Genesis 20:1 - Tagbanwa

¹ Ega naꞌlay, nagpaꞌugad siꞌ si Abraham ngayti. Naꞌaduꞌun siꞌ kanya it Negeb. Tiyaꞌidan yang rugar, duꞌun it piyagtengaꞌan it Cades baw Shur. Bawnga ministar kanya duꞌun it Gerar.

Genesis 20:1 Iomraidhean Croise

Genesis 12:9

Takaꞌ ega naga nagtinir si Abram duꞌun, nagpaꞌugad naga. Magpakayaꞌmat manggid it paꞌaduꞌun it rugar nga pagpangaranat Negeb.

Genesis 13:1

Liminꞌid na duꞌun it Egipto na Abram, duwa magꞌasawa. Taban niray muꞌsang kusas nira baw kaꞌibaan nira naga si Lot ngayti. Namagꞌuliꞌ na duꞌut Negeb, nga esang rugar duꞌut Canaan.

Genesis 16:1

Si Sarai ngayting asawa ni Abram, talagang ega magꞌanak nga babay. May esang uripen ya nga babay nga taga Egipto, pagpangaranat ki Agar.

Genesis 16:14

Aypaꞌ ka napangaranan it mga taw it iting tabud, Beer-lahai-roi, nga ireg sugiden, tabud it kanya nga egen it egay kaskedan, nga maglelteg it aken. Itiꞌen ngayting tabud, duꞌun nagat piyagtengaꞌan it Cades baw Bered.

Genesis 16:7

Nagpakikita it ki Agar i Anghil it AMPUꞌANG DIYUS duꞌut esang tumbud it danum nga duꞌun it kapupuyangtan nga rugar. Iti i tumbud nga duꞌut dalan nga magpaꞌaduꞌut Shur.

Genesis 18:1

Saꞌup siꞌ nga pakikita it AMPUꞌANG DIYUS it ki Abraham, duꞌun it pagbabalayan ngayti na Abraham nga duꞌut kakakayuwan ni Mamre, kaꞌsang magꞌaꞌdung si Abraham duꞌun it salakwatan it balay ya ngayting magkapuru-purun. Magpaderes-deres kanya ka masgay aldaw.

Genesis 24:62

Kat iting timpu duꞌun si Isaac it Negeb, ka baꞌgu nga nakaꞌuliꞌ garing duꞌun it Beer-lahai-roi.

Genesis 26:1

Miyabut siꞌ i subuk miyabut it egen paꞌ si Abraham nga getem. Gintem siꞌ i Canaan, aypaꞌ duꞌut Gerar i napaꞌugadan ni Isaac, nga sakep it adiꞌ nga si Abimelec, nga adiꞌ it mga Filisteo.

Genesis 26:20

Temed pagpakidaꞌgan siꞌ it mga datiyang taga Gerar nga manigꞌeper it ayep i ki Isaac ngayting manigꞌeper. Maat nira, “Amen bay danum ngaytu, ega imyu!” Aypaꞌ piyangaranan ni Isaac i iting tabud it Esek, nga ireg sugiden, pagpakidaꞌgan.

Genesis 26:26

Iyan duꞌun na ngayti si Isaac, naꞌaduꞌun it kanya i adiꞌ nga si Abimelec, garing duꞌut Gerar. Mga kaꞌibaan ni Abimelec ngayti, iba-iba ya nga si Ahuzat baw si Picol naga ngayting piyakapagbayaꞌen it sundaluꞌ ya.

Genesis 26:6

Aypaꞌ duꞌun nay tiyaꞌidan ni Isaac it Gerar ngayti.

Exodo 15:22

Ega na naꞌlay, tiyaban na ni Moises i mga Israelita ngayti garing duꞌun it pagpangaranan ngaytit Madarag nga Dagat, naꞌaduꞌun i pamanaw nira it rugar nga kapupuyangtan nga duꞌut Shur. Tulung aldaw nay piyanawan nira, egay magkapsagan nira nga danum.

Mga Bilang 13:26

Pagꞌabut it mga piyasunda ngayti, miyadap sirat ki Moises, si Aaron baw kadakel ngaytit kaꞌibaan nira nga mga Israelita nga duꞌun pat Cades, nga sakep it Paran. Itiyuturan nira nga muꞌsa duꞌut kadakel ngayti i kumpur naltegan nira, baw ipiyalteg na niray buwaꞌ it mga luwak baw kayu ngayti nga taban nira.

1 Samuel 15:7

Pagkalꞌid it mga Cineo ngayti, ta yapay siyulung na niray mga Amalecita. Piyakibunuꞌan niray mga Amalecita ngayti garing duꞌun it Avila miyabut duꞌun it Sur, kat lebatang ayun it Egipto.