Genesis 21:16 - Tagbanwa

¹⁶ Bawnga napanaw kanyat ega naga alaid duꞌut kayu-kayu ngayti bawnga miyadung duꞌun. Maat i pagꞌampa-ampangen ya, “Talagang daꞌku kasagkaꞌ it pagleltegan kuy anak ku ngayan nga matay.” Magꞌaꞌdung ngayti kanya, atnat magkalme-kalmes, sigi gasing sugaw ni Ismael it kanya.

Genesis 21:16 Iomraidhean Croise

Genesis 21:15

Iyan naꞌubus nay balun nira ngayting danum baw magpatay na si Ismael it kuꞌinum, binwat ni Agar, itiyuduꞌ yay anak ya ngayti duꞌut siꞌrung it esang kayu-kayu.

Genesis 27:38

“Aaꞌ ega atkayan Amaꞌ,” maat ni Esau. “Unu yanayti i seked it magꞌaꞌareg mu? Ega atkayan! Iꞌampang mu naga kat bilug ku, sigi na baꞌ, Amaꞌ!” Siminggaw siꞌ si Esau it pagdadakulaꞌen ya nang garwak.

Genesis 29:11

Iyan nakaꞌinum nang muꞌsa, inlep ni Jacob si Raquel ngayti bawnga inarkan. Timnuruꞌ i pati luwaꞌ ya it sagya.

Genesis 44:34

Ka talagang daꞌku makaꞌuliꞌ duꞌut ki Amaꞌ in ega magbabayaꞌ naga si Benjamin. Yay matuud, ega masagkaꞌan ku in subraꞌ nang kasmek i mabetangan it amaꞌ namen ngayti!”

1 Mga Adiꞌ 17:12

Katubag i babay ngayti, maat ya, “Yay matuud, nga pagdedngegen aku it AMPUꞌANG DIYUS mu, ega na talagay papangaꞌen namen, rumꞌar manat sang dekeyeꞌ mana nga ari-arina baw sang lulnuꞌan manang lana-lana. Yanaytuytu i pagꞌargan kut sundur ngaytu, isaꞌun maꞌilutuꞌ ku na, ka maski puyangten kami na it ana-anak ku, makakaꞌen kami naga it maski kaꞌsa manang kaꞌen.”

1 Mga Adiꞌ 3:26

Pagkagneg it matuud ngayti nga tagꞌanak, kimneber-keber i seled ya. Magsusgaw kanya nga miyampang, maat ya, “Kagalang-galang nga Adiꞌ, in atkayan na lamang, kanya na i begayan mut waꞌwaꞌ ngayan. Ega lamang it begsangen ngayan.” “Ega,” maat i sang kataawan ngayti, “sigi, begsangen na lamang.”

Lucas 15:20

Pagkapikir ya kayti, miyuliꞌ naga nga matuud duꞌut amaꞌ ya. Temed alaid paꞌ kanya, nalawag na it amaꞌ ya ngayti. Siyanguꞌan kanyang banar. Magpapalagyu i simnusmu nga amaꞌ ya ngayti, siyakem baw inarkan kanya.

Mga Pagbayaꞌen 2:4

Pagkagneg it mga Israelita it inaat ngaytit Anghil it AMPUꞌANG DIYUS, talagang namagkasgaw sirang muꞌsa.