Genesis 19:5 - Tagbanwa

⁵ Piyataꞌwagan nira si Lot. Maat nira, “Ariyen nay duwang kataawan ngayang mga lalaki nga miyabut situt imyu kagayna? Paliꞌwanen mu sira sinit amen isaꞌun mabarakuꞌ namen.”

Genesis 19:5 Iomraidhean Croise

Genesis 19:6

Binwat ni Lot, nanliꞌwan ka pakirunding duꞌut kanira. Pagkaliꞌwan ya, isiniradu ya nagay talaꞌep.

1 Mga Adiꞌ 14:24

Puyra paꞌ it iti ngayti, duꞌut mga papagsambaan nira ngayti may mga taw nga, katengdanan nira, magpagamit it bilug nira kat in siyu-siyuy magsamba duꞌun. Lalaki paꞌ maka i mga magpagamit ngayti. Talagang giyuru na nira i karaꞌe-raꞌetan it mga bangsa nga piyuuꞌ it AMPUꞌANG DIYUS, iyan pagꞌabut it mga Israelita ngayti duꞌun.

1 Mga Adiꞌ 22:46

Temed iyan naꞌped nga mga lalaki nga manigpagamit it bilug nira kat siyu-siyu nga magsamba nga duꞌun it Juda ngayti, nga ega piyangimugaw it amaꞌ ya, piyangimugaw ya na.

Isaias 1:9

In daꞌga lamang piyaꞌpedan tami naga it AMPUꞌANG DIYUS nga landaw nga gunaan it sang dekeyeꞌ nga kabagiꞌan it bangsa ta, makabetang ta na talaga it subuk mga banwa ngayti nga Sodoma baw Gomorra nga piyuuꞌ.

1 Corinto 6:9

Unu ega paꞌ magkaꞌrutan mi nga iyan mga ega magpangindiꞌ it kasalaꞌan nira, talagang egay maski unu nga kabagiꞌan duꞌun it kaꞌadiꞌan it Ampuꞌang Diyus? Ega ambutan mi i sadili mi. Ka iyan mga mapiyamakun duꞌun it ega asawa nira, mga magsirbi it pagbete-beteꞌen nga diyus, mga magbungad it atay it nagꞌasawa, iyan mga magpasbung it babay takaꞌ lalaki naga, baw mamagꞌuꞌunay nay nagsubung nga lalaki, ega talagay kabagiꞌan nira duꞌun it kaꞌadiꞌan it Ampuꞌang Diyus.

1 Timoteo 1:10

mga mapiyamakun kat ega asawa nira, mga mamagbuwat it maraꞌway kat subung nga lalaki baw subung nga babay, mga mamagdakep it taw ka uripnen, mga maꞌaꞌambut pati mga magpanistigu it kaꞌambutan, baw in unu pay beken nga kuntraꞌ kat tamaꞌ nga pangadal.

2 Timoteo 3:13

Ka iyan maraꞌe-raꞌet ngayan nga adat it taw nga maꞌakal, meget nayan it rumaꞌe-raꞌet, nga sumari na sira it paneꞌag-teꞌag it masigkataw nira, baw ta, unupat sira mismu, pagteꞌag-teꞌagen naga.

2 Pedro 2:2

Dakel i kaꞌibaan mi nga magpamayaꞌ nga gumuru it mararaꞌway nga pagbuwaten nira. Aypaꞌ, sabap it buwat nira nga atkaytu, masudi-sudi talaga it mga ega namayaꞌ i ipagpangadal nga kamatuudan pasar it Ampuꞌan.

2 Pedro 2:7

Temed ipiyagribri ya naga si Lot nga mataldeng kat panleteg ya. Ka masakit nga banar nga magkasmekan ni Lot ngayti i karaꞌe-raꞌetan it mga karugar ya ngayting taga Sodoma, nga magsarit sumbayaꞌ it kaꞌiꞌirgan nga maraꞌe-raꞌet it egay maski unu nga pagsupil it sadili.

Judas 1:7

Dedemdemen mi naga gasiꞌ i nabetangan it mga taga Sodoma baw Gomorra baw mga katepadan nira nga mga lansangan, ka nagkasalaꞌan sira subung it mga anghil ngayti. Sabap nagpaꞌubas sira nang nagpaꞌubas it pamakun duꞌun it ega asawa nira, baw subraꞌ na nga maraꞌway na nga daꞌna ipiyagbanwa. Mga lansangan ngayti pati mga taga duꞌun, inanteng nga muꞌsa ka yay panriga it kanira. Ta iti ngayti, bilang sabar it aten, ka ladawan tu it apuy nga daꞌgay kapugdawan ya, nga siguradung panriga nga abutun it mga makasalaꞌan.