Genesis 16:7 - Tagbanwa

⁷ Nagpakikita it ki Agar i Anghil it AMPUꞌANG DIYUS duꞌut esang tumbud it danum nga duꞌun it kapupuyangtan nga rugar. Iti i tumbud nga duꞌut dalan nga magpaꞌaduꞌut Shur.

Genesis 16:7 Iomraidhean Croise

Genesis 20:1

Ega naꞌlay, nagpaꞌugad siꞌ si Abraham ngayti. Naꞌaduꞌun siꞌ kanya it Negeb. Tiyaꞌidan yang rugar, duꞌun it piyagtengaꞌan it Cades baw Shur. Bawnga ministar kanya duꞌun it Gerar.

Genesis 21:17

Nagnegan it Ampuꞌang Diyus i sugaw ngaytit waꞌwaꞌ. Pagkagneg ya, nanggaꞌmaran i Anghil it Ampuꞌang Diyusnga duꞌun it langit i garing it ampang ngayti. Maat ya, “Agar, unuy magkasmekan mu? Ayaw kat regen. Nagnegan it Ampuꞌang Diyus i sugaw it anak mu.

Genesis 21:18

Paꞌuliꞌ ka na duꞌut kanya ka bangayen mu na, ka yay matuud, ipatindeg ku naga yan nga esang dakulaꞌ nga bangsa i tungtung-inapuꞌ ya.”

Genesis 21:19

Egay beken, subuk piyaꞌyag it Ampuꞌang Diyus i panleteg ni Agar ngayti. Pagpanigma-sigmata ya, may naltegan ya nga tabud duꞌun. Siyaꞌgeban ya nay bintangan ngaytit balun nirang danum. Pagꞌabut ya duꞌut anak ya ngayti, piyaꞌinum ya na.

Genesis 22:11

sakaliꞌ nga nakagneg kanyat taꞌwag nga duꞌun it langit i garing. Anghil it AMPUꞌANG DIYUS i magpataꞌwag it kanya, nga magꞌaat, “Abraham, Abraham!” Maat i tubag ya, “Wayni aku, Agalen ku.”

Genesis 22:15

Piyakisugidan siꞌ it Anghil it AMPUꞌANG DIYUS it sumaꞌup si Abraham, nga duꞌun it langit i garing it ampang ya.

Genesis 24:7

Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku.

Genesis 31:11

Kat tagaynep ku ngayti, nagpakisugid it aken i Anghil it Ampuꞌang Diyus. ‘Jacob!’ maat ya. ‘Wayni aku,’ maat i tubag ku.

Exodo 15:22

Ega na naꞌlay, tiyaban na ni Moises i mga Israelita ngayti garing duꞌun it pagpangaranan ngaytit Madarag nga Dagat, naꞌaduꞌun i pamanaw nira it rugar nga kapupuyangtan nga duꞌut Shur. Tulung aldaw nay piyanawan nira, egay magkapsagan nira nga danum.

Exodo 3:2

Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti.

1 Samuel 15:7

Pagkalꞌid it mga Cineo ngayti, ta yapay siyulung na niray mga Amalecita. Piyakibunuꞌan niray mga Amalecita ngayti garing duꞌun it Avila miyabut duꞌun it Sur, kat lebatang ayun it Egipto.