Genesis 19:1 - Tagbanwa

¹ Apu-apun nang banar i ipiyagꞌabut duꞌut Sodoma it duwa ngayting taraꞌgen it AMPUꞌANG DIYUS nga mga anghil. Pagꞌabut nira, magꞌaꞌdung si Lot duꞌut puwirtaꞌan it siyudad ngayti. Pagkalteg yat kanira, timnindeg kanyang lagi ka simnusmu baw nanluud.

Genesis 19:1 Iomraidhean Croise

Genesis 11:27

May esang taw nga pagpangaranat ki Tare. Anak ni Tare ngaytu, si Abram, sumunud si Nacor bawnga si Haran. Manganak si Haran, lalaki. Pangaranan, si Lot.

Genesis 13:12

Pagbelag nira, ki Abram, duꞌun nay tiyaꞌidan yat Canaan ngayti. Si Lot, duꞌun nat malayaw ngayting daranasan nga napiliꞌ ya. Adeꞌdeng it siyudad it Sodoma i tiyakenaꞌan ya, nga piyakabratan yat mga magkapuru-purun nga balay ya.

Genesis 18:16

Iyan napanaw siꞌ i tulu ngayti nga kalalakiyan, ipiyagꞌuruꞌ sira ni Abraham. Kupanawan nirang ayun, duꞌut Sodoma.

Genesis 18:22

Magkatupus i iti nga ampang it AMPUꞌANG DIYUS, timneꞌyad kanya. Duwa ngayting kaꞌibaan ya, nandiritsu na. Ki Abraham, timneꞌyad na gasiꞌ.

Genesis 19:10

Temed duwa ngayting mga anghil, inabri nira i talaꞌep ka riyayak nira si Lot duꞌut seled. Pagkasled ni Lot, siniradu siꞌ nira.

Genesis 19:2

Bawnga maat ya, “In mapakay it imyu nga mga agalen ku, patuluy kamu daꞌan duꞌut amen. Mangugas kamu it mga aꞌay mi baw ta, duꞌun na gasiꞌ bayan it amen i igaꞌan mi. Aldaw mana siꞌ i ipanaw mi.” “Ayaw kat pasasaw,” maat nira. “Situ kami lamang it liꞌwan paꞌaldaw.”

Genesis 23:12

Nanluud siꞌ si Abraham it sumaꞌup duꞌut sarungaan it kadakel ngayti.

Lucas 17:28

Atkayan naga it timpu ni Lot nga ega gasiꞌ i tiya-tiyakap it mga taw duꞌun it Sodoma baw katepad ya nga mga lansangan. Sabap iyan mga taw, mamagkaraꞌnen-karaꞌnen baw mamagꞌinum-inum, mamagpangalang-alang baw mamagdagang-dagang, mamagpanluwa-luwak baw mamagpatindeg it mga balay.

Hebreo 13:2

Ega mi lipa-lipaten nga pagpaꞌapyaten mi kat balay mi i taga belag nga rugar. Ka may nakabwat naytu it atkaytu, ta palan mga anghil i napaꞌapyat nira.