Genesis 19:9 - Tagbanwa

⁹ Temed simnigraꞌ gay ampang nira. Maat nira, “Asan! Magpedek kat ampang-ampang! Ikaw nga dayuꞌan, namanwa ka lamang situt amen, bawnga kayti, pagꞌukumanan mu na kami! Kayti, subraꞌ nga maraꞌe-raꞌet i buwaten namen it imu, subraꞌ paꞌ it kanira.” Pagkaꞌampang nira kayti, isiyuꞌmud-suꞌmud na nira si Lot. Inlep na niray talaꞌep ka ranggaꞌen na.

Genesis 19:9 Iomraidhean Croise

Genesis 11:6

Pagkalteg ya, maat ya, “Mga taw ngaytu, magkakayaan niray itung kabubwalan nira sabap esa-esay ampang nira baw urunyun sirang muꞌsa. Ta, it atkayan, daꞌga subraꞌ na sikaytu i makayaan nira nga kabubwalan, nga ega na mapaaran sira it kumpur kubwaten nira?

Genesis 13:12

Pagbelag nira, ki Abram, duꞌun nay tiyaꞌidan yat Canaan ngayti. Si Lot, duꞌun nat malayaw ngayting daranasan nga napiliꞌ ya. Adeꞌdeng it siyudad it Sodoma i tiyakenaꞌan ya, nga piyakabratan yat mga magkapuru-purun nga balay ya.

Exodo 2:14

“Bilaꞌ, siyuy nagpatindeg it imu nga pagbayaꞌen baw manigꞌukuman it amen? Siguru kuꞌimatayen mu gasiꞌ aku subung it binwat mu ngayan katꞌapun it taga Egipto ngayti!” maat i tubag it kanya it sang kataawan. Miniꞌlam si Moises, pagkagneg ya kayti. “Aaꞌ, iyan palan,” kat nake-nakem ya, “nataksiꞌan naga i binwat ku ngayan it taga Egipto.”

Mateo 7:6

Bawnga ipiyanulduꞌ ni Jesus nga ega tegelan it tumulduꞌ i mga taw nga magtibabaꞌ it ampang it Ampuꞌang Diyus, ka daꞌsira kupagneg. Maat ya, “Iyan ega ibgay mit mga keꞌdeng i bagay nga ega basta-basta, sabap pasaꞌliyan kamu lamang baw kagaten nira. Ega gasiꞌ isaꞌbug mi duꞌut adapan it mga beyeꞌ i mga kararasan nga marerga nga baliꞌeg mi, sabap tegday-tegdayan nira lamang yan i mga iyan ngayan.”

1 Samuel 17:44

Maat pay beken nga inampang ni Goliat ngayti, “Dumaliꞌ ka na sini, isaꞌun makapakaꞌen ku ikaw it mga manu-manuk baw mga ramu-ramu.”