Genesis 18:5 - Tagbanwa

⁵ Pasimpan aku beken it maski unu mana nga makaꞌen. Magayen ku parabir kamu mapanaw makakaꞌen kamut ikseg it ginawa. Ega naga yan makasasaw it amen. Masagya aku nga makapagsirbi it imyu.” “Eeꞌ,” maat i tubag it tulu ngayti, “unuka ega mapakay?”

Genesis 18:5 Iomraidhean Croise

Genesis 18:6

Dimnali-daliꞌ si Abraham it semled duꞌut balay nira ngayti ka nagpasimpan it ki Sara it pangaꞌen. Maat ya, “Dali-daliꞌen mu, misiꞌ kat balit sang puluꞌ baw limang kilu i pirmirang arina ka buwaten mung tinapay.”

Genesis 19:8

In mapakay kamu, yanay paliꞌwanen ku situt imyu, duwang anak ku nga babay nga ega paꞌ naglabay it lalaki. Buwaten mi lamang in unuy kaꞌirgan mi nga buwaten it kanira. Temed, duwa ngaytung kataawan nga miyabut situt aken, pagꞌangutun kut imyung muꞌsa nga ega buwaten mit maraꞌe-raꞌet ka kat seled sirat pamalay-balay ku, aypaꞌ akuy baalaꞌ it kabetangan nira.”

Genesis 33:10

“Aaꞌ, ega atkayan, Akaꞌ,” maat ni Jacob. “In talagang ega na maraꞌe-raꞌet i nakem mut aken, tanggapen mu i abut ku ngayan. Ka pagkalteg kut rupa mu, subung aku nat nakalteg it rupa it Ampuꞌang Diyus, sabap kat imu ngaytu nga magayeng pagtanggap it aken, yay naltegan ku, ladawan it ildaw it Ampuꞌang Diyus it aken.

1 Mga Adiꞌ 17:11

Desang maat mapanaw na kanya nga mamisit danum, maat siꞌ ni Elias, “In mapakay begayan mu gasiꞌ aku it maski dekeyeng pangaꞌen nga makaꞌen ku.”

Mateo 6:11

Pagꞌangutun namen gasiꞌ nga aldaw-aldaw begayan kami it magkakaꞌen namen.

Mga Pagbayaꞌen 6:18

In mapakay ayaw ka daꞌat liꞌid ka tarakanan ku ikaw it pangaꞌen nga panggalang kut imu.” “Eeꞌ, melat akut paꞌaaten mu ngayan,” maat it AMPUꞌANG DIYUS.

Mga Pagbayaꞌen 6:19

Napanaw na si Gedeon, nagꞌimatay kanya it uꞌuybun it kambing bawnga inilutuꞌ ya. Sang iꞌilutuꞌan gasiꞌ i arina nga inilutuꞌ ya nga egay ipagpaꞌalsa. Pagkalutuꞌ, ibintang ya na duꞌut baꞌay, baw sabaw, ibintang ya duꞌun it sang kakurunan. Ipiyaꞌadap ya na duꞌun it Anghil ngaytit AMPUꞌANG DIYUS nga duꞌun it siꞌrung it encina.