Genesis 2:2 - Tagbanwa

² Iyan ikapitu nang aldaw, ega nay binwat it Ampuꞌang Diyus nga mga kugunaen ya ka nakumplitu ya nay muꞌsa, aypaꞌ nagpapaꞌna na kanya.

Genesis 2:2 Iomraidhean Croise

Genesis 1:31

Lintegan it Ampuꞌang Diyus i muꞌsa ngayti nga giyuna ya. Baw talagang kat panleteg ya, magayen nga banar i muꞌsa. Iti i ikaꞌnem nga aldaw. Diminlem siꞌ baw miyaldaw.

Genesis 2:3

Ipiyabetang it Ampuꞌang Diyus i ikapitu ngayting aldaw nga maꞌal baw mataꞌas pat beken nga mga aldaw, sabap it pagkaꞌbut it ikapitung aldaw, nakumplitu ya nay muꞌsang mga kugunaen ya.

Isaias 58:13

Maat pay paꞌugdun it AMPUꞌANG DIYUS, “Kaꞌilangan nga ega kuntraꞌen mi i ipiyagꞌurdin ku pasar it Aldaw it Kapaꞌnaan, nga ega na sadili mi nga kaꞌirgan i buwaten mi kat aldaw ngaytu nga ipagpabetang ku nga ega basta-basta. In daꞌga, maꞌalen baw galangen mi i itung aldaw, nga papaꞌna kamu daꞌan kat sadili mi nga mga panaw baw panulus, baw ayaw kamut ampang it egay kakapulusan.

Juan 5:17

Ta it atkayti, inaat sira ni Jesus, “Iyan Amaꞌ ku, sigi nga buwat nga pangildaw. Ta atkayan naga i aken.”

Hebreo 4:10

In siyu-siyuy nakaꞌuyut na kat itung kapaꞌnaan, magpaꞌna na kat sadili ya nga buwat, subung nagat Ampuꞌang Diyus nga, pagkaguna yat muꞌsa, nagpapaꞌna na.

Hebreo 4:4

Sabap magbebtang gasiꞌ duꞌun it sang bagiꞌ nga kasuratan it tagnaꞌ i pasar it ikapitung aldaw. Ka maat, kat ikapitung aldaw, nagpapaꞌna i Ampuꞌang Diyus kat muꞌsang mga paggunaen ya ka nakumplitu ya nay muꞌsa.