Genesis 19:3 - Tagbanwa

³ Temed talagang ega magkabaraꞌan si Lot. Riyeges ya sirang riyeges. Aypaꞌ namagbayaꞌ na lamang i duwa ngaytit ki Lot. Pagꞌabut duꞌut balay, tiyarakanan sirat pangaꞌen nga may uyut nga tinapay nga egay ipagpaꞌalsa.

Genesis 19:3 Iomraidhean Croise

Genesis 19:2

Bawnga maat ya, “In mapakay it imyu nga mga agalen ku, patuluy kamu daꞌan duꞌut amen. Mangugas kamu it mga aꞌay mi baw ta, duꞌun na gasiꞌ bayan it amen i igaꞌan mi. Aldaw mana siꞌ i ipanaw mi.” “Ayaw kat pasasaw,” maat nira. “Situ kami lamang it liꞌwan paꞌaldaw.”

Genesis 21:8

Iyan dakulaꞌ na i waꞌwaꞌ nga binlag na it duduꞌ, aldaw nga pagbelag it ki Isaac it duduꞌ, dakulaꞌ nga pagkaraꞌnen i ipiyaꞌitsu ni Abraham.

Genesis 24:31

Pagꞌabut ni Laban, maat ya, “Lumangbus ka na duꞌut amen, ikaw nga pagꞌildawan it AMPUꞌANG DIYUS. Unuka maat paradak it may balay nga mapaꞌabutan? Naꞌayus ku nay igaꞌan mi baw paꞌigaꞌan mit mga kamelyo mi ngayan.”

Genesis 26:30

Aypaꞌ nagsimpan na Isaac ngayti it dakulang pangaꞌen ka nagkaraꞌnen baw nagꞌinum sira.

Exodo 12:15

Inaat paꞌ it AMPUꞌANG DIYUS, “Seledat pitung aldaw, yanay pagkaꞌnen mi, tinapay nga egay ipagpaꞌalsa. Aypaꞌ kat uꞌnang aldaw, awaꞌen mi i muꞌsang ipagpaꞌalsa duꞌut mga balay mi. Ka in siyuy kumaꞌen it may ipagpaꞌalsa it seledat pitu ngaytung aldaw, ipabetang kanya nga ega na Israelita.

Lucas 11:8

Matuud tu talagay iꞌaat ku ngaytu, nga maski ega na magꞌireg kanya magbangun in sabap it pagꞌiba-iba nira, takaꞌ sabap it talagang magpaꞌungaꞌ-ungaꞌ na i magꞌangut ngayti, aypaꞌ ka magbangun nagay iba-iba ya, ka begayan naga kanya it pagꞌengden ya ngayti.

Lucas 14:23

‘Ta sigi,’ maat it agalen ya ngayti, ‘paꞌaduꞌun kat mga dalan kat liꞌwan it siyudad baw duꞌun it mga kumbu-kumbuꞌ it mga kaꞌildaw-ildaw. Regesen mu nay mga taw nga, maski magpangangaliꞌ sira, temed paꞌasitu naga isaꞌun mapnuꞌ i balay ku ngaytu.’

Lucas 5:29

Ega naꞌlay, nagpaꞌitsu si Levi it dakulaꞌ nga pagkaraꞌnen duꞌut balay ya, nga istimar yat ki Jesus ngayti. Dakel i nanragiꞌ nga kaꞌibaan yang manigpabayad it barayadan baw beken paꞌ nga mga taw. Sang siraan na na Jesus i mamagkaraꞌnen.

Juan 12:2

May binwat duꞌun nga pagkaraꞌnen, nga si Jesus i paggalangen. Magpanarakan si Marta ngayti, ki Lazaro esat mga kaꞌibaan ni Jesus it magkaꞌen.

1 Corinto 5:8

Aypaꞌ ka paꞌuyut tami gasiꞌ i aten kat pagtuman it Pistaꞌ ngaytu. Binwat it mga Judio it tagnaꞌ, inawaꞌ nira kat balay nira i muꞌsang ipagpaꞌalsa it tinapay, nga yay bilang ladawan it kasalaꞌan kat pangaꞌgenan nira. Ta atkayan naga, awaꞌen ta na kat pangaꞌgenan tami i muꞌsang karaꞌe-raꞌetan baw maraꞌway nga pagbuwaten. Baw yanay magayen nga adaten tami, tingleden i nakem kat pagsunud tat kamatuudan nga garing duꞌut Ampuꞌang Diyus.

2 Corinto 5:14

Talagang kat muꞌsang pagbuwaten namen, yay magdadaꞌeg kat nakem namen, iyan nga kadakulat raras ni Cristo it aten. Ka in sangbat nga taw, natay nga biyatuꞌan yay muꞌsang taw, aypaꞌ kamataynen ya ngayti, ipagpabetang na nga kamataynen it puꞌsa.

Hebreo 13:2

Ega mi lipa-lipaten nga pagpaꞌapyaten mi kat balay mi i taga belag nga rugar. Ka may nakabwat naytu it atkaytu, ta palan mga anghil i napaꞌapyat nira.

Mga Pagbayaꞌen 6:19

Napanaw na si Gedeon, nagꞌimatay kanya it uꞌuybun it kambing bawnga inilutuꞌ ya. Sang iꞌilutuꞌan gasiꞌ i arina nga inilutuꞌ ya nga egay ipagpaꞌalsa. Pagkalutuꞌ, ibintang ya na duꞌut baꞌay, baw sabaw, ibintang ya duꞌun it sang kakurunan. Ipiyaꞌadap ya na duꞌun it Anghil ngaytit AMPUꞌANG DIYUS nga duꞌun it siꞌrung it encina.