Genesis 19:12 - Tagbanwa

¹² Miningkut i duwa ngayti it ki Lot, maat nira, “Unu, may beken nga mga kaduguꞌan mu situt siyudad ngaytu, mga anak, miyagad u kaduguꞌan nga beken? Kayting lagi, limꞌid kamu situt Sodoma ngaytu!

Genesis 19:12 Iomraidhean Croise

Genesis 19:11

Bawnga ipiyabaraꞌ it duwa ngayting mga anghil nga, mga taw ngayting mamagliliput baw kuranggaꞌ na ngaytit talaꞌep, ega na magkakilalaan nira i magkaltegan seked naskedan it tulus i muꞌsa ngayti in ari nay salakwatan. Ega na magkaparagan nira.

Genesis 19:13

Sabap talagang ranggaꞌen namen nay itung rugar. Ka miyabut duꞌun it AMPUꞌANG DIYUS i bilang pangabang sabap it kadakulat karaꞌe-raꞌetan nga pagsariyet buwat it taga situ nga mga taw, aypaꞌ kami, piyapaꞌasitu ya ka ipagparanggaꞌ it amen i rugar ngaytu.”

Genesis 19:14

Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.

Genesis 19:17

Iyan duꞌun na sirat liꞌwan, inaat na sira it esa it mga anghil ngayti, “Ala, malagyu kamu na isaꞌun maribri mi i ginawa mi. Ayaw kamut linga-lingaw baw ayaw kamut pagpaꞌna in situ kamu pat daranasan ngaytu. Duꞌun i abutun mi it mga kabubukidan ngayti, ka barang kaꞌuyut kamu.”

Genesis 19:22

Dali-daliꞌen mi na. Malagyu kamu na duꞌun. Ega payay mabwat ku mintras daꞌkamu paꞌ nakaꞌbut duꞌun.” Zoar i ipiyangaran it iting lansangan.

Genesis 7:1

Iyan naꞌman na, inaat nat AMPUꞌANG DIYUS si Noe, “Manled kamu nang muꞌsa nga sang anakan asat sakayan ngayan, sabap kat muꞌsang taw asat sinirungat langit, ikaw lamang i mataldeng kat panleteg ku.

2 Pedro 2:7

Temed ipiyagribri ya naga si Lot nga mataldeng kat panleteg ya. Ka masakit nga banar nga magkasmekan ni Lot ngayti i karaꞌe-raꞌetan it mga karugar ya ngayting taga Sodoma, nga magsarit sumbayaꞌ it kaꞌiꞌirgan nga maraꞌe-raꞌet it egay maski unu nga pagsupil it sadili.

2 Pedro 2:9

Ta kat mga biyaraꞌan ngaytit tagnaꞌ paꞌ, daꞌga maꞌyag nga iyan Ampuꞌang Diyus, magkaꞌrut talaga rimibri it mga magpamayaꞌ it kanya kat mga kakuriꞌan nira. Baw talagang magkaꞌrut kanya gasiꞌ rimiga it mga mamagbuwat it karaꞌe-raꞌetan, mintras ipagꞌareg ya sira kat aldaw ngayti nga ipangukuman nga banar.

Mga Ipiyalteg 18:4

Bawnga may nagnegan ku siꞌ nga miyampang nga beken nga garing duꞌun it langit nga magꞌaat, “Paꞌalaid kamu asat kanya, mga taawan ku. Ayaw kamut paꞌuyu-uyut it mga kasalaꞌan ya ngayan, isaꞌun daꞌkamu makaꞌuyut it panriga it kanya.