing duꞌut langit. Meyag-meyag papanliꞌwanen mu i kadakel kat mga bala-balay nira ka manguꞌmit sira it makaꞌen nira it seledat sang aldaw. Baw sikaytu, sukda-sukdanan ku siꞌ sira in sang unuy pagsunud nira it mga inaat ku.

Exodo 3:4

Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!” “Wayni aku,” katubag si Moises ngayti.

Isaias 6:8

Bawnga nagnegan ku i ampang it AMPUꞌANG DIYUS nga magꞌaat. “Siyuytu i taꞌgen ku? Siyuy papanawun namen?” Katubag aku, maat ku, “Wayni aku. Aku na i taꞌgen mu.”

1 Corinto 10:13

Temed ega pay sukdan nga miyabut it imyu nga daꞌga paglabayen gasiꞌ it masigkataw mi. Temed magkasiguru mi i tabang it Ampuꞌang Diyus nga ega ipaꞌintulut ya nga sukdanan kamu it subraꞌ na it kaya mi. In daꞌga, pagꞌabut it sukdanan kamu, begayan ya kamu it keseg nga ipagkaꞌindaꞌeg it sukdan ngaytu.

Hebreo 11:17

Kat kadakulaꞌ gasit pamayaꞌ yat Ampuꞌang Diyus ega dimnaꞌga si Abraham iyan siyukda-sukdanan kanya nga imatayen nga ibgay duꞌut Ampuꞌang Diyus i anak ya nga si Isaac. Ega diyaꞌga ya maski paeꞌesa-esang anak ya si Isaac ngayti baw kanya i pagpaꞌiguꞌan it isiyanggup ngaytit Ampuꞌang Diyus it kanya nga magꞌaat,

Santiago 2:21

Ka panawun it pikiran mi si Abraham nga kiyaꞌapuꞌ-apuꞌan tami. Daꞌga baꞌ ipiyagpabetang kanya nga mataldeng it Ampuꞌang Diyus sabap duꞌun it buwat ya, iyan siyunud yay inaat nga ibgay yat Ampuꞌang Diyus i anak ya nga si Isaac nga buwateng ipagsamba nga antengen duꞌun it papangantengan?

1 Pedro 1:7

Ka mga kakuriꞌan ngaytu, bilang sukda-sukdan it pamayaꞌ mi, in unu matuud na nga talaga. Ka pagdedemdemen mi nga pirmi nga maski bulawan, kaꞌilangan nga sukdanan duꞌun it apuy isaꞌun masiguru nga talagang bulawan nga banar, ka simpri maꞌawaꞌ nat apuy i ega naga bulawan. Temed bulawan, maski marga nga bagay, may karanggaꞌan naga, ka pandenaꞌ lamang. Talagang marga pang banar it bulawan i pamayaꞌ mi, aypaꞌ kaꞌilangan naga nga masiguruwan. Bawnga, in nasukdanan na baw mamuyaan nga teꞌteꞌ talaga i pamayaꞌ mi ngaytu, bantugun baw galangen kamu in asan nat ipaꞌuliꞌ ni Jesu-Cristo.

Mga Pagbayaꞌen 2:22

Ka sira ngaytu, gamiten ku nga sukda-sukdan it in unu, sumunud nagay mga Israelita ngaytu it mga urdin ku nga subung it mga kagiyaringanan nira.”

1 Samuel 3:4

tiyaꞌwagan kanya it AMPUꞌANG DIYUS, nga magꞌaat, “Samuel, Samuel!” “Wayni aku,” maat i tubag ni Samuel.