Genesis 20:7 - Tagbanwa

⁷ Kayti nga lagi, iꞌuliꞌ mu kanya duꞌun it asawa ya. Prupitaꞌ yan i asawa ya ngayan, aypaꞌ kapanalangin kanya isaꞌun daꞌka naga matay. Takaꞌ in ega iꞌuliꞌ mu, yay matuud, ega lamang ikaw i matay, in daꞌga pati kadakel situt seled it pamalay-balay mu.”

Genesis 20:7 Iomraidhean Croise

Genesis 12:15

Naltegan gasiꞌ si Sarai it mga katimbang it adiꞌ it Egipto ngayti. Unupat ipiyagsugid nira duꞌut adiꞌ ngayti. Talagang pagtuꞌgudun nirang kadaraga. Pagkagneg it adiꞌ ngayti, ipiyapisiꞌ yang lagi ka idungag yat mga pagꞌasa-asawaen yang kabababayan.

Genesis 12:17

Temed paribasay ipiyapisiꞌ it adiꞌ si Sarai nga asawa ni Abram ka tanud ya nagsulsug lamang nga matuud, piyaꞌabutan it AMPUꞌANG DIYUS it sarut i pamalay-balay it adiꞌ ngayti, maꞌget baw belag nga panarut.

Genesis 2:17

Temed iyan sang puꞌun nga kayu nga magkapisiꞌan ngaytut ipagkakilala it magayen baw maraꞌe-raꞌet, ega salyaen mut kumaꞌen. Sabap kat aldaw nga kumaꞌen ka it iyan ngayan, egay pagduwa-duwa nga kamataynen i panriga it imu.”

Genesis 20:3

Temed pagdelem piyatagaynep it Ampuꞌang Diyus i adiꞌ ngayting si Abimelec. Magpaꞌa-paꞌaat, “Sabap it binwat mu ngaytu, siguradung matay ka, ka magꞌaꞌasawa yan i babay ngayan nga ipiyapisiꞌ mu.”

Genesis 20:8

Pagꞌeyag it aldaw it kade-kadedelman paꞌ, tiningped ni Abimelec i muꞌsang taawan ya ka itiyuturan ya duꞌun it kanira i iting bagay. Pagkagneg nira, miniꞌlam sira nga banar.

Genesis 23:6

“Unuka ega mapakay it ikaw i pagkilalaen namen nga mabantug ka pagꞌildawan it Ampuꞌang Diyus? Miliꞌ ka lamang it ireg mu nga rugar nga lebngan mut asawa mu. Egay maski siyu it amen nga magꞌimet it imu. Ilbeng mu lamang duꞌut amen nga kalelbengan, in ari ireg mu nga lebngan.”

2 Mga Adiꞌ 5:11

Pagkagneg ni Naaman it ampang ngayti ni Eliseo nga isiyugid duꞌut kanya, miniseg kanya. Magbubutung-butung i gimnaring. Maat ya, “Tanud ku bayan, susmuun ya aku bawnga timindeg kanyat mataldeng baw taꞌwagan yay AMPUꞌANG DIYUS ya, bawnga papatuꞌan ya akut mga alima ya isaꞌun nga gumayen aku.

Exodo 18:17

Maat siꞌ ni Jetro ngayti, “Magayen siguru, ega naga atkayan i buwaten mu.

Exodo 4:16

Kanya i buwaten mu nga manigpakisugi-sugid it mga taw. Baw ikaw na i subuk aken, nga Ampuꞌang Diyus, nga magꞌaat it kanya in unu i aaten ya kat mga taw.

Exodo 7:1

Maat it AMPUꞌANG DIYUS it ki Moises, “Talagang buwaten ta ikaw nga subung ka nat Ampuꞌang Diyus kat panleteg it adiꞌ. Baw sulsug mu nga si Aaron i manigꞌampang mu.

Ezekiel 33:8

Temed in beteꞌ kuꞌaat ku it esang taw nga matay na kanya sabap karaꞌe-raꞌetan nay nakapnuꞌ it kanya, bawnga ega isugid mu duꞌun it kanya isaꞌun maꞌugadan ya nagay adat ya ngaytu, maski imatayen kanya sabap it karaꞌe-raꞌetan ya temed yay matuud, panubagan muy kamataynen ya ngaytu.

Mga Binwat 8:24

Pagkagneg ni Simon kayti, maat ya, “Aa bilaꞌ! In atkayan, esa-esa ga ipanalangin mi aku duꞌun it Ampuꞌan, isaꞌun ega mabut it aken i panriga ngaytu nga inaat mi!”

1 Corinto 14:4

Iyan magkaꞌampang ngaytu it belag-belag nga ampang, sadili yang pamayaꞌ i pagpaksegen ya, temed iyan pagpanakman ngaytu it ipagpaꞌrut it Ampuꞌang Diyus duꞌut kadakel, pagpaksegen ya i muꞌsang kaꞌibaan ya nga magpamayaꞌ.

Hebreo 1:1

Iyan timpu paꞌ it mga kagiyaringanan tami, iyan mga kusugiden it Ampuꞌang Diyus it kanira, ipiyaꞌampang yat mga prupitaꞌ kat belag-belag nga timpu baw belag-belag gasiꞌ nga pabetang-betang ya.

Hebreo 13:4

Kaꞌilangan gasiꞌ, ega kalabtaꞌen mi i pagꞌasawa ngaytu, in daꞌga galangen talaga. Sabap siguradu nga betanganan ya it ukuman i muꞌsa nga magpamakun kat taw nga ega asawa nira.

1 Juan 5:16

Itu paꞌ gasiꞌ i ireg ku nga iꞌaat it imyu. In beteꞌ maltegan muy esang sulsug mu kat pamayaꞌ nga nakabwat it kasalaꞌan nga mapasinsiya nagat Ampuꞌang Diyus, kaꞌilangan ipanalangin mu kanya, isaꞌun ildawan kanyat Ampuꞌang Diyus nga makaꞌuliꞌnang kemseg i pamayaꞌ ya. Temed may kalasit kasalaꞌan nga ega na pasinsiyaen it Ampuꞌang Diyus, kasalaꞌan nga ikataban it magbuwat kaytu duꞌun it panriga nga egay kaskedan. Iyan magbuwat it itu ngaytung kasalaꞌan, ega maꞌaat ku nga mapanalanginan.