Genesis 17:8 - Tagbanwa

⁸ Talagang ibgay kut imu baw mga tungtung-inapuꞌ mu i mga rugar nga pagpanaw-panawan mu, muꞌsa ngaytung banwa nga Canaan, nga piyakakusas nira it seked maꞌlay nga banar. Baw talagang tarimaen ku sira, aku nga Ampuꞌang Diyus nira.”

Genesis 17:8 Iomraidhean Croise

Genesis 12:7

temed nagpakikita i AMPUꞌANG DIYUS it ki Abram baw maat ya, “Ibgay kut kaꞌanak-anakan mu i itung banwa.” Aypaꞌ binwat ni Abram duꞌun, nagpatindeg it esang papangantengan it ipagsamba duꞌun it AMPUꞌANG DIYUS nga nagpakikita it kanya.

Genesis 13:15

Sabap kat paꞌari-ari ngaytung ayun nga ipagpalawag kut imu, ibgay kuytung muꞌsa it imu, subliyen it anak-inapuꞌ mu seked it maꞌlay.

Genesis 13:17

Ta, panaw-panawan mu, letganan muy kalayaw baw kaꞌalaid, ka talagang ibgay ku it imu.”

Genesis 23:4

Maat ni Abraham, “Aku ngaytu, namanwa lamang situt imyu. Kayti paꞌalangen mi akut esang rugar nga malbengan kut asawa ku.”

Genesis 26:24

Pagꞌabut ya duꞌun, nagpakikita siꞌ it kanya i AMPUꞌANG DIYUS it iti nga lagi nga delem baw inaat kanya, nga magꞌaat, “Aku i Ampuꞌang Diyus it amaꞌ mu nga si Abraham. Ayaw kat iꞌlam ka pagtatarimaen kuytu ikaw. Talagang ildawan ku ikaw baw padaklen ku nga banar i mga tungtung-inapuꞌ mu uyun kat isiyanggup ku it ki Abraham ngayti nga manigsirbi ku.”

Genesis 28:4

Baw sana gasiꞌ tumanen it Ampuꞌang Diyus kat bilug mu i isiyanggup ya it apuꞌ mu nga si Abraham. Ega lamang kat bilug mu, pati anak-inapuꞌ mu, isaꞌun masadili mi i banwa ngaytu nga piyanumpangan ta, banwa ngaytu nga isiyanggup it Ampuꞌang Diyus it amaꞌ ku nga si Abraham.”

Genesis 35:27

Bawnga limnangbus si Jacob duꞌut amaꞌ ya nga si Isaac duꞌut Mamre, nga sakep it Kiryat-arba, (nga kayti Hebron na). Duꞌun i tagnang pagtataꞌidan ni Abraham baw ni Isaac.

Genesis 37:1

Si Jacob ngayti, timnakenaꞌ na duꞌut Canaan ngayti nga tiyaꞌidan it amaꞌ ya.

Exodo 32:13

Demdemen mu naga i mga manigsirbi mu nga si Abraham, si Isaac baw si Jacob. Ka isiyanggup mu it kanira nga mga tungtung-inapuꞌ nira, padaklen mu nga subung it kadakel it mga bituꞌun duꞌut langit, baw seked it magtungtung-magꞌinapuꞌ makanira i kapuꞌsaan it banwa nga isiyanggup mu it kanira.”

Exodo 40:15

Baw paturuꞌan mu gasiꞌ sirat lana, nga subung it binwat mu it amaꞌ nira, isaꞌun makasirbi gasiꞌ sirat aken kat katengdanan naga nga sasirduti. Ta sabap it paturuꞌan mu sirat lana, maneꞌteꞌ i pagkasasirduti nira, subliyen naga it anak-inapuꞌ nira.”

Exodo 6:4

Nagpakiꞌupakat aku naga it kanira nga uyut i sanggup ku nga ibgay ku it kanira i banwa nga Canaan, iyan banwa nga pagtataꞌidan nira it iting timpu it subung paꞌ sira it dumadayuꞌ duꞌun.

Exodo 6:7

Epe-epetan ku kamu nga mga Israelita, ka taawan ku na kamu. Aku na i Ampuꞌang Diyus mit imyu. Talagang makilalaan mi nga aku i AMPUꞌANG DIYUS, nga nagribri it imyu kat pakuriꞌ it mga taga Egipto.

Jeremias 25:5

Daꞌga baꞌ, ipagsugid nira nga basta indiꞌan mi ga i maraꞌe-raꞌet nga pangaꞌgenan mi baw mararaꞌway nga pagbuwaten mi, ipagsanggup it AMPUꞌANG DIYUS nga mangaꞌgenan kamu it egay katupusan kat banwa nga ipiyasubli yat mga kagiyaringanan mi seked it magtungtung-magꞌinapuꞌ?

Levitico 16:34

Itu ngaytung urdin i dapat nga pagsunudun mi seked it magtungtung-magꞌinapuꞌ, urdin ngaytu nga taꞌun-taꞌun pagbuwaten i ipagꞌangut it kapasinsiyaan it muꞌsang mga kasalaꞌan it mga Israelita.” Ta, talagang ipiyapanaw ni Moises i muꞌsa ngayti nga ipiyagꞌurdin it AMPUꞌANG DIYUS it kanya.

Mga Binwat 7:5

Temed, lamang piyapaꞌugad situ si Abraham ngayti, maski sang tapal nga lugtaꞌ, egay ibinggay it Ampuꞌang Diyus it kanya nga sadili ya. Temed, lamang atkayti, isiyanggup it Ampuꞌang Diyus nga talagang ipasadili ya it kanya i banwa ngaytu, nga subliyen it mga tungtung-inapuꞌ ya, lamang ega pay aꞌanak yat iting timpu.

Deuteronomio 34:4

Inaat kanyat AMPUꞌANG DIYUS, “Iyan i banwa ngayan nga isiyanggup ku it mga kagiyaringanan mu nga si Abraham, si Isaac baw si Jacob, subliyen it mga tungtung-inapuꞌ nira. Ipiyalteg kuytu it imu temed daꞌka na kaꞌbut duꞌun.”

Hebreo 9:15

Aypaꞌ ka, kat keseg it duguꞌ nga ipiyaturuꞌ ya, piyapaꞌgen na ni Cristo i baꞌgu ngaytung pakiꞌupakat. Kamataynen ya ngayti i ipiyagribri yat taw kat panriga it Ampuꞌang Diyus it mga kasalaꞌan nira, iyan sakep paꞌ sira it uꞌna ngayting pakiꞌupakat. Aypaꞌ kumpur piyanakman it Ampuꞌang Diyus nga pasakep it kanya, makatanggap na sira it kagayenang egay kaꞌawaꞌan nga isiyanggup ya.

Josue 1:2

“Kayti,” maat it AMPUꞌANG DIYUS, “it ega nay si Moises nga manigsirbi ku, ikaw siꞌ i bayaꞌen it mga Israelita ngaytu. Magꞌali-alistu kamu na. Mandipag kamu na it danum it Jordan ka lumangbus kamu na duꞌun it banwa ngayan nga isiyanggup ku nga ibgay ku it imyu nga mga tungtung-inapuꞌ ni Israel.

Mga Ipiyalteg 21:7

Siguradung tumbasan ku i iyan nga nakaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, ka aku nay Ampuꞌang Diyus ya baw kanya nayan i anak ku.