Genesis 20:3 - Tagbanwa

³ Temed pagdelem piyatagaynep it Ampuꞌang Diyus i adiꞌ ngayting si Abimelec. Magpaꞌa-paꞌaat, “Sabap it binwat mu ngaytu, siguradung matay ka, ka magꞌaꞌasawa yan i babay ngayan nga ipiyapisiꞌ mu.”

Genesis 20:3 Iomraidhean Croise

Genesis 12:17

Temed paribasay ipiyapisiꞌ it adiꞌ si Sarai nga asawa ni Abram ka tanud ya nagsulsug lamang nga matuud, piyaꞌabutan it AMPUꞌANG DIYUS it sarut i pamalay-balay it adiꞌ ngayti, maꞌget baw belag nga panarut.

Genesis 12:18

Iyan atnakayti, ipiyatawag it adiꞌ ngayti si Abram. Pagꞌabut ya, maat it adiꞌ ngayti, “Unuka atkaytuy binwat mut aken? Unuka ega isiyugid mut aken nga itu palan, asawa mu i itung babay?

Genesis 20:7

Kayti nga lagi, iꞌuliꞌ mu kanya duꞌun it asawa ya. Prupitaꞌ yan i asawa ya ngayan, aypaꞌ kapanalangin kanya isaꞌun daꞌka naga matay. Takaꞌ in ega iꞌuliꞌ mu, yay matuud, ega lamang ikaw i matay, in daꞌga pati kadakel situt seled it pamalay-balay mu.”

Genesis 28:12

Pagkaꞌigaꞌ ya, nanagaynep. Tagaynep ya, magleteg kanya it agdan nga magtetengkad duꞌut lugtaꞌ, magꞌaꞌabut duꞌut langit. Duꞌut agdan ngayti mapyat lumampud i mga anghil it Ampuꞌang Diyus.

Genesis 31:24

Iting delem nga pagꞌeyag ngayti naꞌbutan na nira, piyatagaynep it Ampuꞌang Diyus si Laban ngayti nga taga Aram, nga magꞌaat, “Ayaw ka it kasalya mampang it inu-inu u ega magayen asat ki Jacob.”

Genesis 37:5

Kaꞌsa nanagaynep si Jose ngayti. Temed unupat pagtuturan yat tagaynep ya ngayti, miyereꞌeret nay binsir it mga sulsug ya ngaytit kanya.

Genesis 37:9

Daꞌga, nanagaynep naga si Jose it sumaꞌup bawnga itiyuturan ya naga duꞌut mga sulsug ya. “Pagnegan mi siꞌ ka nanagaynep aku sit sumaꞌup,” maat ya. “Magpaꞌa-paꞌaat bay tiyagaynep ku siꞌ, naltegan ku maat nga nanluud i aldaw, bulan baw sang puluꞌ may esang bituꞌun. Nanluud sirang muꞌsa it aken.”

Genesis 40:5

Ta kaꞌsang delem, namagpanagaynep i mga pagpipirisuun ngayting manigpamaalaꞌ it pagꞌimnun it adiꞌ baw pagbayaꞌen it mga manigbuwat it tinapay ya. Nanganya-kanya sirat tiyagaynep, lamang nagsagpun it delem i pagpanagaynep nira ngayti. Ega naga nagsubung i kaꞌulugan it tiyagaynep nira.

Genesis 40:8

Katubag sira, maat nira, “Namagpanagaynep kami baytu, temed egay magkasugid it amen it kaꞌulugan it mga tagaynep namen ngayti.” “Daꞌga baꞌ, Ampuꞌang Diyus lamang i magkapaꞌyag it kaꞌulugan it mga tagaynep?” maat ni Jose ngayti. “Ta, unu yay tiyagaynep mi ngayan?”

Genesis 46:2

Pagdelem, piyakisugi-sugidan kanya it Ampuꞌang Diyus nga subuk tiyagaynep ya. Miyampang, nga magꞌaat, “Jacob, Jacob!” “Wayni aku,” maat i tubag ya.

Mateo 1:20

Iyan pagpikiren na ni Jose i iti ngayti, nga in unuy magayeng buwaten ya, nanagaynep kanya, nga sakaling may miyabut nga anghil it Ampuꞌang Diyus. Magpaꞌa-paꞌaat it kanya, “Jose, nga tungtung-inapuꞌ ni David, ayaw kat pasurut. Tabusun muy pangasawa mut ki Maria. Ka iyan pagdarugmatiꞌen ya ngayan, kat keseg yan it Espiritu Santo.

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”