Genesis 21:8 - Tagbanwa

⁸ Iyan dakulaꞌ na i waꞌwaꞌ nga binlag na it duduꞌ, aldaw nga pagbelag it ki Isaac it duduꞌ, dakulaꞌ nga pagkaraꞌnen i ipiyaꞌitsu ni Abraham.

Genesis 21:8 Iomraidhean Croise

Genesis 19:3

Temed talagang ega magkabaraꞌan si Lot. Riyeges ya sirang riyeges. Aypaꞌ namagbayaꞌ na lamang i duwa ngaytit ki Lot. Pagꞌabut duꞌut balay, tiyarakanan sirat pangaꞌen nga may uyut nga tinapay nga egay ipagpaꞌalsa.

Genesis 21:7

Maat ya pang beken, “Siyu pay makasugid it ki Abraham nga may maduduꞌ paꞌ situt aken it yapaꞌ ngaytu manganak kami, gurang na kanya? Takaꞌ nanganak aku nga matuud it anak ya nga lalaki.”

Genesis 21:9

Ta, namuyaan ni Sara nga pagsariyen it tibabaꞌ si Isaac it anak ngaytit uripen nga si Agar.

Genesis 26:30

Aypaꞌ nagsimpan na Isaac ngayti it dakulang pangaꞌen ka nagkaraꞌnen baw nagꞌinum sira.

Genesis 29:22

Aypaꞌ egay beken, nagpaꞌitsu na si Laban it dakulang pagkaraꞌnen. Inimbitar yay muꞌsang mga kaꞌibaan nira ngayti duꞌun.

Genesis 40:20

Desang ikatlung aldaw, kaꞌaldawan siꞌ it adiꞌ ngayti. Aypaꞌ nagpaꞌitsu kanya it dakulang pagkaraꞌnen bawnga inimbitar yay mga katimbang ya. Egay beken, ipiyapisiꞌ ya na duꞌut pirisuwan i katimbang ya ngayting manigpamaalaꞌ it pagꞌimnun ya, pati pagbayaꞌen ngaytit mga manigbuwat it tinapay ya. Ipiyaꞌadap ya na duꞌut adapan it mga katimbang ya ngayti nga beken.

1 Mga Adiꞌ 3:15

Sikayti nasulag na si Solomon. Pagkasulag ya, natantuwan ya nga piyakisugi-sugidan kanya it Ampuꞌang Diyus duꞌun it tiyagaynep ya ngayti. Pagkaꞌuliꞌ ya duꞌun it Jerusalem, naꞌaduꞌun kanya it sarungaan it Kaban ngaytit Pakiꞌupakat ka nagbuwat kanya it ipagsamba nga pagꞌantengen baw pasalamat nga pagsamba nga may pagꞌantengen gasiꞌ. Bawnga nagpasimpan kanya it dakulaꞌ nga pagkaraꞌnen ka piyasagya ya i muꞌsang mga taawan ya.

Mga Pagbayaꞌen 14:10

Pagꞌabut na Samson, miyalyug nay amaꞌ ya ngayti. Nakapitu i inayaw ni Samson it buwat it pagkasagyaan duꞌut balay it asawaen ya, ka iti, adat nira basta mangasawa nay mga lalaki.

Mga Pagbayaꞌen 14:12

Napikir ni Samson nga igman ya sira. Maat ya, “Esa-esa ga, magꞌigem aku. Kayti in mapintuꞌ mi it seledan it pitung aldaw ngaytu nga pagkasagyaan tami, begayan ku kamu it tulung puluꞌ nga kabadyuꞌan nga pirmira nga abel baw tulung puluꞌ naga nga ega babasta-bastaeng pakayan.

1 Samuel 1:22

Temed ega miyayaꞌ si Ana. “Esa-esa ga,” maat ni Ana it asawa nira ngayti nga si Elcana, “daꞌku daꞌay aken kabayaꞌ kayti. Asan manay ibayaꞌ ku in medek nay waꞌwaꞌ ngaytut duduꞌ. Ka in ega na magduduꞌ kanya, talagang ibgay ku na kanya duꞌut AMPUꞌANG DIYUS. Mintras egen kanya, duꞌun nat balay nga papagsambaan i taꞌid ya, sabap iyan i sanggup ku duꞌut AMPUꞌANG DIYUS basta begayan ya lamang akut anak.”

1 Samuel 1:24

Iyan daku-dakulaꞌ na si Samuel nga ega na magduduꞌ baw magkablag na, idiyuꞌlung nang matuud na Ana duꞌun it balay ngayti nga papagsambaan nga duꞌun ngaytit Silo. Timnaban sirat sangbat i tudu nga bakaꞌ nga tulung taꞌun pay idad, subrat sang tamping i arina baw sang dadanuman i irimnun.