Genesis 20:6 - Tagbanwa

⁶ Maat sit Ampuꞌang Diyus it kanya, “Talagang magkaꞌrutan ku nga daꞌka kukasalaꞌan. Aypaꞌ subuk piyuꞌgunan ta ikaw isaꞌun ega mariꞌe-riꞌeng mu kanya. Aku ngaytu i nagsabar it imu isaꞌun daꞌka magkasalaꞌan kat panleteg ku.

Genesis 20:6 Iomraidhean Croise

Genesis 26:11

Ta, egay beken, ipiyanugun-tugun ni Abimelec nga magꞌaat, “In siyu-siyuy sumalya it itung taw baw asawa ya ngayan, talagang egay pagduwa-duwa nga imatayen kanya.”

Genesis 3:3

Temed iyan esa ngayang asat tengaꞌ it kalulwakan ngaytu, iyan i ipiyagꞌaat it Ampuꞌang Diyus it amen nga ega salyaen namen it kumaꞌen. Maꞌunu baꞌ kaꞌnen na, maski sekel, daꞌkami semkel, ka kamataynen i panriga yat amen.”

Genesis 31:24

Iting delem nga pagꞌeyag ngayti naꞌbutan na nira, piyatagaynep it Ampuꞌang Diyus si Laban ngayti nga taga Aram, nga magꞌaat, “Ayaw ka it kasalya mampang it inu-inu u ega magayen asat ki Jacob.”

Genesis 31:7

Temed lamang kaꞌustuꞌan i pagsirbi ku, paglukuun ya ga lamang aku. Ka pirmi kanya nga magꞌugad-ugad it upakat namen. Temed subung nat paꞌaaten ku ngayan nga daꞌku naga pagpabaya-bayaꞌan it Ampuꞌang Diyus nga pakuriꞌan it amaꞌ mi i ginawa ku.

Genesis 35:5

Bawnga napanaw na sira. Kat pabetang-betang it Ampuꞌang Diyus, nga magtatarima it ki Jacob ngayti, mga taw nga duꞌut katepad nira nga rugar, masyaduy iꞌlam nira it kana Jacob. Aypaꞌ daꞌgay nakaꞌurum tumundug nga muwat it ega magayen it kana Jacob ngayting nagliꞌid.

Genesis 39:9

Subung nat nagsubung nay kataꞌas namen. Ega nay ipagꞌimet ya it aken, puyrat imu ngaytu nga asawa ya. Ta unuka buwaten kuy pagleltegan ku nang maraꞌway baw kasalaꞌan na kat Ampuꞌang Diyus?”

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”

1 Corinto 7:1

Ta, itu nay mga ipagtubag ku it mga isiyurat mi nga ingkut. Maat mi, maski nagꞌasawa subuk magayen in ega riꞌnge-riꞌngen it lalaki i bilug it babay.

2 Corinto 6:17

Maat siꞌ it Ampuꞌang Diyus, “Aypaꞌ ka paꞌalaid kamu nat karaꞌe-raꞌetan it mga taw ngayti. Pablagan mi na sira. Talagang ayaw kamut paꞌuyu-uyut it mga pagbuwaten nirang maraꞌway kat panleteg ku. Iyan, yan i ikatanggap ku it imyu.

2 Tesalonica 2:11

Ta it ega tiyanggap nira i kamatuudan ngaytu, may ipapanaw it Ampuꞌang Diyus nga ega basta-bastang paneꞌag-teꞌag isaꞌun pakimatuud sira it kaꞌambutan.

2 Tesalonica 2:7

Sabagay maski kayti ngaytu, sigi pay buwat ni Satanas, nga pagpaꞌulu-uluwan yay katataawan nga muwat it kasutilan. Temed tagu-taguꞌ paꞌ, ka yanayan, may magbaer naga, aypaꞌ ka seked it ega paꞌ awaꞌen i magbaer ngaytu, ega paꞌ mandungwat i taw ngayan nga Gimpuꞌun it Kasutilan.