Genesis 19:8 - Tagbanwa

⁸ In mapakay kamu, yanay paliꞌwanen ku situt imyu, duwang anak ku nga babay nga ega paꞌ naglabay it lalaki. Buwaten mi lamang in unuy kaꞌirgan mi nga buwaten it kanira. Temed, duwa ngaytung kataawan nga miyabut situt aken, pagꞌangutun kut imyung muꞌsa nga ega buwaten mit maraꞌe-raꞌet ka kat seled sirat pamalay-balay ku, aypaꞌ akuy baalaꞌ it kabetangan nira.”

Genesis 19:8 Iomraidhean Croise

Genesis 18:5

Pasimpan aku beken it maski unu mana nga makaꞌen. Magayen ku parabir kamu mapanaw makakaꞌen kamut ikseg it ginawa. Ega naga yan makasasaw it amen. Masagya aku nga makapagsirbi it imyu.” “Eeꞌ,” maat i tubag it tulu ngayti, “unuka ega mapakay?”

Genesis 19:7

Bawnga miyampang kanya. Maat ya, “Esa-esa ga, in mapakay it imyung muꞌsa, pagneg kamu it aken. Ayaw kamut buwat it atkaytung karaꞌe-raꞌetan.

Genesis 42:37

“Amaꞌ,” maat ni Ruben, “yay matuud, in ega na mapabayaꞌ kut muliꞌ situt imu si Benjamin, imatayen mu nay duwa ngayang anak ku! Isarig mu nat aken si Benjamin ngaytu. Siguradung pagꞌuliꞌ ku, magbabayaꞌ naga kanya.”

Exodo 32:22

Katubag si Aaron, maat ya, “Ayaw ka daꞌat iseg it aken, Agalen ku, ka urut mu nay adat it itung mga taw. Talagang marway sira muwat it karaꞌe-raꞌetan.

Isaias 58:7

Iyan mga paggetmanan, pakaꞌnen mi. Iyan mga egay pagtataꞌidan, pataꞌiden mi asat balay mi. Iyan mga taw nga lebas na, papakayan mi. Ega daꞌgaen mi i mga kabilug mi nga magpadangep asat imyu.

Marcos 9:6

Ega na napikir ni Pedro i inampang ya ngayti sabap ereꞌeret talagay iꞌlam ya, atnagay kat mga kaꞌibaan ya ngayti.

Roma 3:8

Maat nira, in kat ikabantug nagat Ampuꞌang Diyus i liꞌwan it karaꞌe-raꞌetan nga pagbuwaten it taw, sumari ta na lamang it buwat it karaꞌe-raꞌetan! Iyan beken, mamagpanranggaꞌ it aken ka ipagpaliꞌwan nira nga itu nagay ipagpanulduꞌ ku. Temed ega. Talagang, sira ngaytu, egay pagduwa-duwa nga rigaen sirat Ampuꞌang Diyus ka yay bagay it kanira.