Genesis 17:5 - Tagbanwa

⁵ Kayti ega na Abram i panggetaꞌ it ngaran mu in daꞌga Abraham na, sabap ipiyabetang-betang ku nga ikaw na ngaytu i panggaring-garingan it dakel nga bangsa.

Genesis 17:5 Iomraidhean Croise

Genesis 17:15

Beken paꞌ nga inaat it Ampuꞌang Diyus it ki Abraham, “Kayti ega na Sarai i panggetaꞌ mut ngaran it asawa mu, in daꞌga Sara na.

Genesis 32:28

“Ta kayti,” maat ya, “ega na si Jacob ngayan i ngaran mu. Si Israel na, sabap nagpatikeseg ka kat Ampuꞌang Diyus baw kat mga taw, baw nakaꞌindaꞌeg ka.”

Genesis 32:29

“In mapakay,” maat ni Jacob, “sana ireg ku nga maꞌrutan in siyuy imu nga ngaran.” “Aaꞌ, unuka ireg mu paꞌ nga maꞌrutan?” maat i tubag yat ki Jacob. Ega na isiyugid yay ngaran ya. Piyatdekan ya na lamang it ampang nga may guna si Jacob.

Genesis 35:10

nga magꞌaat, “Si Jacob i ipiyangaran it imu it mga giyaringan mu, temed garing kayti ega na si Jacob i ngaran mu. Si Israel na.” Aypaꞌ Ampuꞌang Diyus naga i nagpangaran it kanya it ki Israel ngayti.

Jeremias 23:6

Kat timpu it pagꞌadiꞌ ya ngaytu maꞌawaꞌ i muꞌsang ipagkagulu it mga taga Juda, baw maꞌimbeng nga magpangaꞌgenan i bangsa ngaytu nga Israel. Baw itu i ipangaran it kanya, ‘AMPUꞌANG DIYUS nga pagpanggaringan it kataldengan tami.’”

Juan 1:42

Piyabayaꞌ ya si Simon duꞌun it ki Jesus. Pagkaꞌbut nira, liniling ni Jesus si Simon baw miyampang. Maat ya, “Ngaran mu kayti si Simon, nga anak ni Juan. Temed pangaranan kat ki Cefas.” (Cefas ngaytu, Pedro in kat Ginirego.)

Roma 4:17

Ka daꞌga basaꞌan magꞌaat ngayan duꞌun it kasuratan, “Ipiyabetang-betang ku nga ikaw na ngaytu i panggaring-garingan it dakel nga bangsa.” Saꞌup ku sing iꞌaat nga talagang matuman i isiyanggup ngaytit ki Abraham ka egay beken nga simnanggup in daꞌga Ampuꞌang Diyus nga pagpamayaꞌnen baw pagsarigan ya, kanya nga ega basta-bastay guna ka maski taw nga patay, magkaꞌgen ya, baw, mga bagay nga ega paꞌ miyabut, magkapabaraꞌ ya.

Mga Ipiyalteg 2:17

Ta it pagꞌargan it talinga ipagpagneg, kaꞌilangan pagnegan mit magayen i pagꞌaaten ngaytu nga ipagpatantu it Espiritu Santo kat mga magpamayaꞌ baw magsarig it aken. Ka in siyuy magkaꞌindaꞌeg it in unuy ipagkasalaꞌan baw ipagkaranggaꞌ it pamayaꞌ, siguradung may ibgay kut kanya nga magꞌaꞌareg sinit langit nga ega paꞌ magkaltegan it taw, iyan manna nga ipagkaꞌgen it egay kaskedan. Begayan ku gasiꞌ kanya it maputiꞌ nga batu nga pagsusuratan it esang ngaran nga baꞌgu nga egay maski siyung makaꞌrut, in daꞌga iyan lamang nga nabgayan kayan.’ ”