Genesis 20:9 - Tagbanwa

⁹ Egay beken, ipiyapisiꞌ ni Abimelec si Abraham. Pagꞌabut ni Abraham, maat ni Abimelec, “Unuka binwat mut amen i atkaytu ngaytu? Unu nay nasalaꞌan mut aken ka tiyaban mu aku pati kaꞌadiꞌan ku duꞌun it kasalaꞌan nga kat ikaꞌilang namen? Talagang ega tamaꞌ i binwat mu ngaytut aken.

Genesis 20:9 Iomraidhean Croise

Genesis 12:18

Iyan atnakayti, ipiyatawag it adiꞌ ngayti si Abram. Pagꞌabut ya, maat it adiꞌ ngayti, “Unuka atkaytuy binwat mut aken? Unuka ega isiyugid mut aken nga itu palan, asawa mu i itung babay?

Genesis 20:10

Unuka nangbit it nakem mu i atkaytung buwat?”

Genesis 20:8

Pagꞌeyag it aldaw it kade-kadedelman paꞌ, tiningped ni Abimelec i muꞌsang taawan ya ka itiyuturan ya duꞌun it kanira i iting bagay. Pagkagneg nira, miniꞌlam sira nga banar.

Genesis 26:10

“Iyan nga buwat mu,” maat ni Abimelec, “magꞌindadangep it may makabwat it kasalaꞌan situt amen, nga makasalya it asawa mu ngayan. Pagbuwatan mu kami it ipagkasalaꞌan namen!”

Genesis 29:25

Ta, mamuyaan ni Jacob it aldaw na, ulid ya ngayti, si Lea palan. Pagkamuya ya kayti, maat ya it ki Laban, “Unuka atkaytu i binwat mut aken? Liyuku mu lamang aku! Nagsirbi akut pitung taꞌun ka si Raquel i pagpatengedan. Daꞌga baꞌ, iyan i piyagꞌupakatan ta?”

Genesis 39:9

Subung nat nagsubung nay kataꞌas namen. Ega nay ipagꞌimet ya it aken, puyrat imu ngaytu nga asawa ya. Ta unuka buwaten kuy pagleltegan ku nang maraꞌway baw kasalaꞌan na kat Ampuꞌang Diyus?”

2 Samuel 12:5

Pagkagneg kayti ni David nakawarak-warak it iseg. Maat ya, “Pagdedngegen ta it AMPUꞌANG DIYUS, bagay it atkayang taw, ega egnen!

Exodo 32:21

Bawnga siyarunga ya si Aaron ngayti. Maat ya, “Munut mga taw ngaytu ka siyumbayaꞌ mu? Daꞌga ipiyakursud mu na sira it mabeꞌgat ngaytu nga kasalaꞌan?”

Exodo 32:35

Ta miyabut nga matuud i panriga ngayti, ka piyasarut it AMPUꞌANG DIYUS i mga katataawan sabap it ipiyabwat nira ngayti it ki Aaron nga ipiyasbung it uꞌuybun it bakaꞌ nga siyamba nira.

Roma 2:11

Sabap, Ampuꞌang Diyus, egay pagbidaꞌen ya manggid.

Tito 1:11

Dapat nga mapuruwan muy atkayang mga taw, sabap kat panulduꞌ nira ngayting kamaliꞌ, pagranggaꞌen niray pamayaꞌ it ega desang pirang kataawan, in daꞌga may mga pamalay-balay na nga talagang napuꞌsat kateꞌag-teꞌag. Baw ta, yanayan i antap it nakem nira, ipagpanulus nira nay pangadal nira.

Hebreo 13:4

Kaꞌilangan gasiꞌ, ega kalabtaꞌen mi i pagꞌasawa ngaytu, in daꞌga galangen talaga. Sabap siguradu nga betanganan ya it ukuman i muꞌsa nga magpamakun kat taw nga ega asawa nira.

Josue 7:25

Mampang si Josue ngayti, maat ya, “Iyan palan, piyakuriꞌan mu kami. Aypaꞌ kayti ikaw siꞌ i pakuriꞌan it AMPUꞌANG DIYUS.” Bawnga biyatu na nira si Acan, pati asawa baw mga anak ya ngayti, nga yapaꞌ paskedan ka natay na. Bawnga inanteng sira nga muꞌsa, uyut i muꞌsa gasiꞌ ngayti nga tiyaban duꞌun.