Genesis 20:2 - Tagbanwa

² Iyan duꞌun na kanyat Gerar ngayti, panugid ya it mga taga duꞌun, sulsug ya si Sara ngayti. Aypaꞌ it atkayti i panugid ya, ipiyapisiꞌ it adiꞌ ngaytit Gerar si Sara ka idungag ya it mga pagꞌasa-asawaen yang kabababayan.

Genesis 20:2 Iomraidhean Croise

Genesis 12:15

Naltegan gasiꞌ si Sarai it mga katimbang it adiꞌ it Egipto ngayti. Unupat ipiyagsugid nira duꞌut adiꞌ ngayti. Talagang pagtuꞌgudun nirang kadaraga. Pagkagneg it adiꞌ ngayti, ipiyapisiꞌ yang lagi ka idungag yat mga pagꞌasa-asawaen yang kabababayan.

Genesis 20:12

Temed iyan talagay kamatuudan, daꞌkami nagaytu nagꞌugaling nga mga taw, ka sulsug kuytu kat amaꞌ. Inaꞌ lamang i piyagbelagan namen ka daꞌkami nagsagpun it inaꞌ. Baw ta nakapagꞌasawa kami.

Genesis 26:1

Miyabut siꞌ i subuk miyabut it egen paꞌ si Abraham nga getem. Gintem siꞌ i Canaan, aypaꞌ duꞌut Gerar i napaꞌugadan ni Isaac, nga sakep it adiꞌ nga si Abimelec, nga adiꞌ it mga Filisteo.

Genesis 26:16

Iyan atnakayti, maat ni Abimelec it ki Isaac, “Magayen siguru, magliꞌid ka na situt tepad namen ka ikaw, makseg paꞌ it amen.”

Genesis 26:7

Bawnga in ingkutun it mga taw duꞌun in unu ni Isaac si Rebeca ngayti, panugid ya sulsug ya, ka magꞌiꞌlam kanya. Sabap kat nake-nakem ya, “Barang in aaten ku nga asawa ku kanya, imatayen nira aku isaꞌun maꞌagaw si Rebeca ngaytu, ka daraga ngaytu nga babay.”

Efeso 4:25

Ta, it atkayti na, magayen indiꞌan mi nay sugi-sugid nga egay matuud ya. Kaꞌilangan, muꞌsang ipagsugid ta kat maꞌiba ta, purus kamatuudan. Ka daꞌga baꞌ magkakabit tami nga muꞌsa kat sang kabilu-bilugan?

Colosas 3:9

Kamung mga namayaꞌ na, ega na ambutan mi i masigkataw mi. Ka in ipasbung tat pakayan, limbas mi na i singkadan mi nga karaꞌe-raꞌetan it tagnaꞌ.