Genesis 2:4 - Tagbanwa

⁴ Ta, ituy kamatuudan pasar it langit baw banwa, iyan baꞌgu sirang giyuna it AMPUꞌANG DIYUS. Tagna-tagnaꞌ paꞌ, iyan giyuna it AMPUꞌANG DIYUS i langit baw banwa,

Genesis 2:4 Iomraidhean Croise

Genesis 1:1

Puꞌun-puꞌun it langit baw banwa, giyuna it Ampuꞌang Diyus.

Genesis 1:28

Pagkabwat ya it kanira, piyatdekan ya sit ampang ya nga may guna, nga magꞌaat, “Magꞌanak-anak kamu isaꞌun dumakel, isaꞌun magtaawan i kalayawan it banwa, baw sakpen mi i muꞌsang banwa. Ibgay ku it imyu i pudir kat muꞌsang giyuna ku, nga subuk sedaꞌ, manu-manuk baw muꞌsang ramu-ramu nga kat banwa.

Genesis 1:3

Bawnga miyampang i Ampuꞌang Diyus nga maat ya, “Ireg ku may eyag na.” Egay beken, sakaling may eyag na.

Genesis 1:31

Lintegan it Ampuꞌang Diyus i muꞌsa ngayti nga giyuna ya. Baw talagang kat panleteg ya, magayen nga banar i muꞌsa. Iti i ikaꞌnem nga aldaw. Diminlem siꞌ baw miyaldaw.

Genesis 1:4

Naltegan it Ampuꞌang Diyus nga magayen i eyag ngayting giyuna ya. Egay beken, biyagiꞌ ya i timpu it madlem baw maꞌyag.

Genesis 2:3

Ipiyabetang it Ampuꞌang Diyus i ikapitu ngayting aldaw nga maꞌal baw mataꞌas pat beken nga mga aldaw, sabap it pagkaꞌbut it ikapitung aldaw, nakumplitu ya nay muꞌsang mga kugunaen ya.

Genesis 25:19

Itu nay katuturanan pasar it ki Isaac, nga anak ni Abraham.

Genesis 5:1

Itu na ngaytu i paꞌyag pasar it mga kaꞌanak-anakan ni Adan. Iyan giyuna it Ampuꞌang Diyus na Adan, pamwat ya, magꞌagen-agen it kaladawan ya.

1 Mga Adiꞌ 18:39

Pagkalteg it kadakel ngayti, namagkeleb sira baw namagpanggagaꞌuy nga magꞌaat, “AMPUꞌANG DIYUS talaga i Diyus! AMPUꞌANG DIYUS lamang talagay Diyus!”

Mga Ipiyalteg 1:4

Aku nga si Juan i magsurat asat imyu, mga gurupu it mga magpamayaꞌ baw magsarig it Ampuꞌan kat pitung rugar nga sakep it Asia. Ipagpanalangin ku nga sana asat imyu nga pirmi i ildaw baw kaꞌimbengan it nakem nga ipagbegay it Diyus Amaꞌ, baw Ampuꞌan nga si Jesu-Cristo baw Espiritu Santo. Diyus Amaꞌ ngaytu, egen it egay kaskedan, ka garing it tagnaꞌ paꞌ may kanya na, pati kayti baw seked it kaꞌnu-kaꞌnu may kanya ga lamang. Baw Espiritu Santo ngaytu, tuluꞌ tu kanya it Ampuꞌang Diyus ngayting magꞌaꞌdung duꞌun it araꞌdungan ya kat pagkaꞌadiꞌ.

Mga Ipiyalteg 1:8

Maat it Ampuꞌang Diyus, “Akuy uꞌna it muꞌsa baw aku naga i kat sinauryan. May aku naga garing it tagnaꞌ paꞌ, baw seked it kaꞌnu-kaꞌnu may aku paꞌ. Talagang egay kasbung it guna ku.”

Mga Ipiyalteg 11:17

Maat i inampang nira, “Mabantug nga Ampuꞌang Diyus nga landaw nga gunaan, garing it tagnaꞌ paꞌ may ikaw nga lagi, baw seked kayti ngaytu egay pagꞌugadan mu. Magpasalamat kami ka ipiyalteg mu i egay katupusan nga guna mu ka nagpapuꞌun ka na it magꞌadiꞌ.

Mga Ipiyalteg 16:5

Bawnga may nagnegan ku nga inaat it anghil nga manigpamaalaꞌ it mga danum, nga magꞌaat, “Ikaw i Ampuꞌang Diyus nga egen. Egen ka kayti baw kat katagnaꞌ-tagnaꞌan. Talagang mataldeng ka, baw purus mataldeng i binwat mu ngaytung pagꞌukuman.